Petedo 1 3:5 - El Nuevo Testamento en matsés

⁵ Adecbidi ëndenquimboshë tsusedpabon chidobo bëdambuen Nuquin Papa tantiaquid yec adquio icpampic. Adquido icquin aton bënën chiacpadombuen naic bëdambuec tabadpampic.

Petedo 1 3:5 ပူးပေါင်းရင်းမြစ်များ

Ducas 2:37

aton bënë uënëspanëdash. Adec uënësan aton seta 84ted iquequi abi niante icpanëdash. Aidëmbi Nuquin Papa tabadte shubu dapa yacno nidtednequin Nuquin Papauidi tantiaquin buna mëmundednequin Nuquin Papa chiannequidquio Ana nepanëdash.

Hechos 1:14

Aidtedi Esusën: Ubi chuibenneta, caido quënë nuntan tabadnubi Esusën tita Madia yec Esus tantiaquid chido utsibo yec Esusën utsibo yec quec ambobidi iccuededtennequin: Nuquin Papa chuinuna, quequin chiannepanëdash.

Hechos 9:36

Adnubien Dida caid udictsëc shubu dadpen icquid Ope caid yacnocquid Esus tantiaquid chido Tabita cuënshumbic quidiecon onqueten Dodcas cain cuënaid icpanëdash. Aidëmbi atona nibëdquido nashundednequimbi pete nibëdquido menedednepanëdash.

Epeso 5:33

Tantia. Mibitedi chuinu. Mibibi datantiadacpadombuen min chido bëdambuen tantiaquiota dadan. Adembidi aton chido icquin min bënë bëdambuen isquin aidën chiacpadombuen nata.

Timoteo 1 2:10

Mabi bëdapactsëcquio iquec, quequin isnu, quequin tantienquio yec: Nuquin Papa tantiaquidquio nebi, quec utsibo nashumbanec bëdambuec tabadta.

Timoteo 1 2:15

Adec abia icsacsho issun Nuquin Papan cuidac paëmbo icnuc bacuë tishquid chido abitedi yampampic. Esus tantiaquid yanash ambi tishaido bëdambuen namequid iquendac. Esusën chiacpadombuen naic matses tantiaquid yanendac. Mabi bëdambocquid nec, canu, quenquio yec Nuquin Papan chiacpadec bëdambuec tabadquid icsho Nuquin Papan abi yacno puduedmendac.

Timoteo 1 5:10

Matses nashunquidquio nec, utsibon cadenned. Aton bacuë bëdambuen caniuadenned. Isedanquido aton shubu yacno chosho bëdambuen isquin nashundenned. Esus tantiaquido tantiaquin acten tapandenned. Matses daicsabudaidbëta nënquido natiamiaido nashundenned. Adec bëdambuec tabadtenned icsho issun: Ma Esus tantiaquidon nashunnu, cata.

Timoteo 1 5:5

Padnuen aton matses nibëdquio icquid nianten Nuquin Papa chiannequid: Nuquin Papan ubi nashuntsiash, queshun. Mimbi ubi tantiaquieque. Ubi nashunta, Papa, quequin Nuquin Papa ënenquio icquin chiannequid niante icsho abëtan Esus tantiaquidon nashunquid.

Ebedeo 11:11

Adembidi: Abi tantiaquidquio icsho Nuquin Papan namiac Abadauan tsësiombo icquimbi aton chido Sada machobudash bacuë tishtiapimbocshobi Nuquin Papan uidënquio icmiac aton mado tishmepampic.

Petedo 1 1:3

Nuquin Papa, Nuquin Icbo Esuquidistun Papa, bëdamboshë iquec, canuna naden tantiaquin: Icsambuen naquido cuidte bunenquio icquin uincuenmequin chuca nuqui icmenuen Nuquin Papan abided cuidadec uënësaid Esus nuqui tantiamiondash. Adoac nuqui naden tantiec: Esuquidistu uënësacsho chococac uincuenash padpidec uënëstiapimbo iquendac. Adembidi Esus tantiec uënësacsho uincuenmeshun Nuquin Papan abi yacno nuqui tabadmendac padpidec uënëstiapimbo icnuc.