Petedo 1 3:4 - El Nuevo Testamento en matsés

⁴ Adenquio icquin: Bëdambocquid nec, camenuec bëdambuec tabadta. Nacnemëdteuidi bunenquio icquin bëdambuen nabanec bëdambocquid icta. Mimbi aden nasho isash: Mibi bëdambo iquec, quendac Nuquin Papa.

Petedo 1 3:4 ပူးပေါင်းရင်းမြစ်များ

Mateo 11:29

Cun Icbo ubi cata. Cun iuambo icquin umbi chiacpadombuen nasho mibi bëdambuen isquin dayacquiocquid icmembi. Adquid icquin mibi ancaisambo nebique. Cun Icbo ubi cata. Adsho mibi bëdambo icmendambi.

Mateo 21:5

Shubu dadpen icquid Sion caidën tabadquido chui. Min chuiquid tapa cabachubitsecquid iuëmbocquid buanmetequidën bacuë caniactsëc catsadec choeque. Is. Ancanenquio yec bëdamboshë icquidquio neque. Is, quequin chui, quequin dada uapampic.

Mateo 23:26

Padiseobo, Bëshuacbimbuen tantienquio icquido mibitedi nec. Dëshote abichobi bëdambuen ampanacbimbuen mimbi icsambuen naid ënash bëdambo icta. Adec icsainquio yec Nuquin Papan chiacpadec mibitedi bëdambuec tabadtsiac.

Mateo 5:5

Atonauidi tantienquio icquin Nuquin Papa tantiaquin utsibotsen tantiaquid Nuquin Papan bëdambo icmendac. Iuecshun Nuquin Papan: Menenu, caid ambi nidaid chuca uaidën tabadmendac.

Ducas 11:40

Tantiesambo mibitedi nec. ¿Nuquin Papan matses uaquin dadabëtabi tantiate uapampic, quequin tantienquioda ique?

Ducas 16:15

Adec tabadsho issun Esusën: Bëdambuen nacbimbuen ismequido mibitedi icsho mimbi ompoquin naidtedi Nuquin Papan tantiec. Adembidi: Bëdambuen naquidquio nec, quequin matsesën isaidi Nuquin Papan bëdambuen istiapimbo iquec, quepanëdash Esus.

Doma 1:23

Aden nadatiambocquin naquid yec uënëstiapimbo icquid Nuquin Papambo tantiatiapimbo icquimbi uënësquiduidquio tantiaquin matsesbimbuecnuc nacnenshun: Papa, quequin chiannec. Adembidi nëishbimbuecnuc nacnenquinc uicchumbimbuecnuc nacnenquinc tacbidën siuidquid nisibimbuecnuc nacnenquinc caquin ambibi nacnenshun: Ubi nashunta papa, quequin chiannec.

Doma 2:29

Isadaidbo nebi, queshun shui dëbid dëtemequido yec bëdambuec tabadquin Nuquin Papa tantiaquidombo nec. Adquid icquin Moisesën chiampicpadombuenuidi nainquio yec Nuquin Papan Mayan Bëdan tantiamiacpadec bëdambuec tabadec. Adec tabadsho: Adquid bëdambo iquec, matsesën cainquio icnubi Nuquin Papan: Bëdambo iquec, caindac.

Doma 6:6

Ënden icsambuen naquido nuquitedi iccondac. Adquid icsho Esuquidistubëta cueste napotiaidën dectanacbimbuecquido nebi, quequin nuquitedi tantiec. Aden dectanquin nuquitedi icsambuen naidbëta icsambuen tantiaidtedi nibëdanmepanëdash. Adquid yec nëbi nuquitedi icsambo icmianquidën iua ictiapimpo iquec.

Doma 7:22

Nuquin Papan: Naden nata, quequin Moises chuiquin dada uamiampid tantiate bunebi,

Codinto 2 10:1

Pabado nebi. Tantia. Mibitedi chuinu. Cumapenec chushquenquio icquin matses bëdambuec tabadmenu, quequin chuibanquid Esuquidistu icpanëdash. Mibi yacno nidshun Esuquidistupadquid icnu, quequin ubi chieshënquidi bëdambuen tabadmenu, quequin chuibanondambi. Adoaqui ubi chieshënquido nadec onquec: Nuquibëd tabadquin dacuëdacbimbuen cumapenen Pabadon chushcainquio iccondash. Utsibo yacno nidash tabadquin dada uaquimbi cumapenen chushcaic, quequin icsambuen chuishunoshi.

