Petedo 1 1:8 - El Nuevo Testamento en matsés

⁸ Aden mimbi isacmaidi Esuquidistu tantiaquido mibitedi nec. Nëbi aid isambo icquimbi mimbi tantiaquiec. Adash utsibon tantiatiapimbo icnuc mibi cumapenquiec cuishonquendac.

Petedo 1 1:8 ပူးပေါင်းရင်းမြစ်များ

Mateo 10:37

Padnubic aton papa tantiaquinc aton tita tantiaquinc cain aidën chiacpadombuenuidtsëqui naquidën umbi chiacpadombuen natiapimbo ictsiash. Adembidi aton mado tantiaquinc aton champi tantiaquinc caquin aid bëdambo icmeteuidtsëqui bunquin umbi chiacpadombuen natiapimbo ictsiash. Adquido ubi tantiaquidpenquio nendac.

Uanën dada uaid 14:15

Adshumbic abëd icquido padpiden chiec Esus: Ubi tantiaquido icquin umbi chiacpadombuen naquid iquendac.

Uanën dada uaid 14:21

Umbi chuibued tantiaquin nabanquid yec ubi tantiaquidquio nendac. Adquid icsho Cun Pabëtan mibi tantiaquioquin: Adquio aton Papabëd Esus iquec, camequin mibi bëdambuen tantiamendambi, quepondash Esus.

Uanën dada uaid 14:24

Ubi tantiesaboen umbi chiaid niacquido nendac. Umbi chuibansho mibitedishun tantiabued umbiuidtsëqui chiaidpenquio nec. Mambi ubi chomequid Cun Pan Chiaidquio chuibamboc, quepondash Esus ubitedi chiec.

Uanën dada uaid 16:22

Adquiecbidi nëbimbobi ubi uënës uasho isash mibitedi natiaquiendac. Adbuedi iuecpactsëcshun ubi padpiden istanec mibi cuishonquendac utsibon ënmetiapimbo yec.

Uanën dada uaid 20:29

Adsho tantiashumbien Esusën: Ubi issun: Nuquin Papapadquidquiobidi mibi nec, quequin mimbi ubi tantiec. Utsibombien ubi isambobi: Ai, Nuquin Papa padquidquiobidien Esus nec, quequin ubi tantiasho Nuquin Papan bëdambo icmendac, quepondash Esus Tomas chiec.

Uanën dada uaid 8:42

Adsho tantiashumbien Esusën: Nuquin Papambo tantiaquimbien mimbi ubitsen tantiatsiac. Umbi tantiacpadec choenquio iccondabi. Nuquin Papan: Matsesbëd tabadec nid, caquini chondac. Adoaid icsho Cun Pa tantiaquin ubitsen mimbi tantiatsiac.

Hechos 16:34

Aden mentoac aton shubuno buanshun pemepanëdash. Adashic Nuquin Papan Chiaid abimbo tantiaquid yec: Ambi bëdambo icmiaido nebi, quiash seshunniadtsembued aton shubun icquidobëd cuishonquecuededpanëdash.

Doma 14:17

¿Nadquid petemaid nec. Nadquid actemaid nec, quequin tantiecta Nuquin Papan namiacno tabadpatsiash? Padenquio. Aton Mayan Bëdanuidtsëqui abëd tabadquin namiac ambi chiacpadombuen naic cuishonquec bëdambuec tabadendac.

Doma 15:13

Nuquin Papa tantiaquido icsho mibitedi tantiaquin naden chiannembi: Aido bëdambuec tabadmequin cuishoncameta. Adembidi min Mayan Bëda nadatiambocquidën tantiamiacpadombuen cainec tabadmeta, quequin Nuquin Papa chiannembi.

Codinto 1 16:22

Matses Nuquin Icbo tantiesa icsho ma Nuquin Papan aidi cuidquiopanuna, quequin chiondambi. Cun Icbo, cho, capombi.

Codinto 2 1:22

Adembidi: Cuna nec, quequin aton Mayan Nuquin Papan meniaid nuquibëd tabadec. Adoaid yec aidbëd tabadtequid nebi, quequin tantiamenuen Nuquin Papan aton Mayan meniac.

Codinto 2 12:4

Abuc bëdamboshë yacno indoac utsibon tantiacmaid chuisho tantiapondambi. Umbi tantiondaid matsesën chuitiapimbo ictequid niondash.

Codinto 2 4:18

Aden tantiec: Ubi natiamiaid iquec, queshumbic: Nuquin Papabëd tabadendabi, quequin dacuëdenquio icquin tantiec tsadebi. Umbi isaidtedi ënëdendac. Padnuen umbi isacmaid ¿mitsipadquien icpec? quequin tantiaquiembi. Nuquin Papa yacno tabadec uënësesa iquendabi, quequin nuqui tantiendac.

