Petedo 1 1:22 - El Nuevo Testamento en matsés

²² Nëbi mibitedi ambi chiacpadec tabadquin ambi Chiaidquio tantiasho Nuquin Papan bëdambuen isaid yec bëdambocquid yanshun mibëtan Esus tantiaquido utsibo mimbi tantiaquiec. Adecbidi mua uananenquio yec utsibobëd tantiananquiota.

Petedo 1 1:22 ပူးပေါင်းရင်းမြစ်များ

Uanën dada uaid 15:17

Umbi aden chuibued tantiash umbi chuibocpadquiec utsibobëd tantiananta, quepondash Esus.

Uanën dada uaid 15:3

Adoacbimbuen umbi chiacpadombuen naic: Ma bëdambuec tabadnu, queshun mibitedi dadpen chiombi.

Uanën dada uaid 17:17

Mimbi chiaidquio bëdambuen tantiamequin mibimbo tantiamequin mitsana icmeta, Papa.

Uanën dada uaid 17:19

Nëido tantiaquiec nëbimbobini mimbi chiacpadec ubided cuidadec uënësendac. Adombuembidi ma nëidon mimbi chiacpadombuen nanu, quiash mibi tantiaquidombo icmenuec adebi, quepondash Esus Nuquin Papa chiec.

Hechos 15:9

Matses utsibo nec, quenquio icquin aidotsen Esus tantiamequin bëdambuen tantiamequiopondash.

Hechos 6:7

Adshun Edusaden yacnoshon Esus chuibennequidon Nuquin Papan Chiaid chuibennesho tantiash utsi utsiec Esus tantiaquid dadpen yampanëdash. Adecbidi isadaidbo nëish iua cuessunneshun pichicaquido dadpen bëdambuen tantiash Esus tantiaquido yampanëdash.

Doma 1:5

Aidëmbi ubi tantiaquioquin: Ma nëidën nidaid utsi utsiec yacno nidshun chuibenniac matses utsibontsen ma ubi tantiaquin umbi chiacpadombuen nanu, quequin ambi naidbëta ambi chiaid chuibennequid Esuquidistun icmepondashi.

Doma 2:8

Icsambuen naquidoen Nuquin Papan Chiaid chiaqui tantiate bunenquio icquin abi bunaiduidi naic icsambuec tabadsho Nuquin Papan nëishënshun cumapenen cuidendac.

Doma 8:13

Aden chiaqui mibitedi icsambuen nabanec tabadec uënësacsho ënenquio icquin cuidacno nësecaindac. Padnuen Nuquin Papan Mayan Bëdan tantiamiacpadec tabadquin mibitedishun icsambuen naid ënendac. Adash uënësacsho Nuquin Papan abëdi abi yacno tabadmendac.

Codinto 2 6:6

Adquid icnubi icsambuen nainquio iquembi. Nuquin Papan Chiaid tantiaquidquio nebi. Tantiatiapimbo yec utsibo tabadshobi aido bëdambuen isquin adembidi Nuquin Papan Chiaid chuibennec nebi. Adembidi: Nashunquin chiac tantiabentsiash, queshun adquid nashunembi. Nuquin Papan Mayan Bëdan tantiamiaid yec bëdambuec tabadquin ismembi. Muainquio yec utsibobëd tantiananquiec bëdambuec tabadebi.

Cadasia 3:1

Nidaid cuëshë Cadasia yacnocquido bëdambuen tantiondaidëmbi pacuënnëdacbimbuen ¿Tsuntsin: Esus tantienda, cac tantienquio yano? Cueste napotiaidën dectanac abided cuidadec uënësaid Esusënuidtsëqui Nuquin Papa nuqui bëdambuen ismec, quequin mambi chuibanondac.

Cadasia 5:5

Padnuen nuquitedi Nuquin Papan Mayanën tantiamiac naden nuqui tantiec: Esuquidistu uidtsëqui tantiasho Nuquin Papan icsaisabimbuecnuc nuqui bëdambuen isec, quequin nuqui tantiec.

Cadasia 5:7

Mibitedi: Aid bedembi, quiash aiduidtsëqui tantiec titinquiacbimbuen mimbi Esusquio tantiondac. Adquid icsho ¿tsuntsin: Aid tantienda, cac Esus tantienquio yano?

