Mateo 8:14 - El Nuevo Testamento en matsés

¹⁴ Adtanec Esus Petedon shubu yacno nidec puduedpanëdash. Puduedshun isaquien Petedon nachi nëncuenash chumbo yec ueten uepec.

Mateo 8:14 ပူးပေါင်းရင်းမြစ်များ

Mateo 17:25

Petedon: Ai, menetsiash, capanëdash. Adanec nidec shubun puduedshobien Esusën ambia Petedo naden chuipondash: ¿Mitsi paden tantie? Simon. Aton matsesëna nacnenmenuen ¿tsutsi chuiquid tapabon piucquid bedshumpec? ¿Ada aton matses piucquid bedshumpec? Aido bedshunenquio icquin ¿ada matses utsibon aton iuabo piucquid bedshumpec? caquien

Mateo 8:15

Adec uesho istuidshun mëdante mëmishquin Esusën bëdanmepanëdash. Aden bëdanmiac dauebudec bëdanshun Esus pemequin nashumpanëdash.

Mateo 8:20

Esusën: Tantia. Mibi chuinu. Bëdi chëshë aton shëcuën ushquid. Uicchun aton shubu uash abuc ushquid. Padnueni Matsesën Tishaid yequi cun shubu nibëdnuc ubi ushte nibëdec, capanëdash.

Codinto 1 9:5

Adembidi ubëd chuibennec nidquidën aton chido Esus tantiaquid buanac bëdambo iquec. Adombuembidi Petedon aton chido buanec. Adembidi Esusën utsibon chuibennequin aton chido buansho: Bëdambo iquec, caimbi.

Timoteo 1 3:2

Adshumbic: Nuquin Papan Chiaid chuibanquid nadquid nec, quequin chuita. Icsambuen nainquio yec bëdambuec tabadquid nec, utsibon caidquio Nuquin Papan Chiaid chuibanquid nendac. Adquid chido abentsëc inquid nendac. Ambi icsambuen nate bunaid ënash bëdambuec tabadquid nendac. Bëdambuen tantiaquidquio yec bëdambuec tabadquid nec, utsibon caidquio nendac. Isedanquido bëdambuen isquin iuedshun aton shubun ushmequid nendac. Nuquin Papan Chiaid bëdambuen tantiamequin chuibanquid nendac.

Timoteo 1 4:3

Naden chiendac: Dadan chido bedenda. Chidon dada bedmenda. Padenquio yec tabadta, quequin chiendac. Adembidi: Aid petemaid neque. Penda, quequin pete abentse abentsen chiendac aid pete bëdambo icnubi. Nuquin Papan: Umbi chiaidquio bëdambuen tantiashun ubi tantiaquidon: Mimbi pete uaid bëdambo iquec, quequin ma penu, quequin Nuquin Papan pete uapampic.

Ebedeo 13:4

Min chido bedash aidbëd abentsëc yacbimbuec bëdambuec tabadta. Adquid yec: Cun chidopenquio chudnu, quesa iquec chido utsi isuidquid icta. Adecbidi chido yec: Dada utsi chudmenu, quesa icta. Adecbidi abitedishun natemaidi naic chudnanquin nanu, quesa icta. Aden mimbi isuidenquio icquin nabansho issun Nuquin Papan mibi cuidendac.