Petedo 1 3:8 - El Nuevo Testamento en matsés

⁸ Tantia. Nëbi Esus tantiaquid abitedimbo chuinu. Nuquin Papan chiacpadombuen nanuna, quiash utsibobëd tantiananec bëdambuec isnanta. Cuishonquequidobëd cuishonqueta. Uënësquio yec shubiquidobëd shubita. Adec tantiananquiota. Umbi naiduidi naimbi, quenquio icquin utsibon chiacpadombuentsen nabanta.

Petedo 1 3:8 ပူးပေါင်းရင်းမြစ်များ

Mateo 18:33

¿Umbi mibi bëdambuen isbocpadombuembidi mibi padquid utsi bëdambuen istiapimboda icco? Ma iuecshun bënu, queshun mimbi meniactedi bëabi icquid icsho bëdambuen isec mibitsen bëdambo ictsenac.

Ducas 10:33

Adnubien Samadia yacnouësh choquid aid podquiedëmbidi choquin cuestanquin nianaid uesho istuidash uënësquio yec

Hechos 2:1

Adashic isadaidbon aton tiedën caniquid tidico caid bedbante tantiate uëshë chotsëcnubi Esus tantiaquidotedi shubu nuntan iccuededpanëdash.

Hechos 27:3

Adec cano dapa antabëdtoanec nidquin badiadshun shubu dadpen icquid Sidon caid yacno istuidpondash. Ambo choshon: Mitsana nibëdeque. Mibëd tantiananquido yacno nidta. Aidon mibi nashunquin menetsiash, quequin Pabado bëdambuen tantiaquin sondadon chuiquid Udion chuipondash.

Hechos 28:7

Madta caid yacnocquidon chuiquid tapan shubu anoentsëqui icpondash. Chuiquid tapa Pubedio cuëmëdquid icpondash. Ambo aton tied uanun nidaid bedaid anoentsëqui icpondash. Aidëmbi aton shubu yacno ubitedi iuedshun daëdec ushquin ubitedi bëdambuen nashumpondash.

Hechos 4:32

Aden chuibanequi shubu abentsëquën tabadacbimbuec tabadec Esus tantiaquido dadpenquio: Cunauidtsëqui nec, quenquio yec menenampanëdash. Adecbidi: Abitedishuna nec, quec tabadcuededuapanëdash.

Doma 12:10

Esus tantiaquid yec utsibobëd tantiananquiota. Ubëtan Esus tantiaquido nec, quiash aidobëd tantiananec bëdambuec isnanta.

Doma 15:5

Nuquin Papauidtsëqui nuqui chieshtomenquio icquin bëdambo icmequin dayacquio icmequid nec. Aidën namiac ma utsibobëd Esuquidistun nanëdacpadquiec mibitedi bëdambuec tabadquid icpanuna, quequin tantiembi.

Codinto 1 1:10

Tantia, cun utsibo, Nuquin Icbo Esuquidistun namiaid icquin mibitedi chuinu. Mibëtan Esus tantiaquidobëd chieshënnanec cuëshcuëshëdec tabadenda. Adenquio yec Esus tantiaquid utsibobëd tsidadash tabadec: Naden nanuna, quec abentsëcshun tantiacbimbuen tantiec bëdambuec tabadta.

Codinto 1 12:26

Dadan icquid abentsëc paëmbo icnuc utsitedi adecbidi paëmbo iquec. Dadan icquid abentsëc bëdambo icnuc abitedi bëdambo iquec cuishonquec.

Epeso 4:2

Umbi tantiacpadombuenuidi naimbi, quenquio yec utsibobëd tantiananec nashunnanta. Ubi bunacpaden utsibon nainquio iquec, quiash chieshëmënenquio yec tantiananec bëdambuec tabadta.

Epeso 4:31

Chieshëmënec tabadenda. Uënësquio yec tabadenda. Utsi chieshënquin icsambuen chuishunenda. Cumapenec nëishbuedi bëdanta. Utsi cuestiadquio yec chieshbuedi bëdanta. Utsi chushcabuedi ënta. Utsi icsambuen chuishunquin ënta. Icsambuen tantiaquin nabanaidtedi ënta.

Epeso 4:32

Adecbidi bëdambuec tabadquin utsibo uënësquio icquin tantiaquin nashunnanta. Esuquidistunuidtsëqui nac mimbi icsambuen naid tantienquio yec Nuquin Papa bëshunacpadquiec utsin mibi icsambuen naid tantienquio yec bëshunuata.

Pidipos 2:3

Utsibon mibi chieshënquin nacpaden nainda. Ubiuidtsëqui bëdamboshë iquebique. Cunauidtsëqui nanu, quec mibiuidtsëqui tantiadec tabadenda. Adec tabadenquio yec: Ubi bëdapabi icnuc utsibo bëdamboshëcquido neque. Nashunnu, quec bëdambuec tabadta.

