Petedo 1 3:11 - El Nuevo Testamento en matsés

¹¹ Icsambuec tabadbuedi bëdambuec tabadnuna. Utsibo chieshënnansho issun: Padi, chieshënnanenquio yec bëdambuec tabadnuna, caindac.

Petedo 1 3:11 ပူးပေါင်းရင်းမြစ်များ

Mateo 5:45

Aden chiannesho tantiec Nuquin Papa abuc tsadquidën: Cun mado nec. Cun champi nec, caido mibitedi iquendac. ¿Bëdambo icquido yacnouidtsëquida Nuquin Papan uëshë chëncamepadic? Padenquio. Icsambo icquido yacnotsen uëshë chëncamec. ¿Bëdambo icquido yacnouidtsëquida ue chomepadic? Padenquio. Icsambo icquido yacnotsen ue chomec.

Mateo 5:9

Aton matses chieshënnansho isash: Padi. Bëdambuequien tabadtiad, quequid Nuquin Papan bëdambo icmequin dada cun mado caquimbi chido cun champi caindac.

Mateo 6:13

Adembidi Mayan Icsa Satanasën tanquin ubi icsamete bunmequin: Iuanu, casho ubi cudasquin mënchicta, Papa. Mibiuidtsëqui nadatiambocquid yec bëdamboshëcquid yec nibëdantiapimbocquidquio mibi nec, Papa, Amen, quequin Nuquin Papa chianneta, quequin Esusën chuibampanëdash.

Madcos 14:7

Piucquid nibëdquido dadpen mibëd tabadec nibëdenquio iquendac. Aidi menenu, queshun mimbi menepec. Ubien mibëd icbuedi nëbi nibëdquio yanendac.

Ducas 1:79

Aden chomiac choshon uëshëmbo icnuc isquin tantiacbimbuen matses abimbo tantiamendac. Icsambuen naquidombo icsho Nuquin Papan cuidtequido nec, quequin tantiamendac. Aden tantiamiac aid tantiaquid yanash dacuëdenquio yanec bëdambuec tabadendac, quequin Sacadiasën chuipanëdash.

Ducas 6:35

Tantia. Mibitedi chuinu. Mibi chieshënquidobi tantiaquin bëdambuen nashunta. Adembidi: Mitsana bec cho, quesho: Iuecshun aidpadquid ubi meneuata, quenquio icquin meneta. Mimbi adosho issun Nuquin Papan bëdambuen isquin bëdamboshëcquid mibi menendac. Ambi icsambuen naquidobi nashunacpadombuen nashunsho issun mibitedi Nuquin Papan: Cun mado nec. Cun champi nec, caindac.

Ducas 6:9

Adsho istanquimbien: Tantianu. Chui. Chonoadtemaid uëshën matses tantiaquin bëdambuen naquimbi ¿matses icsa uapendambi ique? ¿Nëid uëshëndambi matses bëdanmenquio icpe? ¿Bëdanmenquio icquindambi: Ma adequi uënësnu, cape? quepanëdash Esus.

Uanën dada uaid 17:15

Aden tantiaquin: Ubi tantiesabobëd ubëd icquido tabadmenda, quequin chienquio icquin: Satanas iuamequin chieshtomenda, quequin chiec nebi, Papa.

Doma 12:18

Chieshëmënec icsambuec tabadte bunsho issun aid chuiquin: Bëdambuequien tabadtiad, quequin chuita.

Doma 14:17

¿Nadquid petemaid nec. Nadquid actemaid nec, quequin tantiecta Nuquin Papan namiacno tabadpatsiash? Padenquio. Aton Mayan Bëdanuidtsëqui abëd tabadquin namiac ambi chiacpadombuen naic cuishonquec bëdambuec tabadendac.

Doma 14:19

Adquid icnuc aidën chiacpadec chieshëmënenquio yec bëdambuec tabadnuna. Esus tantiec chieshtoenquio yec bëdambuec tabadnuna, quec chuinannuna.

