Mateo 9:26 - El Nuevo Testamento en matsés

²⁶ Adsho issun: Champi uënësaidi uincuenmiosh, quequin ambocquidobëtan Capednaun yacno pauequidtedishun tantianuc chuibennepanëdash.

Mateo 9:26 ပူးပေါင်းရင်းမြစ်များ

Mateo 4:24

Adosho istanquin: Bëdanmequidquio nec, quequin isbuedon nidaid cuëshë Sidia cacnoshon Esusën naid chuibennepanëdash. Aden chiac nëidtedi bëbëpanëdash. Daicsaido yec nënquido yec podobitsi icsa dapuduedaido yec uëdëquec uënësannequido yec dada shëquëquenquio icquido yec quenuc bëbëacsho issun aidtedi Esusën bëdanmebampanëdash.

Mateo 9:31

Adoboqui aid nidaid cuëshën icquidotedishun Esusën naid chuiben chuibempanëdash.

Madcos 1:28

Aden isanec nidanneshun Esusën nabanaid ambi isbued chuibampanëdash. Aden chuibansho aid nidaid cuëshën icquid Cadidea yacno tabadquidon tantiabededpanëdash.

Madcos 1:45

Adsho tantiaboshombi niacbidanquin: Esusën bëdanmioshi, quequin abitedi chuibennepanëdash. Aden chiac Esus yacno matses dadpen chochopanëdash. Adec chochosho isash: Shubu dadpen icquid yacno tabadtiapimbo iquebi, quianec shubu nibëdacno Esus abëd icquidobëd nidpanëdash. Adnubien Esus nibënec nidaid utsi utsiec yacnouësh matses dadpen chochopanëdash.

Madcos 6:14

Adnubien utsibo: Chuibanquimbi Esusën nadatiambocquin nabanosh, quequin isbuedon chuisho chuiquid tapa Edodes Antipasën tantiapanëdash. Adembidi dadpenshun chuisho Esusën nabanaid tantiapanëdash. Aden tantiashun: Uan acten mentoandedned mapi butemiondaid uincuempash icnui. Adec uincuenshumbien nadatiambocquin nabanchitash, quecuededpanëdash tantiaquido.

Ducas 4:14

Adashic Nuquin Papan Mayanën nadatiambocquin tantiamiaidquio yec nidaid Cadidea yacno Esus chopanëdash. Adec chouacsho issun: Nuquin Papan Mayan Bëdan tantiamiaidquio nec, quequin abi isquidon chiac dadpenshun tantiapanëdash.

Ducas 4:37

Aden: Esusën podobitsi icsa dapuduenmesho isquidon chuibanac aid nidaid cuëshë pauequidtedishuntsen tantiabededpanëdash.

Ducas 5:15

Adnubien Esusën bëdanmesho isquidon chuibanac matses dadpen Esusën chuibansho tantianuec chochopanëdash. Adecbidi daicsaidobëd nënquido bëdannuec chochoacsho Esusën bëdanmebampanëdash.

Ducas 7:17

Aden isash nidshun uënësaid uincuenmiaid isquidon chuibansho nidaid cuëshë Udea caid yacnocquidon tantiabededpanëdash. Adembidi aid nidaid cuësquiacno icquidontsen tantiauapanëdash.

Hechos 26:26

Chuiquid tapa Aquidipan umbi chuibambued: Abimbo caic, quequin tantiec. Aden tantiasho dacuëdenquio icquin aid chiec nebi. Umbi chuibambued ompoenquio icquin utsibon chuisho aidëmbi tantiapanëdash.