Epeso 4:3

Nuquin Papan Mayan Bëdan utsibëd bëdambuec tabadte tantiamiacpadquiec Esuquidistu tantiaquid utsibobëd abentsëc yacbimbuec bëdambuec tabadta.

Pidipos 1:9

Naden mibitedi tantiaquin Nuquin Papa chiannembi. Aido bëdiactsëc tantianansho canidoacbimbuec utsibobëd tantiananmequiota. Adembidi mimbi naid bëdiactsëc tantiasho tantiamebenquiota.

Tesadonica 1 3:12

Adec mibëd tabadtiadquio icquin Nuquin Papa mibitedi tantiaquin naden chiannembi: Esus tantiaquidombo icmequin aton matsesbëd tantiananmequiota. Umbi aido tantiaquiacpadombuembidi abëtan Esus tantiaquid utsibobëd tantiananmequiota, Papa.

Tesadonica 2 1:3

Tantia. Cun utsibo, Nuquin Papa bëdamboshë iquec, quequin chiannequid icquin mibitedi tantiaquin Nuquin Papa chiannembi naden. Esus bëdiactsëc tantiactsëcbuedombi Tesadonica yacnocquidon nëbi Esus tantiabededquiosh, quequin chioshi, Papa. Adecbidi bëdiactsëc tantianambuedi nëbi cumapenec utsibobëd tantiananquiosh, quequin chioshi. Aden aido bëdambo icmec mibi bëdamboshë iquec, Papa, quequin mibitedi tantiaquin chiannembi.

Tesadonica 2 2:13

Tantia, cun utsibo. Nuquin Icbon tantiaidombo icsho mibitedi naden chuinu: Ëndenquimboshë matses uabi yequi Nuquin Papa nuqui caic: Ubi yacno tabadmenuen Esus tantiameshun aido bëdambo icmendambi, quepampic. Adshumbic ambi chiampicpadombuen aton Mayanën tantiamiac Nuquin Papan Chiaidquio tantiash Esus tantiec mibi bëdambuec tabadcuenondac. Abi bëdambuec tabadosh, quesho tantiashun Nuquin Papa naden chiannembi: Aden aido bëdambuen namequid yec mibi bëdamboshë iquec, Papa, quequin chiannembi mibitedi tantiaquin.

Timoteo 1 1:3

Tantia. Mibi chuinu, mado. Nidaid cuëshë utsi Masedonia caid yacno nidquin umbi chiondacpadquiec Epeso yacno icta. Mibi yacnocquidon: Nuquin Papan Chiaidquio chuinu, quebuedombi aid abimbo chienquio icsho tantiashun naden chuita: Nuquin Papan Chiaid chuiquimbi muaquin ambembi chiaid utsibëta natsusuaquin chuibanenda, cata.

Timoteo 1 1:5

Adshumbic aidobidi naden chuita: Bëdambuen tantiaquid yec ma matses bëdambuec tantianannu, queshun Nuquin Papan Chiaidquio chuita. Adoac Nuquin Papabëta Esus bëdambuen tantiec tabadec matses bëdambuec tantianantsiash, cata, mado.

Timoteo 1 4:12

Mibi cania neque. Bëdambuec tabadta, mado. Ënden caniaidon: Caniampi icquin Nuquin Papan Chiaid mimbi tantienquio iquec, canushe. Bëdambuec tabadta. Esus tantiaquido utsibotsen ma ubi yacpadec bëdambuec tabadnu, quiash adta. Bëdambuec onquequinc matses tantiaquinc Esus tantiaquinc Nuquin Papan Chiaid niaquenquio icquinc caic bëdambuec tabadta.

Timoteo 1 5:2

Cun tabimbuecquid nec, queshun machobo bëdambuen chuibanta. Adembidi chido buntacbotsen: Cun chibibimbuecquid nec, queshun bëdambuen isquin: Nëid chudtiadquio icchitebi, quenquio icquin Nuquin Papan Chiaidquio chuibanta, mado.

