Mateo 7:19 - El Nuevo Testamento en matsés

^19-20 Chetemaidbimbuec muaquido bëdambo ictiapimbo iquec. Nuquin Papan Chiaid niac niaquec icsambuec tabadsho issun: Muaquid nec, quequin mibitedishun tantiendac. Adquidën chuisho tantienda. Aido cute bacuëesa icsho icbon dëdshun teteshun tsindoshon nëdëncacbimbuen Nuquin Papan ambi icsambuen naquido cuidacno nësecaindac, quepanëdash Esus.

Mateo 7:19 ပူးပေါင်းရင်းမြစ်များ

Mateo 3:10

Aden chiashic: Cute bacuëesa icsho dëdshun cuidi mëteshun tsindoshon icbon nëdëncaic. Aden nëdëncacbimbuen icsambuen nabanquido chian annëdënquequid Nuquin Papan nësecaindac, quepanëdash Uan padiseobobëta saduseobo chiec.

Mateo 7:18

Cute bëdan bacuë chetemaid ictiapimbo iquec. Cute icsan bacuë chetequid ictiapimbo iquec.

Ducas 3:9

Aden chiashic: Cute bacuëesa icsho dëdshun cuidi mëtequin tsindoshon icbon nëdëncaic. Aden nëdëncacbimbuen icsambuen nabanquido chian annëdënquequid Nuquin Papan nësecaindac, quepanëdash Uan.

Tito 3:14

Adec nashunnanec nuquitedi bëdambuec tabadquin ismiac adecbidi utsibo nashunnanec tabadec Esuquidistu tantiaquid yanendac, quequin chuibanta.

Udas 1:12

Esus uënësaid tantiec tabadquin actequidbëta petempi pec tantiananec tabadquin pebededacno puduedshun mibëdtambi muaquidon piac caosh. Aido: Nuquin Papa tantiesa nebi, quiash dacuëdtiadquidi padenquio yec tabadec. Adquid yec aton iua obeca bëdambuen tantienquio yacbimbuen abiuidtsëqui datantiadquin nabanquido nec. Adecbidi abu chëshë acte nibëdquid icsho cunquequidën uanno tsidunacbimbuecquido nec. Adecbidi cute ambi nitsinaid bacuëenquio yec uënësacsho istuidshun icbon chichicshunniacbimbuen Nuquin Papan cuidtequidombo nendac.