Codinto 2 4:16

Adquid icnuc chieshtoenquio icquin cun dada shënibudec tsësiobudquimbi badiadquidën badiadquidënquien Nuquin Papan namiac Esuquidistu tantiaquid icbuedi Esus tantiaquidquio yanebi.

Cadasia 5:23

Ubiuidtsëqui bëdambocquid nebi, quenquio yec tabadquid. Abi icsate bunaid nainquio icquin mëmunec tabadquid. Adec tabadquin Nuquin Papan Chiampid niaquenquiocquid iquendac.

Epeso 4:2

Umbi tantiacpadombuenuidi naimbi, quenquio yec utsibobëd tantiananec nashunnanta. Ubi bunacpaden utsibon nainquio iquec, quiash chieshëmënenquio yec tantiananec bëdambuec tabadta.

Codosas 3:12

Nuquin Papan mibitedi tantiaquioquin: Nëid cun matses canu, quequin tantiamiaido yec nadec tabadta. Utsibo tantiec uënësquiocquin nashumbanta. Adecbidi: Mimbia bedan bedembi, quequid icta. Adecbidi: Mibia nashunnu, quequid icta. Utsi icsambuen naid ënmenuec cumapenec chushquenquio icquin bëdambuen chuita. Tantesa uasho issun badedquio chieshtoenquio icquin bëdambuen chuiquin tantiameta.

Codosas 3:3

Esuquidistu tantiabenash uënësacbimbuec mibitedi ënden tabadondacpadecbidi icsambuen naic tabadenda. Nuquin Papan: Esuquidistubëd tabadtequido nec, quequin aidën dayun uaidquio mibitedi neque.

Tesadonica 1 4:11

Umbi chiondacpadquiec chieshëmënenquio yec bëdambuec tabadta. Utsin icsambuen naiduidi chienquio yec bëdambuec tabadta. Chieshenquio yec dayacquio yec chonoadec tabadta.

Tesadonica 2 3:12

Chieshquido icsho Nuquin Icbo Esuquidistun chiaidquio mibi chuinu. Chieshuidequi tabadenda. Min petebëta mitsana utsi bednuec chonoadta.

Timoteo 1 2:2

Adembidi Nuquin Papa chuiquin: Chuiquid Tapambobëta chuiquid tapa utsibotedi bëdambuen tantiame. Adoac aidon bëdambuen namiac cuessun secananenquio yec matses abitedi bëdambuec tabadtsiash, Papa, quequin Nuquin Papa chianneta.

Timoteo 2 2:25

Esus tantiesabon: Mimbi Nuquin Papan Chiaid chuisho tantiatiapimbo iquebi, caqui adembi chieshtoenquio icquin Nuquin Papan Chiaidquio mimbi chuibanendac. Nuquin Papan Ambi Chiaidquio tantiamiac: Icsambuen naombi, quequin ma Esus tantiesan tantiabennu, quequin abi chuibanendac.

Tito 3:2

Adembidi: Utsi icsambuen chuishunec onquenda. Adecbidi: Utsibobëd tantiananec bëdambuec tabadec menenanta. Adembidi: Umbi tantiacpadombuenuidi nata, quenquio icquin utsibon chiaidtsen tantiaquin nabanta, quequin chuibanta.

Santiaco 1:21

Icsambuen naic tabadtequid dadpenquio icnuc mimbi icsambuen tantiacpaden naidtedi ënquiota. Aden: Ënnu, quiash: Icsambuen naombique. Mimbi chiaid tantianu. Ubi bëdambuen tantiame, queshun Nuquin Papan Chiaid chuibansho tantiata. Aden chiaid Nuquin Papabëd nuqui tabadmetembo nendac.

Petedo 1 1:23

Ambi chiaidquio tantiamequin chucauaido mibitedi nec. Dadan chudac bacuë usundoshon tishac chuca uaid ictiapimbo yec uënëstequid icnuc Nuquin Papan chucauaido mibitedi nec. Aden mibi chuca uaquid Nuquin Papa nibëdantiapimbo icquid icnuc ambi Chiaid adecbidi bënnudtiapimbo iquec.

Petedo 1 3:15

Dacuëdenquio icquin: Cun Icbo Esuquidistu nec, quequin tantiaquin aidën chiacpadombuen nata. Aden mimbi tantiasho isash utsibo: ¿Mitsipaden tantiaquin Esus tantiaquin nai? quesho tantiashun: Ambi chuinëdacpadombuen abi tantiec uënësacsho abi yacno ubi tabadmendac, queshun Esus tantiembi, quequin utsibo chuibanta.