Timoteo 2 1:14

Nuquin Papan Mayan Bëda nuquibëd iqueque. Aidën tantiamiac umbi chiondacpadombuen Nuquin Papan Chiaidquio chuiquin Esusën naid chuibanta, mado.

Ebedeo 11:8

Adembidi abi tantiaquidquio icsho Abadauan chiec: Nidaid utsi mibi menembique. Nidtan, Nuquin Papan cac ambi isacmanombo Abadauan nidpampic.

Ebedeo 13:1

Esuquidistu tantiaquid iccuededquidotedi: Cun utsibimbuecquido nec, quiash aidobëd ënëdenquio yec tantiananec nashunnanta.

Ebedeo 5:9

Aden tantiabenash matsesën icsambuen naid bedshunash abided cuidadquid icquin matses Nuquin Papan chiacpadombuen naquido Nuquin Papa yacno ënëdenquio icnuc tabadmequid yanquiopanëdash.

Ebedeo 6:10

Abi tantiaquid icquin utsibo tantiaquin mibitedishun nashundennesho issun Nuquin Papan ambi tantiacpadombuen naquid icquin mimbi nabanaidtedi bëshunenquio icquin tantiendac.

Ebedeo 9:14

Esusën intaquëmbien Nuquin Papa yacnombo matses puduedmetequidquio nec. Nuquin Papan Mayan Bëda uënësesambo icquin dayacquio icmiac Esuquidistu icsambuen naisambo yequi matsesën icsambuen naid bedshunec abided cuidadec uënëspanëdash. Adec uënësaid icnuc nëbi naden nuqui tantiec: Umbi icsambuen naidtedi tantienquio yec bëshunquin ambi cuidtequid icbuedi Esusën mënchicaid icsho Nuquin Papan ubi cuidenquio iquec, quequin nuqui tantiec. Nuquin Papa uënëstiapimbocquidën namiaid icmenuec adec Esus uënëspanëdash.

Santiaco 1:21

Icsambuen naic tabadtequid dadpenquio icnuc mimbi icsambuen tantiacpaden naidtedi ënquiota. Aden: Ënnu, quiash: Icsambuen naombique. Mimbi chiaid tantianu. Ubi bëdambuen tantiame, queshun Nuquin Papan Chiaid chuibansho tantiata. Aden chiaid Nuquin Papabëd nuqui tabadmetembo nendac.

Santiaco 4:8

Nuquin Papan dayunquio tsadacbimbuecquid icta. Adsho isash Nuquin Papa mibëd iquendac. Min mëdanten icquid bëchish ucacbimbuen icsambuen naid ënta. Nuquin Papa tantiaquid nebi, queshumbi Nuquin Papa tantiesan nacpadombuen nainquio icquin Nuquin Papan chiacpadombuen nabanquid icta.

Petedo 1 1:2

Ëndenquimbo Nuquin Papa: Umbi tantiactedi ubi tantiaquid icmendambi, quepampic. Nëbi ambi tantiampicpadombuen aton Mayanën tantiamiac: Aidën chiacpadombuen nate bunebi, quec mibi bëdambuec tabadte bunendac. Icsambuen naquid icsho cuidmenquio icnuec abided cuidadec intac chididiquec uënësondaid Esuquidistun Nuquin Papa bëdambuen ismequin bëdambuec tabadquid ma mibitedi icmepanuna.

Petedo 1 2:17

Matses abitedi bëdambuen ista. Mibëtan Esus tantiaquido tantiaquiota. Nuquin Papa bëdamboshë iquec, quequin aid tantiec bëdambuec tabadta. Nuquin matses iuaquid chuiquid tapambo empededod caid bëdambuen isquin aidën chiacpadombuen nabanta.

Petedo 1 3:1

Tantia, chidobo. Bënëchoquid icsho mibitedi chuinu. Esus tantiaquid icquin min bënën chiacpadombuen nabanta. Esus tantiec ubi bëdambuec tabadsho issun Nuquin Papan Chiaid tantienquio icbuedëmbi cun bënën Esus tantiabentsiash. Mimbitsen Esus tantiabenta, quequin umbi chiambobi Esus tantiabentsiash, queshun min bënën chiacpadombuen nabanta.