Doma 5:1

Nuquin Icbo Esuquidistu uidtsëqui tantiasho Nuquin Papan nuqui bëdambuen isquin cuidenquio iquendac isaisabimbuecnuc. Adoaid yec nuqui bëdambuec tabadendac.

Doma 7:19

Bëdambo icte bunebi, quebuedi ubibi bëdambuec tabadtiapimbo iquebi. Icsate bunenquio iquebi, quebuedi ubibi icsaded icsadedebi.

Doma 7:21

Adquid nebi, quiash bëdambuen nate bumbuedi aden nainquio yec badedquio icsaded icsadedchitebi, quequin tantiabenondambi.

Doma 8:6

Aden abi bunaiduidi tantiaquin naic icsambuec tabadquid uënësacsho ënenquio icquin cuidacno nësecaindac. Nuquin Papan Mayan Bëdan tantiamiacpadec tabadquidien dacuëdenquio icnuc abëdi tabadmendac padpidec uënëstiapimbo icnuc.

Cadasia 5:22

Padnuen Nuquin Papan Mayanën tantiamiaid nadec tabadquid. Nuquin Papa tantiec utsibobëd tantiananec bëdambuec tabadquid. Esus tantiec cuishonquec tabadquid. Nuquin Papan ubi bëdambuen isec, quec bëdambuec tabadquid. Utsibon chieshënaqui badedquio chieshtoenquio yec tabadquid. Utsibo tantiaquin nashunec tabadquid. Bëdambuen tantiaquin nabanec tabadquid. Chieshtoenquio icquin Nuquin Papa tantiec tabadquid.

Cadasia 6:10

Adotequid icnuc bëdambuec tabadquin Esus tantiaquidobëta utsibo bëdambuen isquin nashunnuna. Adecbidi Esus tantiaquido yec tantiananquiec nashunnanquionona.

Codosas 3:15

Adec Esus tantiaquido yec Esuquidistubëd abentsëc yacbimbuecquid yanash ma abitedi bëdambuec tabadnu, queshun Nuquin Papan: Cun matses nec, quequin ambi tantiamiaido yec bëdambuec tabadta. Adec tabadquin: Mibi tantiaquido yec bëdamboshë iquebi, Papa, quequin Nuquin Papa chianneta.

Timoteo 1 6:18

Aidbidi chuiquin: Bëdambuec tabadquin utsibo nashumbanquiota. Adembidi cudasenquio icquin mitsana utsibo menianneta.

Ebedeo 12:14

Umbi aden chiaid tantiec utsibobëd chushcananenquio yec bëdambuec tabadta. Aden Nuquin Papan chiacpadombuen nanuna. Aidën chiaid niaquec tabadquin Nuquin Icbo bëisenquio nuqui ictsiandac.

Ebedeo 13:16

Aden bëshunenquio icquin chiannec utsibobëd tantiananec nashunnanquin atona nibëdquid icsho menequid icta. Adsho issun nëish iua cuessunneshun pichicaid isacbimbuecnuc Nuquin Papan: Bëdambo iquec, caindac.

Santiaco 4:17

Bëdambuen nabanquin tantiembi, queshun adombuen nabanenquio icquid icsambuen naquid iquendac.

Petedo 1 3:12

Ambi chiacpadombuen naic bëdambuec tabadquido icsho Nuquin Icbon dayun uaindac. Aidon: Ubi bëdambuen isquin nashunta, Papa, quequin Abi chiannesho tantiendac. Padnuen icsambuen naic tabadquido icsho bëdambuen istiapimbo iquendac, quequin chuiquin dada uamepampic.

Uan 3 1:11

Tantia. Cun utsi Cayo umbi tantiaidquio icsho mibi chuinu. Icsambuen naquidën nacpaden naic icsainda. Bëdambuen naquid Nuquin Papa tantiaquid neque. Bëdambuen nata. Icsambuen naquid: Nuquin Papa iquec, quequin tantiesa nec.