Mateo 9:30 - El Nuevo Testamento en matsés

³⁰ badedquio bëdanquin isbempondash. Adsho issun Esusën: Aidën bëdanmioshi, quequin utsibo chuibanenda, capondash.

Mateo 9:30 ပူးပေါင်းရင်းမြစ်များ

Mateo 12:16

Adshumbic ambi bëdanmebuedo chuiquin: Aidën bëdanmioshi, quequin utsibo chienda, quequin Esusën chuipondash.

Mateo 17:9

Adtanec macuësh budequi Esus: Mimbi isbued nëbi utsibo chienda. Matsesën Tishaid icshobi uënës uamiac ubi uincuenacsho issumbi chianta, quepanëdash ambi buanaido chiec.

Mateo 8:4

Aden bëdanmetanquin Esusën: Umbi mibi bëdanmebued utsibo chuibanenda. Adenquio icquin nëish iua cuessunneshun pichicaquid yacno nidshun min dada ismeta. Adembidi Moisesën chiampicpadombuen nanuen Nuquin Papa ismetequid buanec nidta. Ma adosho issun nëish iua pichicaquidon: Aton dada daush daushpambo yec daicsaidquio icbuedi bëdanmiaid nec, quequin ma tantiapanu, quequin Esusën chuipanëdash.

Madcos 1:43

Aden bëdanmetanquin: Tantia. Chuinu.

Madcos 3:12

Adoaquien: Aden chuiquin utsibo tantiamenda, quequin Esusën chushcapanëdash.

Madcos 5:43

Aden champi uincuenmeshun Esusën: Umbi nabued utsibo chuibanenda, quequin chuitanquin: Champi peme, capanëdash Esusën.

Ducas 5:14

Aden bëdanmetanec Esus: Umbi bëdanmebued utsibo chienda. Adoenquio icquin nëish iua cuessunneshun pichicaquid ismec nidta. Aden ismiac: Nuquin Papan bëdanmiaid nec, quequin ma aidon tantiapanu. Adembidi aido ismeshun Nuquin Papan Ambi Chiaid Moises dada uamiampicpaden nëish iua pichicatequid meneta. Moisesën chiampicpadombuen: Nuquin Papan: Nëid bëdamiaid bëdambo iquec, quequin tantiaquin ma pichicanu. Meneta, capanëdash Esusën ambi bëdanmebued chuiquin.

Ducas 8:56

Adosho isash tantiadempambo yec aton titabëd aton papa tabadpanëdash. Adsho: Mimbi isbued utsibo chuibanenda, capanëdash Esusën.