Petedo 1 3:20

Ëndenquimboshë aton matsesbëd tabadec Noe bëdambo icnubi aido Nuquin Papan Chiaid niacniacquec icsambuecshë tabadpampic. Noen cano dapa baded nacnenenquio yacpadembi: Ma ambi icsambuen naid ënshun ubi tantiabennu, queshun Nuquin Papan badedi cuidenquio icpampic. Adenquio icnubi cano dapa nainquin nacnenan ue sequec acte cubudtonoc matses 8tedpactsëc cano dapa antabëdtopampic.

Petedo 1 3:8

Tantia. Nëbi Esus tantiaquid abitedimbo chuinu. Nuquin Papan chiacpadombuen nanuna, quiash utsibobëd tantiananec bëdambuec isnanta. Cuishonquequidobëd cuishonqueta. Uënësquio yec shubiquidobëd shubita. Adec tantiananquiota. Umbi naiduidi naimbi, quenquio icquin utsibon chiacpadombuentsen nabanta.

Petedo 1 4:17

Nuquin Papan matsesën naidtedi tantiaquin cuidte uëshë nëbi yannuc Esus tantiaquid icquimbi icsambuen naquid icsho mibi natiamendac. Adsho issun chieshëmënquidën natiamiac umbi tantiacpadombuen ambi icsambuen naid ëntsiash, queshun mibitedi Nuquin Papan: Natiamenda, cainquio iquec. Aden abi tantiaquidoba natiametequid icquin ¿abi tantiesabo icquin Esusën naid Chiaid Bëda niacniacquid icsho bëdiactsëcta cuidpec? Cumapenquien Nuquin Papan cuidendac.

Petedo 1 4:8

Nëbi mibëtan Esus tantiaquid utsibobëd tantiananquiota. Adec mibëd tantiananquidën mibi icsambuen nashunsho isash adecbidi tantiananquiec aidën icsambuen naid tantienquio yec bëshunendac.

Petedo 2 1:7

Aden Nuquin Papabëta Esus tantiaquido yec tantiananec nashunnanquionona. Adec nashunnanec tabadquin nuquin shubun icquido tantiaquiacbimbuen matses abitedi tantianuna.

Uan 1 3:11

Ënden bedanquin chuisho mimbi tantianëdaid nad iquec: Esuquidistu tantiaquid yec Esus tantiaquid utsibobëd tantiananquionona, quequin mibitedi chuipanëdash.

Uan 1 3:23

Nadembidi Nuquin Papan Chiaid nuqui tantiondac: Cun mado Esuquidistu tantiata. Aden tantiabenash aidën chiacpadec utsibobëd tantiananta, quequin chiaid nuqui tantiec.

Uan 1 4:12

Nuquin Papa matsesën isambo iquec. Adquid icnuc aid tantiaquid yec utsibobëd tantianansho isash Nuquin Papa nuquibëd tabadquin ambi tantiacpadombuen utsibobëd tantiananquidquio nuquitedi icmendac.

Uan 1 4:20

Utsi nadpec: Nuquin Papa tantiaquid nebi, quepec. Adquid icquimbi abëtan Esus tantiaquid utsi ambi isaidquio chieshënquid yec muaquidquio nendac. Aden ambi isaidquio tantienquiocquid iquec ambi isacmaidquio Nuquin Papa tantienquiocquidbidi nendac.

Uan 1 4:7

Tantia, cun utsibo, umbi tantiaido icsho mibitedi chuinu. Nuquin Papa tantiaquido yec utsibobëd ënëdenquio yec tantiananec tabadnuna. Aden Nuquin Papan nuqui utsibobëd tantiananmendac. Adec tantiananquid icquin nuqui naden tantiec: Ambi: Cun bacuëbo nec, caido icquin Nuquin Papa tantiaquid nebi, quequin nuqui tantiendac.

Esusën Uan ismiaid 2:4

Aden chuibannuc mibitedishun icsambuen naid abentsëc icsho chuinu. Tauambuen mimbi ubi tantiaquiopondac. Adondaidëmbi pacuënnëdacbimbuen mimbi nëbi ubi bëdiactsëc tantiatsec.