Petedo 1 2:1 - El Nuevo Testamento en matsés

¹ Nuquin Papan Chiaid tantiashi chieshëmënec tabadenda. Utsi mua uainda. Esus tantiaquid nebi, quiashi icsambuec tabadenda. Utsina isash adquid cuna nibëdec, quec chieshëmënec tabadenda. Utsibon icsambuen naiduidi chiec tabadenda.

Petedo 1 2:1 ပူးပေါင်းရင်းမြစ်များ

Mateo 15:7

Nuquin Papa tantiaquid nebi, quec bëdambocquid danmianquido mibitedi nec. Ëndenquimboshë Nuquin Papan ambi oncamiaid Isayasën mibitedishun icsambuen tantiate naden chuiquin dada uamepampic:

Mateo 23:28

Adembidi bëdambuec tabadquid mimbi danmec. Matses ismec bëdambuec tabadshumbic ompodshon Nuquin Papan Chiaid niacniacquin mimbi icsambuen nabanec, quepondash Esus.

Mateo 24:51

Adec choshon ambi chiacpadombuen nainquio icsho istuidshun: Icsambo iquec, queshun cumapenquien cuidendac. Adombuembidi Nuquin Papan icsambuen naquido cuidendac. Bëdambo icquid danmianquido cuidacno matses mëyadtequid yacno nidmendac. Adoac natiaquiec shëta chëquëdëshquec shubiquiendac, quequin Esusën chuipondash.

Mateo 7:5

Bëdambocquid danmianquido mibitedi neque. Mibi bëctsiadaid mibia bëbedadshun: Mibitsen bëbednu, quetiadquidi mibi nec. Adembidi utsin icsambuen naid abentsëc icnubi mimbi icsambuen naid utsi utsiec icnuc ¿atotsi queshun: Mimbi icsambuen naid ënta, quequin mimbi utsi chuipe? quequin Esusën chuipanëdash.

Madcos 12:15

Adoaquien: Ubi icsambuen chuimenuec adec onquec, quequin ambibi tantiash: ¿Atotsi queshun ubi aden icsambuen chuimetiadquio ique? quetanquin: Piucquid tsasicquid abentsëc bec cho. Isnu, quepanëdash Esus.

Ducas 11:44

Adembidi: Matses uënësaid chococaid manenushe mabësnu, quiacbimbuen: Ubi icsaid tantianushe, quequi bëdambocquid danmianquido yec icsambocquido icsho Nuquin Papan cuidtequidombo mibitedi nendac, quepanëdash Esus Moisesën chiampid tantiamequidobëta padiseobo chiec.

Ducas 12:1

Aden padiseobon: Esus cuidnuen icsambuen chuimenuna, quequin tantianubien matses dadpenquioshë Esus yacno chochoash tsucus tsucustsëcquio yec tatincancuededtsëcquiec iccuededpanëdash. Adec matses tabadnubien abëd icquido Esusën nadopanëdash: Padiseobo bëdambuec tabadquid danmianquid yec pan bidiscametebimbuecquido neque. Aidon muaquin chuisho tantienda.

Ducas 6:42

Bëctsiadaid bëchish nua bëuequid nebi, quequin tantienquio icquin utsi bëctsiadaid pistsëcquid icshobi ¿Mitsipaden mimbi aid bedshunnuen ispe? Bëdambocquid danmianquido mibi neque. Mibi nua bëuequidba chicshun mimbi min utsi bëctsiadaid pistsëcquid bedshuntsiac.

Uanën dada uaid 1:47

Adoac choshobien Esusën: Is. Isadaidbombo iquec. Muauadesambo nec, caquien

Doma 1:29

Aido nadquido nec. Nëidic utsi icsambuen nambo icquidobi muaquin cuidmequido. Nëidic icsambuecshë tabadquido. Nëidic aton chidopenquio chudquido. Nëidic aton bënëpenquio chudmequido. Nëidic dada aton dada utsibëdi chichudnanquido. Nëidic chido aton chido utsibëdi dachudnanquido. Nëidic dadpen bunquin bedquido. Nëidic chieshëmënquido. Nëidic utsina isash natiambo bunec chieshëmënquido. Nëidic cuessunnianquido. Nëidic chushcananquido. Nëidic muaquido. Nëidic icsamboshë icquido. Nëidic utsibo icsaiduidi chuiquido.

Codinto 1 14:20

Cun utsibo, mibitedi bacuëbon tantiacpaden tantiec tabadenda. Bacuëbo tantiabenabictsëcquidën icsambuen naid tantienquio yacbimbuec tabadta. Adec tabadquin caniaidën tantiacpaden bëdambuen naic tabadquin ismeta.

Codinto 1 5:8

Adquid icnuc Esus tantiaquido icquin ambi icsambuen naid ënaid tantiamequin pan bidiscamiabicquid pec tabadquin nuquitedi: Icsambuen naquid iccondaidi nëbi bëdambuen naquin abimbo chuiquid icnuna. Adquid icquin icsamboshë icquido yec chieshëmënquido tabadacpaden nabanenquio icnuna.

