Petedo 1 1:18 - El Nuevo Testamento en matsés

¹⁸ Min tsusedpabon chiaiduidi naquin Nuquin Papa tantienquio mibitedi tabadpondac. Aden naquid icsho Nuquin Papan mibitedi bëdambuen istiapimbo icpanëdash. Aden icsambuen naic tabadsho issun mibitedi ¿bedshunnuenda odobëta shocosh ushu Nuquin Papan menepanëdash? Padenquio. Adquid chunidec icsatequid menenquio icquin

Petedo 1 1:18 ပူးပေါင်းရင်းမြစ်များ

Madcos 8:37

¿Nuquin Papa piucquid menecta matses aid yacno puduedpatsiash?

Doma 1:21

Ambi uaid issumbi Nuquin Papa tantiaquin aidën chiacpadombuen natiapimbo iquec. Nëid uaquid bëdambocquid nec. Aidëmbien ubi nashunchitec, quetiadquidi pamumëdacbimbuecquin Nuquin Papa tantiatiapimbocquin ambembi chiaiduidi tantiaquin nabanquid matses nec.

Codinto 1 3:20

Adembidi: Dadpenquio tantiaquidquio nebi, quequidon tantiaid tantiaquid yec Nuquin Icbo: Ambembi chiec onquequido nec, quequin chuipampic.

Codinto 1 6:20

Nuquin Papan piucquid dadpen menequin bedshunacbimbuen ambi tantiamiaido yec aidëna mibitedi nec. Adquido icquin aidën chiacpadec bëdambuec tabadquin Nuquin Papa tantiata.

Codinto 1 7:23

Nuquin Papan piucquid dadpen menequin bedshunacbimbuen abi tantiamiaido mibitedi nec. Adoaido icquin utsibo iuamenda.

Cadasia 1:4

Matses abitedi icsamboec tabadsho isash nuqui icsambuen naid bedshunash Nuquin Papa bunacpadec abi tantiaquido cuidmenquio icnuec abided cuidadec Esuquidistu uënëspanëdash.

Epeso 4:17

Nëbi Nuquin Icbo Esuquidistun namiaid icquin aidën tantiamiacpadombuen mibitedi chuinu: Nuquin Papa tantiesabo yec icsambuec tabadacpadec tabadenda. Aidon ambi icsambuen tantiacpadombuenuidi tantiaquin nabanec.

Tito 2:14

Nuqui cainaid nuqui icsambuen naidtedi bedshunec abided cuidadec Esus uënëspanëdash. Adec uënësaid tantiaquid yansho: Cun matses caido yec bëdambuec tabadquid nendac, quequin chiaid tantiameta, Tito.

Ebedeo 9:12

Matsesën nëish iua cuessunneshun intac bedshun buanec Nuquin Papa tabadte shubu uashunaid quënë bëdamboshëcquidën puduedenquio Esuquidistu icpanëdash. Aidi matsesën icsambuen naid bedshunash abided cuidadec uënësacsho cudan siac aton intac chiuidash Nuquin Papa yacnombo aid ismec puduedpanëdash. Adec abentsequi puduedshun abi tantiaquido nuqui icsho ënenquio icquin Nuquin Papa bëdambuen ismequin nuqui icsambuen naidtedi bëshunmec.

Petedo 1 1:7

Esus tantiaquid nebi, quequin mimbi tantiaid matses bedte bunaidquio odo caid shocosh bëshpiu bëshpiucquidbimbuecquid nec. Aidquiobida neque. Isnu, queshun icbon cute nëdëncadoshon pichicaquin aid shocosh tauiquin tanec. Adembidi: Esus tantiaquidquiobida neque. Isnu, queshun Nuquin Papan utsi utsien natiamendac. Aden natiamiaqui chieshtoenquio icquin tantiaquid icsho Esuquidistun padpidec choshon: Mibi bëdambocquid neque. Ubëdi tabadec cho, quequin utsibo tantiamequin chuishun abi yacno buanendac.

Petedo 1 4:3

Ënden Nuquin Papa tantiesabon nacpaden Nuquin Papan Chiaid niacniaquec mibitedi icsambuen naic iuec tabadpanëdac. Adec icsateuidi bunec mëmuntiapimbo mibitedi icpanëdac. Adquid icquin utsin chido chudquid dada icnubi chido aton bënëpenquio chudmequid icpanëdash. Badiadquidën badiadquidënquien nua peshun tantiadennuen acte paë uaid acquid mibi icpanëdac. Nëid papa canu, quequin matsesbimbuecnuc nacnenshun mimbi tantiapanëdac.

Uan 1 3:5

Adquid icnuc Esuquidistu matsesash nuqui icsambuen nabanaidtedi bedshunec abided cuidadec uënëspanëdash, quequin mibitedishun tantiec. Adembidi icsambuen naisambo Esuquidistu nec, quequin mibitedishun tantiauaic.