Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Mateo 7:22 - El Nuevo Testamento en matsés

22 Nuquin Papan matses abitedi cuidte uëshën matses dadpenshun ubi chuiquin: Icbo, Icbo, Cun Icbo mibi nec. Mibi caquin: Aidën namiaidquio nebi, quequin dadpen naombi. Nuquin Papan Chiaid chuiquinc, podobitsi icsabo matses dapuduedaido cuenmequinc dadpen nadatiambocquin naquinc caombique. Ubi puduedme, Icbo,

အခန်းကိုကြည့်ပါ။ ကော်ပီ




Mateo 7:22
23 ပူးပေါင်းရင်းမြစ်များ  

Mimbi adosho issun abitedimbo cuidte uëshëmbi Nuquin Papan aido cumapenquien cuidendac. Ëndenquimbo shubu dadpen icquid Sodoma yacnocquidobëta Comoda yacnocquidotedi cuidquin Nuquin Papan uesquin uënës uapampic. Aid daëd yacnocquido bëdiactsëc cuidshun mimbi chuibansho tantienquio icquidoen cumapenquien cuidendac, quepondash Esus abëd icquido chiec.


Adashic abi onquec Esus: Aid uëshënquio chouaindac, quetiapimbo matses iquec. Nuquin Papabëd icquido adtiapimbo icuaic. Aton madombo iquequi ubitsen adtiapimbo iquebi. Cun Pa abentsëcshunquiobien ubi chote tantiec.


Adnubien bëdambuen tantienquio icbuedo bëchi bedtanec chochoposh. Chochoshon shëcuë shëcnandoacsho istuidshun: Shëcuë shëcne, buchi. Ubitedi puduednu,


Utsitsen Esusën naden chuipanëdash: Ubi caic: Icbo, Icbo, Cun Icbo mibi nec. Mibi tantiaquid nebique. Mibi yacno ubi puduedme, Icbo ¿quequidtedida Nuquin Papan namiacno puduedpatsiash? Padenquio. Cun Pa abucquidën chiacpadombuen naquidoen aid yacno puduedendac.


Aden chiashic Esus: Ambi icsambuen naidbëtabi ambi bëdambuen naid chuibanquin cuidte uëshëmbi Sodoma yacnocquido bëdiactsëc cuidampid icnubi mibi iuedesa Nuquin Papan cumapenquien cuidendac, quequin Esusën chuipanëdash.


Aden ambibi tantiacpaden chienquio icquin Nuquin Papan oncamiac aden chuipanëdash. Nëid setan abëtan nëish iua cuessunneshun pichicaquidon chuiquid tapambo nec, queshun Nuquin Papan oncamiac: Nuquin matses isadaidbo abitedimbo cuidmenquio icnuec Esus abided cuidadec uënësendac, quequin Caipasën chuipanëdash.


¿Esus chonoda mibi dacuëdpe? ¿Esus tantiesaboda mibi nedi? Esus tantiaquidoen mibitedi nec. Adquido yec: Nëbien Esus chochitec, quec bëdambuec tabadnubi ampe choacbimbuec Esus chonoc mibitedi dacuëdenquio iquendac.


Aden ambi icsambuen naquido cuidte uëshëmbi Esus chosho isash abi tantiaquido: Ubi cuidmenquio icnuec abided cuidadaid Nuquin Icbo bëdamboshë iquec, quequin aton Icbo isec tabadendac. Umbi Esus chuibanac aid tantiabenondaido icquin mimbitsen Esus chosho isendac.


Aden chuibenneshobini chieshënquin natiamequin quënën tsadumpondash. Adoaqui dacuëdenquio yec chieshtotiapimbo icquin Esus tantiembi. Umbi tantiaidquio nadatiambocquin nabanquidquio Esus nec. Adquid icquin: Umbi naid chuibanenquio yannushe, queshun abi tantiamequin Esusën ubi chieshtomenquio iquendac. Aidëmbi nidaidën choabi icquin abi chuibanquid chieshtoenquio icquid ubi icmendac, quec dacuëdenquio iquebi.


Epeso yacnoshon aidëmbidi baded badedquien nuqui nashundedniondaid mimbi tantiec. Aden ubi nashunondaid tantiaquin: Nidaidën padpidec choshon Cun Icbon ambi matses cuidte uëshë chonoc: Onesipodo bëdambuen isquin mëyadte yacno nidmenda, Papa, caimbi.


Adec tabadec uënësacshobini matsesën naid abitedimbo tantiaquin cuidnun chuiquid icquin Nuquin Icbobëtan Nuquin Papan: Umbi chiacpadec mibi bëdambuec tabadoque. Ubi yacno ubëdi tabadmequin chuiquidën mauete bëdamboshëcquid meniacbimbuen mibi bëdamboshë icmendambi, caindac. Abi chote uëshën choshon aden Nuquin Icbon ubi chiendac. Adembidi abi chosho iste bunquioquin abi cainquidotedi Nuquin Icbon bëdamboshë icmequin abëdi tabadmendac.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