Mateo 6:4 - El Nuevo Testamento en matsés

⁴ Adsho issun mimbi utsibo ismenquio icquin nashunaid tantiaquid icquin Nuquin Papan mibi bëdambuen isquin bëdamboshëcquid menendac, quequin Esusën chuipanëdash.

Mateo 6:4 ပူးပေါင်းရင်းမြစ်များ

Mateo 10:42

Adembidi ubi tantiaquid acte bundoacsho acte acmequin nashunsho Nuquin Papan bëdambuen isquin bëdamboshëcquid menetequid iquendac, quequin Esusën chuipondash.

Mateo 6:18

Aden bëdambuen manëdaid shueshcaid issun: Buna mëmunec nec, utsibon mibi catiapimbo iquendac. Matsesën isacmaid icquin Nuquin Papambien: Ubiuidtsëqui tantianuen naic, quequin tantiendac. Adshun mimbi utsibo ismenquio icquin naidtedi tantiaquid icquin mibi bëdamboshëcquid menendac, quequin chuibampanëdash Esusën.

Mateo 6:3

Atona nibëdquido menequin utsibo ismenda. Meneshun: Menebanombi, quequin utsibobëta mibëd icquidquio chienda.

Mateo 6:6

Mimbi aden chienda. Utsibo ismenquio icquin Nuquin Papauidtsëqui tantiaquin mimbentsëqui chianneta. Aden chiannequid mibi icsho Nuquin Papan mimbi utsibo ismenquio icquin naidtedi tantiaquid icquin mibi bëdamboshëcquid menendac.

Ducas 14:14

Adquidon mibi cuidquin pemetiapimbo iquec. Adquido pemiash: Bëdambo iquebi, mibi quendac. Adquid abi tantiaquido uënësaido uincuenmete uëshëmbi Nuquin Papan abi yacno puduedmequin mibi bëdambo icmendac, quepanëdash Esus.

Ducas 8:17

Utsibo tantiamenquio icquin ompodshon nabanaidtedi tantiadanendac. Adembidi utsibo tantiamenquio icquin nabanaidtedi chiadanendac. Adembidi utsibo ismenquio icquin nabanaidtedi sebadënquio tantiadanendac.

Codinto 1 4:5

Adquid icnuc utsibo isquin: Aid Icsambuen naquid nec, cainda. Nuquin Icbo choshombien icsambocquid cuidendac, quequin aid cainta. Aidëmbi matsesën ompodshon naidbëta ëquëducshun tantiaid chuibanquin tantiameshun cuidendac. Adoshombic utsibo chuiquin: Mibi bëdambuec tabadoc, quequin abentse abentsen chuibanquin Nuquin Papan bëdambocquid menebanendac.

Ebedeo 4:13

Abitedimbo isquidquio Nuquin Papa nec. Adquid icsho ambi uaidtedishun ompodëntiapimbo iquendac. Adquid yec abitedimbo tantiaquid icquin: ¿Mitsipadec tabado? quequin chiac nuqui nabanaidtedi nuqui chuibanendac.

Udas 1:24

Nuquin Papa abentsëcquiobi iquec. Abi tantiasho dayun uaquin nuqui icsamenquio iquendac. Adshumbic: Icsambocquid mibi nec, utsibo quetiapimbo icnuc bëdambocquid icmeshun bëdamboshë yacno abëdi nuqui tabadmendac. Adoac nuqui cuishonquequiendac. Adquid tantiaquin nadonona. Abipadquid utsi nibëdnuc Nuquin Papa abentsëcquiobi iquec. Nuquin Icbo Esuquidistuded cuidshun abi tantiaquido cuidenquio icquid Nuquin Papa nec. Abitedishun Icbombo icquin nadatiambocquin nabanquidquio Nuquin Papa nec. Abitedishun Icbombo icquin abitedimbo namequidquio nec. Aidi ëndenquimboshë yampidi nëbi nibëdantiapimbocquid yec abi iquec. Adquid icsho: Mibi bëdamboshë iquec, canuna ënenquio icquin, Amen. Aidted chuiquin dada uaombi.

Esusën Uan ismiaid 2:23

Aid chidon namiaidotsen cumapenec mëyadnuc uënësmendambi. Umbi adosho issun ubi tantiaquidtedishun naden tantiendac: Matsesën tantiaidbëta aidën nabanaidtedi tantiaquidquio icquin Esusën abi tantiesa cuidquimbi abi tantiaquin bëdambuen nabansho issun abi yacnombo tabadmendac.