Mateo 7:25 - El Nuevo Testamento en matsés

²⁵ Aden bëdambuen shubu uan ue sequec acte cubudnubi cunquequid tapa choquin shubu ishcunac chimeshadenquio icnubi shubu nuntan anchiuidenquio icquid.

Mateo 7:25 ပူးပေါင်းရင်းမြစ်များ

Mateo 16:18

Tantia. Umbitsen mibi chuinu. Cuënotebimbuecquid nec, quequin mibi Petedo cuënondambi. Cuënote dapa utsi ictiapimbo yacbimbuec chieshtoenquio icquid iquendac, queshun mibia ubi tantiaquidon chuiquid tapambo icmendambi. Adoac mimbi chuibanaido ubi tantiaquido iquendac. Aidotedi abi chieshënquidon cuessunemequin uesquin nibëdanmetiapimbo iquendac.

Mateo 7:24

Adshumbic Esusën padpiden naden chuipanëdash: Umbi chuibambued tantiashun umbi chiacpadombuen nata. Aden nabanquid yec shubu uaquin bëdambuen tantiaquidbimbuec mibi ictsiaque. Tantia. Chuinu. Bëdambuen tantiaquidënquio mannanënquio buintad tabëcshun shubu uaquid nendac.

Mateo 7:26

Utsibic umbi chuibambued tantiashun umbi chiacpadombuen naisa iquendac. Aden naisa yec nadquidbimbuecquid nec. Shubu uaquin tantiesa icquin acte cuëmanquiobi badedi uënëstsëcquidquio cueste tabëcshun shubu uaic.

Mateo 7:27

Aden shubu uan ue dapabëd cunquequid tapa choquin shubu chimeshquin icsa uashunendac. Adembidi acte cubudtoquidën shubu nuntan mauanquin icsa uashunendac nacnentiapimbocnoc, quequin chuipanëdash Esusën.

Hechos 14:22

Aidtedi yacno chouaquin Esus tantiaquido naden chuibampanëdash: Natiamiantequid iquendac. Adquid icnuc Nuquin Papan namiacno tabadtequid nebi, quequin Esus tantiec chieshtoenquio yec tabadta, capanëdash Pabadon.

Epeso 3:17

Adembidi Esuquidistu tantiaquidombo icmequin ënëdenquio yec utsibobëd tantiananec tabadquid icmeta, Papa, quequin mibitedi tantiaquin Nuquin Papa chiannembi.

Codosas 2:7

Adec tabadquin cute aton tapun ëquëducquiocquidën uidënash nidacbimbuen Esuquidistu tantiaquid icquin aidquio tantiaquiota. Aden Esuquidistu chuiquin ubipadquidon mibitedi tantiamepanëdash. Aid tantiaquid icquin Nuquin Papa chuiquin: Mimbi nac bëdambo iquebi, Papa, quequin Nuquin Papa chianneta.

Santiaco 1:12

Adecbidi natiamiantequid icnuc Nuquin Papan Chiaid niaquenquio yec chieshtoenquio icquin abi tantiaquid icsho Nuquin Papan bëdambo icmendac. Adoshombic ambi chiampicpadombuen: Bëdamboshëcquid menequin Umbi chiaid niaquenquio yec mibi ubi tantiaquiec tabadoque. Ubëd ënëdenquio yec tabadtequid mibi icmenu, caindac Nuquin Papan abi tantiaquido chuiquin.

Petedo 1 1:5

Aden Nuquin Papa tantiaquidombo icsho isash: Aid tantienquio yannushe, quiash nadatiambocquin nabanquid icquin Nuquin Papan nuquitedi dayunuaic: Abitedimbo cuidquin chuibante uëshëmbi Esusën bedtanacsho: Ubi yacno tabadmendambi, quequin Nuquin Papan nuqui dayun uaindac.

Petedo 1 1:7

Esus tantiaquid nebi, quequin mimbi tantiaid matses bedte bunaidquio odo caid shocosh bëshpiu bëshpiucquidbimbuecquid nec. Aidquiobida neque. Isnu, queshun icbon cute nëdëncadoshon pichicaquin aid shocosh tauiquin tanec. Adembidi: Esus tantiaquidquiobida neque. Isnu, queshun Nuquin Papan utsi utsien natiamendac. Aden natiamiaqui chieshtoenquio icquin tantiaquid icsho Esuquidistun padpidec choshon: Mibi bëdambocquid neque. Ubëdi tabadec cho, quequin utsibo tantiamequin chuishun abi yacno buanendac.

Uan 1 2:19

Esuquidistu chieshënquido nuquibëd iccuededbuedi ënden nidanniac. Adquido yec nuquibëd icte bunenquiocquido nec. Esus tantiaquid iquec nuquibëd cuëshëdenquio ictsenosh. Adsho issun: Nuquibëd iccuededquid abitedi Esus tantiaquid nec, catiapimbo nuqui iquec.