Petedo 1 2:20 - El Nuevo Testamento en matsés

²⁰ ¿Icsambuen nasho natiamequin cuesac chieshtoenquio icshoda Nuquin Papan: Aid iua bëdambo iquec, capatsiash? Padenquio. Nuquin Papan chiacpaden bëdambuen naquid natiamequin cuesaqui chieshtoenquio icsho: Aid iua bëdambocquid nec, caindac Nuquin Papan.

Petedo 1 2:20 ပူးပေါင်းရင်းမြစ်များ

Mateo 26:67

Adshumbien Esus chieshënquin bëpishtucatanquin mëshëbudtanquin mëdanten bëse bësepanëdash. Bëse bësesho istanquin utsibontsen istiapimbo icnuc Esus dashcuten bëpuctanquin mëdanten tancues tancuespanëdash.

Mateo 5:47

¿Min matsesadobëduidtsëqui onquec: Mibi tantiembi, quec bëdamboda mibitedi icpe? Nuquin Papa tantiesaboen adec tabadpec.

Madcos 14:65

Adshumbic utsibon Esus bëpishtucaquin tauapanëdash. Adotanquin dashcuten bëpucshun cuestanquimbi: ¿Tsuntsin mibi cuesoshe? Cumapenen tantiaquidquio icquin en ubi chui. Tantianu, capanëdash Esus chuiquin. Adoshobi Nuquin Papan shubu dapa isquid sondadon mëdanten bëcuespanëdash.

Ducas 6:32

Ubëd tantiananquiduidtsëqui tantiembi, ¿quecta mibitedi bëdambo icpe? Padenquio. Adecbidi Nuquin Papa tantiesabo yec icsambuen naquido abëd icquidobëd tantiananec.

Codinto 1 4:11

Ubitedi Esuquidistun: Chuibenneta, caido yec pete bunec tabadebi. Adecbidi acte bunequi tabadebi. Adecbidi dashcute abentsëqui icnuc natiec tabadebi. Adecbidi chieshëmënquidon natiamiaido nebi. Quenenash icte shubu nibëdquido nebi.

Cadasia 4:18

Utsibon mibitedi tantiaquin bëdambuen namenuen chuibansho tantiac bëdambo ictsiash. Umbi chuibansho mimbi bëdambuen tantiondac. Adembidi ubi nibëdnubi ënenquio icquin tantiac bëdambo ictsiash.

Epeso 5:10

¿Adambi bëdambuen napeba? quequin ënenquiocquin tantiadednequin Nuquin Papa bunacpadombuen nabanec tabadtedneta.

Pidipos 4:18

Utsi utsien bedshumbenneshun mimbi bëmiaid Epapadoditon bëacsho bedondambi. Aidtedi bedash bëdambo iquebi. Nuquin Papa bëdambo iquec, camenuen nuadte bëda bëdambo nuadnuc pichicacbimbuen mimbi bëmiaccondac.

Petedo 1 2:19

Adec Nuquin Papa tantiaquid yec bëdambocquid icsho cuesaqui chieshëmënenquio icsho: Aid iua bëdambo iquec, quequin Nuquin Papan mibitedi bëdambuen istsiashe. Mibi iuaquidën chiacpadombuen nata.

Petedo 1 3:14

Adec bëdambuec tabadsho issun icsambo icquidën natiamequin mëyanacsho mibitedi Nuquin Papan mibi bëdambo icmetsiashe. Utsibo dacuëdënec natiec tabadenda.

Petedo 1 3:17

Nuquin Papan tantiacpadec Esus tantiaquid yec mëyadsho: Icsambo iquec, catiapimbo iquec. Icsambuen naquid yec mëyadac bëdambo ictsiash.