Mateo 9:37 - El Nuevo Testamento en matsés

³⁷ Adshumbic abëd icquido naden chuipondash: Pete dadpenquio nitsinshun sinaid bedtanenquio icac mëyadec chodquequid. Adecbidi Nuquin Papan Chiaid chuibanquido daëdpactsëcquio icnuc matses dadpenquio icsambuec tabadeque.

Mateo 9:37 ပူးပေါင်းရင်းမြစ်များ

Mateo 20:1

Adshumbic ubitedi Esusën utsi chiacbimbuen naden chuiuapondash: Tantia. Ubi tantiaquido Nuquin Papan namete mibi chuinu. Badiadnubi tied icbo nidquin piucquid menequin aton tied neshcamenuen matses istuidnuec nidposh.

Mateo 28:19

Nidaid utsi utsiec yacno nidshun ubi tantiaquido icmenuen matses abitedi Umbi Chiaid chuibenneta. Adoac ubi tantiabensho acten mentoquin: Nëid Esus tantiabenshun Nuquin Papatsen tantiaquid nec. Nëidbëd Aton Mayan Bëda tabadec, quequin utsibo ismequin acten mentobanta.

Mateo 9:38

Naden Nuquin Papa chianneta: Matses dadpenshunquio mimbi bëdambuen iste tantiabi iqueque. Ma tantiabennu, Mimbi Chiaid Bëda chuibanquido dadpen icmeta, Papa, quequin chianneta, quequin Esusën chuipondash.

Madcos 16:15

Aden chuishumbic: Nëbi nidaid utsi utsiec yacno nidanneta. Adec nidshun: Nuquin Papan namiacno tabadte iquendac, quequin Chiaid Bëda chuibenneta.

Ducas 10:2

naden chuipanëdash: Pete nitsinaid sinaid dadpenquio icnubi aid bedquid daëdpactsëc iquec. Adacbimbuec Nuquin Papan Chiaid chuibanquid daëdpactsëcquio icnuc matses dadpenquio iqueque. Naden Nuquin Papa chuita. Mimbi Chiaid Bëda chuibanquido dadpenquio icmeta, Papa, quequin chianneta, quepanëdash.

Ducas 24:47

Nadembidi chiampid iquec: Nuquin Papa tantiabenquin mimbi icsambuen naid ënsho isash: Icsambocquid nec, quequin tantienquio yec mimbi icsambuen naid Nuquin Papa bëshunendac, quequin Edusaden yacnoshomba ubi tantiaquidon ubi chuibanendac. Aden chuibanshumbic nidaid utsi utsiec yacno nidshun adombuembidi chuibanuaindac.

Hechos 16:9

Ambo choash tabadquin inchëshën ushquin isacbimbuen nidaid Masedonia caid yacnocquid dada abentsëc nadec onquesho Pabadon ispanëdash: Ubitedi tantiaquin nashunec cho, quec onquesho tantiapanëdash.

Hechos 18:10

Mibi dayunuaic mibëd iquebi. Aden umbi dayun uasho ubi tantiesabon mibi mëyantiapimbo iquec. Nëmbocquido ubi tantiaquid dadpen icsho issun mibi mëyantiapimbo iquendac, quepanëdash Pabado caic.

Codinto 1 3:9

Nuquin Papa nashunquid icquin Esuquidistu chuibennequid Apodobëd nebi. Adquid icnubi umbi tied dëdshun nitsinaidbimbuecquido mibitedi nec. Adecbidi Nuquin Papana umbi shubu uaidbimbuecquidbidi mibitedi neuaic.

Codinto 2 6:1

Nëbi ubitedi Nuquin Papan: Umbi Chiaid chuibenneta, caido nebi. Adquid icquin: Nuquin Papa matses bëdambuen ismenuen Esusded cuidpanëdash, quequin Nuquin Papan Chiaid umbi chiac pamumëdacbimbuec tantiate bunenquio yec tabadenda.

Codosas 4:11

Adembidi Esus cashumbic Usto caidëntsen: Aido tantiec tsadebique. Chui, quesho tantiashun dada uaimbi. Adistadco yec Madcos yec Usto yec quec aidtedi isadaidbo nec. Aidonuidtsëqui: Nuquin Papan namiacno tabadte iquec, quequin ubëtambi Esuquidistu chuibanquin ubi bëdambo icmequido neuaic.

Timoteo 1 5:17

Tantia, mado. Esus tantiaquidon abi chuibanquid nashuntetsen mibi chuinu. ¿Ada Esus chuibanquidën bëdambuen naosh? Adquidën Nuquin Papan Chiaid bëdambuen tantiamequin Esus bëdambuen chuibansho ambi chuibanaidon bëdambuen isquin nashunquin dadpen menequid nendac. Ma bëdambo icnu, queshun piucquid menequid nendac.

Santiaco 5:4

Adembidi min tiedën caniquid bedquin chonoadquido icsho mimbi dayun uaid piucquid menenquio icac aido shubiec tabadquin: Piucquid menianenquio iquec mibi icsambo iquec, quec cuëdcuededquin chuisho Nuquin Icbo Nadatiambocquidën abitedimbo tantiec.