Mateo 8:29 - El Nuevo Testamento en matsés

²⁹ Aidon podobitsi icsabon oncamiacpadombuen cumapenec cuëdquin Esus naden chuipanëdash: ¿Atotsi ubitedi canuec ne? ¿Nuquin Papan Madombo icquin ubi natiamequin cuidnuecta cho? ¿Nuquin Papan abitedi cuidte uëshë choabi icnubida ubitedi cuide? capanëdash podobitsi icsabon oncamiac.

Mateo 8:29 ပူးပေါင်းရင်းမြစ်များ

Mateo 4:3

Adec bunec tsadshobien Mayan Icsa Satanasën istuidpanëdash. Aden istuidtanquimbien: Nuquin Papan madombo icquin penun nëid cuënotebi: Pete icta, cata, capanëdash.

Mateo 8:30

Ambobi uannopactsëc chanchu dadpenshun natiacquin udquin pebededec tabadpanëdash.

Madcos 1:24

Nasaded yacnocquid Esus caid ¿atotsi quec nëmbo cho? ¿Ubipadquidtedi nibëdquio icmenuecta cho? Umbi isaidquio mibi nec. Nuquin Papan bëdambuen isaidquio yec Icsaisambo mibi nec, quepanëdash.

Madcos 3:11

Adnubi podobitsi icsa dapuduedaido choquin Esus istuidequi dannëshën sebudec cumapenec sidquec: Nuquin Papan Madombo mibi nec, quec cumapenec cuëdpanëdash.

Madcos 5:7

Adsho issun aid dapuduedaid chuiquin Esusën: Dapuduen, caqui podobitsi icsa cumapenec cuëdec: ¿Atotsi ubi canuec ne? Mimbi namiaidpenquio nebi. Esus, nadatiambocquid Nuquin Papan Madombo icquin ubi cumapenquien mëyanenda, quepanëdash podobitsi icsa dapuduedaid Esus chiec.

Ducas 4:34

Nasaded yacnocquid Esus caid ¿atotsi quec nëmbo cho? ¿Ubipadquidtedi nibëdquio icmenuecta cho? Umbi isaidquio mibi nec. Nuquin Papan Mado Icsaisambo mibi nec, caquien

Ducas 4:41

Adembidi utsi utsiec podobitsi icsa dapuduedaido icsho dapuduenmebampanëdash. Adoac: Nuquin Papan Madombo mibi nec, quec sidquesho tantiashun: Aden ubi chienda, Esusën cac podobitsi icsa ënëdpanëdash. Mesias nebi, quequin tantiaquin utsibo tantiamenushe, queshun podobitsi icsa chuimenquio icpanëdash.

Ducas 8:28

Aidi Esus bëquedec choec Esusën taëno dannëshën tinquebudash cumapenec cuëdec: ¿Atotsi ubi canuec ne? Esus. Nadatiambocquid Nuquin Papan Madombo mibi neque. Ubi mëyanenda, quequin aid dadan chuipanëdash podobitsi icsan oncamiac.

Uanën dada uaid 2:4

Adoaquien: ¿Atotsi quequin mimbi ubi chuipe, tita? Cun Pan tantiacpadënquio naimbi, quepondash Esus.

Hechos 16:17

Aden bëquedtuidac Pabadobëta ubitedi tsibambëec choec chido nua cuëdec: Nëid dadatedi Nuquin Papa abitedishun Icbon namiaidombo nec. Aido: Nuquin Papa yacno puduedmianquid iquec, quequin chuibanquido nec, quec

Santiaco 2:19

Nuquin Papa abentsëcquiobi iquec, quequin mimbi tantiec. Aden tantiaid bëdambo iquec. Adembidi podobitsi icsatedishun tantiauaic. Aden tantiec aido dacuëdec uëdëquec.

Petedo 2 2:4

Ëndenquimboshë nidaid uabi icnuc Nuquin Papabëd icquidon utsin utsinquien: Umbiquien abitedi namenu, quequin abi dëniacte bunsho issun Nuquin Papan inchëshquio yacno nidmeshun uidënuaquin bëtashpampic. Iuecshun abitedi cuidte uëshën chian annëdënquiacno nësecanumbi nabono, queshun adopampic.

Udas 1:6

Adecbidi Nuquin Papabëd icquidobi Aidën Chiaid niac niacte buncuenash Nuquin Papabëd icte bunenquio yampampic. Adsho issun aidotedi puduentiapimbo yec inchëshquioshë yacno nidmequin Nuquin Papan bëtashpampic. Mibitedi icsamboshë iquec, queshun abitedi cuidte uëshën cuidquionombi adopampic.