Pidipos 3:16

Nëbi Nuquin Papan tantiamiacpadec nuquitedi bëdambuec tabadnuna.

Codosas 3:12

Nuquin Papan mibitedi tantiaquioquin: Nëid cun matses canu, quequin tantiamiaido yec nadec tabadta. Utsibo tantiec uënësquiocquin nashumbanta. Adecbidi: Mimbia bedan bedembi, quequid icta. Adecbidi: Mibia nashunnu, quequid icta. Utsi icsambuen naid ënmenuec cumapenec chushquenquio icquin bëdambuen chuita. Tantesa uasho issun badedquio chieshtoenquio icquin bëdambuen chuiquin tantiameta.

Ebedeo 13:1

Esuquidistu tantiaquid iccuededquidotedi: Cun utsibimbuecquido nec, quiash aidobëd ënëdenquio yec tantiananec nashunnanta.

Santiaco 2:13

Utsibo uënësquiocquin tantiesa matses icsho Nuquin Papan: Aido tantiac uënësquio iquec, quenquio icquin cuidendac. Aden cuidshumbic utsibo uënësquio icquin tantiaquido icsho Nuquin Papan ambi abitedi cuidte uëshën aido cuidenquio iquendac.

Santiaco 3:17

Padnuen Ambi tantiacpadombuen Nuquin Papan bëdambuen tantiamiaid yec nadquio iquec. Icsambuen nate bunesa nec. Adecbidi utsibobëd bëdambuec tabadquid nec. Adecbidi utsi nashumënquid nec. Adecbidi chushcanesa nec. Adecbidi utsi natiambo icsho uënësquiocquid nec. Adecbidi chuiquidën: Nanuna, cac badedquio: Ai, adonona, quequid nec. Adecbidi cuidmenquiocte bunquid nec. Adecbidi bëdambuen nabanquid nec. Adecbidi: Nëid bëdambuen isquimbi utsi chieshënembi, quesa nec. Adecbidi: Esus tantiaquid nebi, quec muesa nec.

Santiaco 5:11

Natiamiantequid icnuc chieshtoenquio yec cuishonquec tabadsho issun Nuquin Papan bëdambo icmendac, quequin nuquitedi tantiec. Natiamiantequid dadpen icnubi chieshtoenquiocquid Obo icpampic. Adquid icsho issun daëd uaquin Nuquin Icbon nashunquin meneuapampic, quequin chiampid mibitedishun tantiec. Matses cuidte bunenquiocquid yec uënësquio icquin tantiaquin nashunquidquio Nuquin Icbo nec, quequin mimbi tantiec.

Petedo 1 1:22

Nëbi mibitedi ambi chiacpadec tabadquin ambi Chiaidquio tantiasho Nuquin Papan bëdambuen isaid yec bëdambocquid yanshun mibëtan Esus tantiaquido utsibo mimbi tantiaquiec. Adecbidi mua uananenquio yec utsibobëd tantiananquiota.

Petedo 1 2:17

Matses abitedi bëdambuen ista. Mibëtan Esus tantiaquido tantiaquiota. Nuquin Papa bëdamboshë iquec, quequin aid tantiec bëdambuec tabadta. Nuquin matses iuaquid chuiquid tapambo empededod caid bëdambuen isquin aidën chiacpadombuen nabanta.

Petedo 1 5:5

Tantia, caniabo. Mibitsen chuinu. Min chuiquid tapa Esus tantiaquido chuibanquid neque. Aidën chiaid niaquenquio icquin nabanta. Ubi nashunta, quec chuinanec nashunnanta. Umbi tantiacpadembi naimbi, quenquio icquin utsin chiacpadombuentsen nabanta. Adquid Nuquin Papan chuiquin naden dada uamiampid iquec: Utsibo tantienquio icquin aton nauidtsëqui nasho: Icsambo iquec, caindambi. Utsimbien atonauidtsëqui tantienquio icquin utsibotsen tantiaquin nashunsho Nuquin Papan: Aid bëdambuen isquin nashunendambi, quequin chuiquin dada uamepampic.

Petedo 2 1:7

Aden Nuquin Papabëta Esus tantiaquido yec tantiananec nashunnanquionona. Adec nashunnanec tabadquin nuquin shubun icquido tantiaquiacbimbuen matses abitedi tantianuna.

Uan 1 3:14

Cuidadtequido icbuedëmbi Esuquidistu tantiaquid yec tantiananquin naden nuqui tantiendac: Adec tantiananquid yec Nuquin Papabëd tabadtequid nebi, quequin nuqui tantiendac. Utsibobëd tantiananesa yec uënësacbimbuec tabadquidoen Nuquin Papan cuidtequido nendac.