Codinto 2 12:20

Mibi yacno nidshun isac mibitedi bëdambuec tabadenquio icchitotsiash, quequin dacuëdquin umbi tantianubi mimbi: Pabadon ubi chushcanushe, quequin tantiabededtsiash. Mibitedi nadec tabadsho chushcatsiambi. Nëidic chushcananquido. Utsibic utsin na dadpen icsho isash bedte bunec chieshëmënquido. Utsibic nëishëmënquido. Utsibic: Ubiuidtsëqui bëdambo iquebi, quequido. Utsibic utsi icsambuec tabadaid chuinanquido. Utsibic: Utsibo icsaiduidi chuiquido. Utsibic: Ubi bëdambocquid icnubi aid icsambocquid nec, quequido. Utsibic ambi tantiacpadpenquiocquid icsho isash cumapenec cuëdcuededquido. Adoquido icsho chushcatsiambi, quequin chuiquin dada uaic nebi.

Epeso 4:31

Chieshëmënec tabadenda. Uënësquio yec tabadenda. Utsi chieshënquin icsambuen chuishunenda. Cumapenec nëishbuedi bëdanta. Utsi cuestiadquio yec chieshbuedi bëdanta. Utsi chushcabuedi ënta. Utsi icsambuen chuishunquin ënta. Icsambuen tantiaquin nabanaidtedi ënta.

Tesadonica 1 2:3

Adembidi abimbo chuiquin Esusën naid chuibanondambi. Bëdambuen namenuen bëdambuen chuibanondambi. ¿Min piucquid bednuen mua uaquindambi mibitedi chuibandionda? Padenquio.

Timoteo 1 3:11

Adquidën chido: Bëdambocquid nec, utsibon caidquio nendac. Utsin icsambuen naiduidi chienquio yec bëdambuec tabadquid nendac. Muainquiocquid nendac. Adquidquio Esus tantiaquido nashunquidën chido bëdambo ictsiash.

Tito 2:3

Adembidi Esuquidistu tantiaquid machobo tantiamequin naden chuibanta. Nuquin Papan bëdambocquid icmiaid nebi, quec bëdambuec tabadta. Adembidi utsin icsambuen naiduidi chiannequid iquenda. Adembidi acte paë uaid tantiadennuen acquid iquenda. Bëdambuen nabanec tabadquin buntacbo ismeta, quequin machobo chuibanta, Tito.

Ebedeo 12:1

Aden Nuquin Papa tantiaquidombo yec uënësampidën dacuenadec tabadquin isacbimbuec nuqui tabadec. Aidon nampid tantiaquin Nuquin Papa tantiate bunquioquin: Cun dashcute iuëmbocquid chictanec cumapenec titinquetannu, quiacbimbuen nuqui icsambuen nabanaid ënnuna. Adembidi dayacquiocquin Nuquin Papan chiacpaden nabanec tabadnuna.

Santiaco 1:21

Icsambuen naic tabadtequid dadpenquio icnuc mimbi icsambuen tantiacpaden naidtedi ënquiota. Aden: Ënnu, quiash: Icsambuen naombique. Mimbi chiaid tantianu. Ubi bëdambuen tantiame, queshun Nuquin Papan Chiaid chuibansho tantiata. Aden chiaid Nuquin Papabëd nuqui tabadmetembo nendac.

Santiaco 3:14

Padnuen nadquid bëdambuen tantiaquidpenquio nendac. Nëidic: Ubi bunacpaden: Umbi nanu, cabuedi aidën naic, quiash chieshëmënquid. Nëidic chushcanante bunquid. Nëidic: Ma utsibon ubi bëdambuen isquin aton chuiquid icmenu, quequin tantiaquid. Adec tabadquid yec abimbo chiaidquio tantiesabo nendac.

Santiaco 4:11

Cun utsibo, mibëtan Esus tantiaquid utsibobëd icsambuec chuishunnanenda. Aden icsambuen chuishunquin mimbi: Nuquin Papan: Naden nata, quequin Chiampid icsambocquid nec, cacbimbuen naindac. Adec utsibobëd icsambuec chuishunnanenquio icquin Nuquin Papan chiacpadombuen naquid icta.

Santiaco 4:5

Adquid chuiquin naden dada uamiampid iquec. Nuquin Papan nuquitedi tantiaquin aton Mayan meniash nuqui cudasendac, quequin chuipampic.

Santiaco 5:9

Cun utsibo, Esus tantiaquid yec utsibobëd chushcananec tabadenda. Adec tabadsho Nuquin Papan cuidnushe. Cuidte Chuiquid yec nëbimbobi choeque.

Petedo 1 2:16

Mayan Icsa Satanasën iuaido icsho Esusën bedshunaid yec nëbi Satanasën iuaidpenquio mibi nec. Adquid yequi icsanuec: Ubi bunaiduidi naimbi, quenda. Nuquin Papan iuabo yec bëdambuec tabadta.

Petedo 1 2:22

Esuquidistu muesambo yec icsambuen naisambo nepondash.

Petedo 1 3:10

Naden chuiquin Nuquin Papan dada uamiampid iquec: Bëdambuec tabadte bunquid yec cuishonquec tabadquid iquendac. Adquidën utsibo mua uainquio iquendac. Chieshënquin utsibo icsambuen chuishunec onquenquio iquendac.

Petedo 1 4:2

Aden mimbi tantiacpadombuen nainquio icquin Nuquin Papan tantiacpaden nate bunquidquio mibitedi iquendac.

Petedo 1 4:4

Adec tabadondaidi nëbi bëdambuec tabadsho issun mibëtan icsambuen nabanondaidon: ¿Atotsi queshun nuqui naondacpadombuen nainquio ique? quequin mibitedi icsambuen chuishunendac.

Esusën Uan ismiaid 14:5

Aido bëdambuec tabadnëdaido yec utsibon: Muaquin icsambuen chuishunesabo nec, quequin ismeposhi.