Petedo 1 1:12 - El Nuevo Testamento en matsés

¹² Naden Nuquin Papan tantiamepampic: Mibitedi nibëdanan umbi chuibued umbi cun matses caid icsho utsibon isendac, quequin Esus chote chuipampic. Aden chiampicpadec choshon Esusën chuibampondash. Adembidi nëbi Nuquin Papan abucshun chomiac aton Mayan Bëdan nadatiambocquin tantiamiacpadombuen Esus chuibennequidon aidën naid mibitedi chuibampanëdash. Aden chuibanaid icnuc Nuquin Papabëd icquidotsen Esusën naid tantiate buncuededec.

Petedo 1 1:12 ပူးပေါင်းရင်းမြစ်များ

Mateo 11:25

Adshumbic Esusën naden Nuquin Papa chuipondash: Papa, mibi bëdamboshë iquec. Mibi yacnocquidon Icbo yec nidaidën icquidtedishun Icbobidi mibi nec, Papa. Adquid icquin mimbi tantiamiabi dadpen tantiaquidobëtambi: Cumapenen tantiaquid nebi, quequidombi tantiabi iquec. Adquid icnuc bacuën daëdpactsëc tantiacbimbuen tantiaquido icshobi mimbi tantiamiac.

Mateo 11:27

Adshumbic abi datsidadquido naden chuiuapondash: Cun Pan ambi tantiaidtedi ubi tantiamec. Umbi nabambuedbëta umbi nate abitedi cun Pa abentsëcshunquiobi tantiec utsibon tantienquio icnuc. Adembidi cun Pan nabanaidbëta ambi nate umbentsëqui abitedi tantiembi. Aden tantiaquin: Nëidtedi matses bëdambuen tantiamembi, queshun: Nuquin Papa nadquio iquec, quequin tantiamembi, quepondash Esus.

Mateo 16:17

Adsho tantiashun Esusën: Nuquin Papan bëdambuen tantiamiac aden mimbi bëdambuen chioc, Simon. Onasën mado Simon caid yec matses mibi nec. Adquid icquimbi matsesën tantiaid chienquio icquin abucshun Cun Pan tantiamiaidquio icquin mimbi abimbo chioc.

Madcos 16:15

Aden chuishumbic: Nëbi nidaid utsi utsiec yacno nidanneta. Adec nidshun: Nuquin Papan namiacno tabadte iquendac, quequin Chiaid Bëda chuibenneta.

Ducas 15:10

Adecbidi matses abentsëcshun ambi icsambuen naid ënquin Nuquin Papa tantiabensho isash Nuquin Papabëd icquido: Bëdambo iquebi, quec cuishonquecuededquiendac, quepanëdash Esus.

Ducas 2:26

Aidëmbi Nuquin Papan Mayanën tantiamiac: Nuquin Papan Chomiaid Quidistu Mesias caid choacsho uënësabicquin isembi, quequin tantiapanëdash.

Ducas 9:6

Aden chiac nidanneshun abëd icquidon shubu daëdpactsëcquid yacno yanombuec capucuennequin Esusën chiacpadombuen: Nuquin Papan namiacno tabadte iquec, quequin Chiaid Bëda chuibanquimbi daicsaidobëta nënquido bëdanmebampanëdash.

Uanën dada uaid 15:26

Adshumbic padpiden chiec: Umbi Cun Pa yacno nidshun: Matses dayun uaquid Nuquin Mayan bëdambo icmianquid ubi tantiaquidobëd tabadmenuna, Papa, cac: Ai, queshun Cun Pan chomiac mibëd tabadquin abimbo chuiquin ubi tantiamequiendac.

Hechos 10:44

Aden Petedon chuibansho tantiaquidotedi icsho issun Nuquin Papan: Ma aidobëd tabadnu, queshun aton Mayan Bëda menepanëdash.

Hechos 16:10

Aden tantiash: Nuquin Papan: Nidaid Masedonia caid yacnoshontsen Esus chuibanta, caoshibique. Ambo nidnun nacnennuna, Pabadon cac badedquio buannun nacnembededpondambi.

Hechos 2:33

Aidi uincuenash nidacsho Nuquin Papan aton dayun abiucquio tsadtomepanëdash. Ambo nidacsho Nuquin Papan Aton Mayan Bëda menepanëdash. Adoac ambi chiannebocpadombuen Esusën aton Mayan Bëda ubitedi menebanac onquete utsin utsinquiec onquesho nëbi mibitedishun tantiec.