Codinto 2 5:7

Nëbi Nuquin Icbombo isenquio icquimbi ënenquio icquin: Abi iquec, quequin nuqui abimbo tantiec.

Codinto 2 9:15

Aden aidon chuinubi naden Nuquin Papa nuqui chiec: Mimbi chomiaid Esuquidistu mibi ubi bëdambuen ismequid bëdamboshë iquec. Aden naquid utsi nibëdec, Papa, quequin nuqui chiannec.

Cadasia 5:22

Padnuen Nuquin Papan Mayanën tantiamiaid nadec tabadquid. Nuquin Papa tantiec utsibobëd tantiananec bëdambuec tabadquid. Esus tantiec cuishonquec tabadquid. Nuquin Papan ubi bëdambuen isec, quec bëdambuec tabadquid. Utsibon chieshënaqui badedquio chieshtoenquio yec tabadquid. Utsibo tantiaquin nashunec tabadquid. Bëdambuen tantiaquin nabanec tabadquid. Chieshtoenquio icquin Nuquin Papa tantiec tabadquid.

Cadasia 5:6

Esuquidistunuidtsëqui shui dëbid dëtemiaidobëtambi dëtemiacmaidontsen abi tantiasho bëdambuen isec. Adoac aid tantiaquido yec utsibobëd tantiananquid nuquitedi nendac.

Epeso 3:19

Adembidi ënenquio icquin matses tantiaquidquio Esus nec, quequin matsesën tantiatiapimbo iquec. Adquid icnuc ubi Esus tantiamequin mimbi nacpadombuen utsibo Esus tantiaquidquio icmeta, quequin Nuquin Papa chiannembi.

Epeso 6:24

Ënenquio icquin Nuquin Icbo Esuquidistu tantiaquid abitedi Nuquin Papan bëdambuen isquin ma chieshtoenquiocquid icmepanuna, quequin tantiembi. Aidted chuiquin dada uaombi.

Pidipos 1:25

Uënësambo yec mibëd tabadquin Esusën naid bëdambuen chuibantsiambi. Adoac mibitedi bëdiactsëc tantiactsëcbuedobi Esus tantiaquiec udi cuishonquec mibitedi bëdambo yantsiac, quiash mibi yacno nidte bunebi.

Pidipos 3:3

Shui dëbid dëtemequidbimbuecquido yec nuquitedi Esus tantiaquidombo nec. Adquido icsho aton Mayanën tantiamiac Nuquin Papa tantiaquido nuqui nec. Adash: Esuquidistuna nebi, quiash nuquitedi cuishonquendac. Aden tantiaquid icquin: Shui dëbid dëtemequin Nuquin Papa bëdambuen ismembi, quetiapimbo nuqui iquec.

Pidipos 4:4

Nuquin Icbo Esus tantiec cuishonqueta. Esus tantiaquiec cuishonquequiota, caimbi.

Ebedeo 11:1

Nuquin Papan: Naden naindambi, quequin chiampid tantiaquin matsesën: Ai, adombuen naindac, quequin cainendac. Adembidi tantiaquidën: Umbi isacmaid abi iquec, quequin tantiendac.

Ebedeo 11:27

Adembidi Nuquin Papa tantiaquidquio yec: Cun matses buanec nidnu, quianec Equipito yacnouësh puduanec nidsho isash chuiquid tapan nëishshun cuessunnetsiashi, quequin dacuëdënenquio yec Nuquin Papa isadenquiocquidi isbanacbimbuen aton matses buanec Moises nidpampic.

Petedo 1 1:6

Umbi aden chuisho tantiash mibitedi cuishonquendac. Esus tantiesabon natiamequin chieshënac natiec shubitiadquio icbuedi mibitedi bëdambo yanendac. Nuquin Papabëd tabadtequid nebi, quec natienquio mibi iquendac.

Petedo 1 2:7

Aden Chiampid tantiaquin Esus tantiec: Aid bëdamboshëcquid nec, mibitedi quendac. Utsibombien aid tantienquio icquin chieshënendac. Ëndenquimbo adquid chuiquin Nuquin Papan naden dada uamiampid iquec: Buintad bëdambocquid istuidash: Nëidquio shubu uaquin nitsinnun tenu, quetiadquidi isuidposh. Aden isuidaidi utsin teshun shubu uaquin aidba nitsinaid iquendac, quequin Nuquin Papan dada uamepampic.

Petedo 1 5:4

Aden Esus tantiaquido chuibanquidën bëdambuen nabannubien aton Chuiquid Tapambo yec Nuquin Icbon nidaidën padpidec chouashun utsibo ismequin: Mimbi bëdambuen nabanoc, queshun chunidtiapimbo ictequid shocosh mauete bëdamboshëcquid mibitedi menendac.