Mateo 7:24 - El Nuevo Testamento en matsés

²⁴ Adshumbic Esusën padpiden naden chuipanëdash: Umbi chuibambued tantiashun umbi chiacpadombuen nata. Aden nabanquid yec shubu uaquin bëdambuen tantiaquidbimbuec mibi ictsiaque. Tantia. Chuinu. Bëdambuen tantiaquidënquio mannanënquio buintad tabëcshun shubu uaquid nendac.

Mateo 7:24 ပူးပေါင်းရင်းမြစ်များ

Mateo 12:50

Cun Pa abuc tabadquidën chiacpadombuen nabanec tabadquid icsho dada cun utsibo caquimbi chido cun chu catanquimbi utsi cun ta caimbi, quepondash Esus.

Mateo 16:18

Tantia. Umbitsen mibi chuinu. Cuënotebimbuecquid nec, quequin mibi Petedo cuënondambi. Cuënote dapa utsi ictiapimbo yacbimbuec chieshtoenquio icquid iquendac, queshun mibia ubi tantiaquidon chuiquid tapambo icmendambi. Adoac mimbi chuibanaido ubi tantiaquido iquendac. Aidotedi abi chieshënquidon cuessunemequin uesquin nibëdanmetiapimbo iquendac.

Mateo 24:45

Adshumbic abi cainte Esusën naden chuiuapondash. ¿Icbon chiac Mitsi padquid iuan abipadquid utsibo bëdambuen namepec? Adquid chuinu. Tantia. Pete tambanquin musucshun umbi namiaid utsitedi bëdambuen menebanta, quequin ambi namiaid utsi abentsëc chianec icbo nidec.

Mateo 25:2

Aid chidobo 5ted tantienquio icquido icnubi 5tedbidi bëdambuen tantiaquido icposh.

Mateo 25:4

Padnuen bëdambuen tantiaquidon: Naimëdsho cushtono, queshun tabotebëta sedunten bëchi cushtoaid sananquin caimposh.

Mateo 25:9

bëchi bëbuedën: Padi. Mibi meniac cuna uesadtsiashe. Aid uesadan shubun puduedabi nuquitedi inchëshquiocnoc nidenquio ictsiaque. Piucquid menequin bëchi cushtoquid yano nidshun baded cushtometan, caposh.

Mateo 7:25

Aden bëdambuen shubu uan ue sequec acte cubudnubi cunquequid tapa choquin shubu ishcunac chimeshadenquio icnubi shubu nuntan anchiuidenquio icquid.

Mateo 7:26

Utsibic umbi chuibambued tantiashun umbi chiacpadombuen naisa iquendac. Aden naisa yec nadquidbimbuecquid nec. Shubu uaquin tantiesa icquin acte cuëmanquiobi badedi uënëstsëcquidquio cueste tabëcshun shubu uaic.

Ducas 11:28

Adoaquien: Nuquin Papan Chiaid chuibansho tantiashun aidën chiacpadombuen nabanquid Nuquin Papan bëdambo icmiaidquio nendac, quepanëdash Esus aid chido chiec.

Uanën dada uaid 13:17

Umbi aden chuibued tantiaquin nabansho Nuquin Papan mibi bëdambo icmendac, quepondash Esus.

Uanën dada uaid 14:15

Adshumbic abëd icquido padpiden chiec Esus: Ubi tantiaquido icquin umbi chiacpadombuen naquid iquendac.

Uanën dada uaid 15:10

Abi tantiaquioquin ambi chiacpadombuen nashobini Cun Pan tantiaquiec. Adembidi ubi tantiaquin umbi chiacpaden nasho umbitsen mibi tantiaquiembi.

Uanën dada uaid 15:14

Umbi chuibued tantiaquin nabansho mibitedi cun utsibo caimbi.

Doma 2:13

Ambi: Naden nata, quequin Moises chiampid tantiashumbi adombuen naisa bëdambuen istiapimbo icquimbic ambi chiacpadec tabadquid Nuquin Papan bëdambuen istsiash.

Uan 1 2:3

Nuquitedi naden tantiendac. Nuquin Papan: Naden nata, quequin Moises dada uamiampid tantiaquin nabanquid nebi, queshun aid bëdambuen tantiaquid nuqui nendac.