Hechos 4:31

Aden chuiquin ënnubi abi iccuededacno ishcudishcudpanëdash. Adec ishcudnuc ambocquidtedi Nuquin Papan Mayan Bëdan cumapenen tantiamiaido yampanëdash. Adshun dacuëdenquio icquin Nuquin Papan Chiaid chuibampanëdash.

Hechos 4:8

Adoaquien Petedo Nuquin Papan Mayan Bëdan cumapenen tantiamiac nadpanëdash: Cun matses chuiquidobëta isadaidbon chuiquido tsësiobo icsho mibitedi chuinu. Tantia.

Hechos 8:25

Adec nidaid cuëshë Samadia yacno tabadquin Petedobëtan Uanën: Umbi isondaidën Nuquin Icbo Esusën Chiaid chuinu, quequin Nuquin Papan Chiaid chuibanash Edusaden yacno chouapanëdash. Adec podquiedën choquimbi nidaid cuëshë Samadia caidën icquid shubu daëdpactsëcquid utsi utsiec yacnoshontsen Chiaid Bëda chuibanuapanëdash.

Doma 1:15

Aden chuibennequi shubu dadpen icquid Doma yacno nidshun mibitsen Esusën naid Chiaid Bëda chuibante bunquiebi.

Doma 1:17

Esusën Chiaid Bëda chuibansho tantiashun Esus tantiaquid icsho Nuquin Papan bëdambuen isec, quequin nuquitedi tantiec. Naden chuiquin Nuquin Papan dada uamiampid iquec: Ambi chiacpadombuen naic tabadquin Abi tantiasho Nuquin Papan abëd tabadtequido icmendac, quequin dada uamepampic.

Doma 10:15

¿Mitsipaden: Chuibenneta, cacmaidëmbi Esusën naid chuibennepec? Naden chuiquin Nuquin Papan dada uamepampid iquec: Nuquin Papan matses bëdambuen iste iquec, quequin Chiaid Bëda chuibennequid chosho isash cuishonquendac, quequin chuipampic.

Doma 15:19

Nuquin Papan Mayan Bëdan tantiamiacpadombuen nadatiambocquin nabanquin ismiondambi. Adosho issun dadpenshun Esus tantiabenshun Nuquin Papan chiacpadombuen natiadquio yanondash. Shubu dadpen icquid Edusaden yacnouësh nidquin shubu dadpen icquid yacno yacnombuen chuibennequin nidaid cuëshë utsi Ididia caid yacno cuëscaquin Esuquidistun naid Chiaid Bëda chuibanondambi.

Codinto 1 2:10

Aden Nuquin Papan Mayanënuidtsëqui tantiamiac: Nuquin Papa yacno bëdambuec tabadte nacnenaid iquec, quequin tantiendac. Adembidi Nuquin Papan Mayanën abitedi tantiaquidquio icquin Nuquin Papan utsi tantiamiabi yaidi tantiaquin tantiameuaindac.

Codinto 2 1:22

Adembidi: Cuna nec, quequin aton Mayan Nuquin Papan meniaid nuquibëd tabadec. Adoaid yec aidbëd tabadtequid nebi, quequin tantiamenuen Nuquin Papan aton Mayan meniac.

Codinto 2 6:6

Adquid icnubi icsambuen nainquio iquembi. Nuquin Papan Chiaid tantiaquidquio nebi. Tantiatiapimbo yec utsibo tabadshobi aido bëdambuen isquin adembidi Nuquin Papan Chiaid chuibennec nebi. Adembidi: Nashunquin chiac tantiabentsiash, queshun adquid nashunembi. Nuquin Papan Mayan Bëdan tantiamiaid yec bëdambuec tabadquin ismembi. Muainquio yec utsibobëd tantiananquiec bëdambuec tabadebi.

Cadasia 1:12

Matsesën: Naden chuita, quequin chiambobi Esuquidistunuidtsëqui tantiamiac Ambi chiaidquio chuibenniombi.

Cadasia 1:16

Esusën naid Chiaid Bëda isadaidpembo chuibenneta, caimbi, quequin ambi tantiampicpadombuen Nuquin Papan tantiamiondashi. Adoac: Esusën naid chuibanquido: ¿Atotsimbi nëbi nape? quequin chuitanambo iccondambi.

Epeso 3:10

Adembidi nëbi chuibenniac matses dadpen Esuquidistu tantiaquido yanacsho issun Nuquin Papabëd icquidobëtan abuc icquid Mayan Icsa Satanasën iuabo abitedishun naden tantiendac: Nuquin Papan abitedi tantiaquidquio icquin Esuquidistu tantiaquid dadpen yanmiac, quequin tantiendac.

Tesadonica 1 2:9

Cun utsibo. Aden Esusën naid chuibanquimbi nëish iua bitsi tuscaquimbi shubumpi nacnendedniondambi. Badiadën naquimbi inchëshëntsen adembidi nadedniondambi. Mibitedi caic: Ubi menianniac aton piucquid naimëdnushe, quiash cun piucquid bednuec chonoadtedniondabi. Mimbi isnubi adondabi.

Timoteo 1 3:16

Ëndenquimbo abi bëdambuen ismequid ambi matses tantiamenquio icpampidi nëbi Nuquin Papan ismiac abi tantiamequid Esuquidistu bëdamboshë iquec. Aidi Nuquin Papan matsesmepanëdash. Nuquin Papan Mayanën: Nuquin Papapadquidquio yec icsaisambo Esus nec, quequin tantiamec. Matsesën uënës uaqui uincuennëdaid yec Nuquin Papabëd icquidonquio isaidquio Esus nec. Abi chuibennequidon nidaid utsi utsiec yacno nidshun chuibenniac matses utsin utsinquien Esus tantiabempanëdash. Aidquiobi Nuquin Papan abuc indoshon abëdi tabadmeuapanëdash.

Ebedeo 11:13

Aden umbi chuibuedotedi caidacsho Nuquin Papan: Mibi nidaid menendambi, quequin chiampicpaden aid bedambobi uënësbudnepampic. Aidon Nuquin Papan Chiaid tantiaquid icquin uannoshon isacbimbuen isec cuishonquequin tantiaquin naden chuipampic: Nëid nidaidën tabadec quenenenquio iquendabi, quequin tantiapampic.

Ebedeo 2:4

Aden chuibanaid abimbo iquec, camequin Nuquin Papan matsesën natiapimbo ictequid ismiantequid ismequimbi nadatiambocquin nabanquin nënquido bëdanmequin tantiamepanëdash. Adoshombic aton Mayan Bëda abi tantiaquido menequin abi bunacpaden ubitedi namepondash.

Ebedeo 4:2

Aden Equipito yacnoshon buanaido chuiquin: Umbi buanacno mibi tabadte iquendac, quequin ambi nuquin tsusedpabo chiampicpadombuen: Ubi yacno puduedash natienquio yec tabadtequid iquendac, quequin nëbi ambi Chiaid Bëda Esusën naid chuibanuasho nuquitedi tantiauaic. Aden ëndenquimbo chuisho tantiash: Nuquin Papan Chiaid abimbo iquec, quequin tantienquio icquido yec aidën chiampicno tabadtiapimbo icpampic.

Petedo 1 1:25

Padnuen Nuquin Papan Chiaid nibëdantiapimbo icquid yec ucudtiapimbo icquid nec, quequin abimbo chuipampic. Aidën Chiaid Bëda Esusën naid mibitedi tantiamequin chuibampanëdash.

Petedo 1 4:6

Aden abëd tabadtequid tantiaquin Nuquin Papan matses uënësaid tabadacno nidmiac Chiaid Bëda Esusën naid Nuquin Papan bëdambuen iste chuibampanëdash. Aden chuisho tantiec uënësaidën mayan tabadpanëdash.

Esusën Uan ismiaid 5:11

Adnubien Nuquin Papabëd icquido dadpenquioshë cuëdëncuededposh. Aido isac tamëdtiapimbo yec tabadec dadpenquioshë cumapenec cuëdëncuededposh. Nuquin Papabëd Obecabimbuecquid nënantanquio icnuc aid anoentsëqui dadanobi ëshëcquidouidquio dacuenadec tabadposh. Abi ëquëctsëc dacuenadec tsësiobouidquio tabadposh. Aid ëquëctsëc dacuenadequic Nuquin Papabëd icquido dadpenquioshë un michon udimboshë yec tamëdtiapimbo tabadposh.