Mateo 6:30 - El Nuevo Testamento en matsés

³⁰ Adec cute bacuëec tuashquiaid bëdamboshë isadbuedi badedquio sequiacsho nëdëncatequid nec. Adquid icnuc ¿ambi uaido mibitedi icsho Nuquin Papan mibi dasiuidte bedmenquioda icpadic? Ai, mibi dasiuidte icmeque. Natiec tabadenda. Mitsanauidi tantiec natiec tabadquin Nuquin Papa bëdiactsëc mimbi tantiatseque.

Mateo 6:30 ပူးပေါင်းရင်းမြစ်များ

Mateo 14:31

Esusën badedquio mëdintanquin indopondash. Aden indoequi: Cun icbon ubi bëdambuen nametsiash, quebuedi ¿atotsi quiash dacuëdtano? Ubi bëdiactsëc tantiactsëcquid mibi nec, capondash Esusën.

Mateo 16:8

Adsho ambibi tantiash Esus: Ubi bëdiactsëc tantiactsëcquido mibitedi nec. ¿Mimbi pan bëambocquid chiectabi nedi?

Mateo 17:17

Esusën abëd icquidobëta ambo icquidotedi naden chuipondash: Umbi nadatiambo icquin nabanquin dadpen ismiaqui mimbi ubi tantienquio iquec. Icsambuen tantiaquid yec icsambuec tabadquido mibitedi nec. Mibitedishun tantienquiocsho isash ¿tedectsibi mibëd icpe? ¿Mitsipadombuembimbi chieshtoenquio icquin mibi chuibudpe? quetanquin: Min mado bec cho, capondash.

Mateo 8:26

¿Atotsi quiash natiec dacuëdcuedede? Ubi bëdiactsëc tantiaquido mibitedi nec, quetanec nidtoshon cunquequidbëtabi acte chiec: Padi. Ënëd, caquien natiambo cunquebuedi badedquio ënëdpanëdash. Adecbidi actetsen bocquenquio yampanëdash.

Madcos 4:40

Aden ënëdmetanec Esus: ¿Atotsi quiash natiaquiec dacuëdtancuededo? Ubi bëdiactsëc tantiaquidoen mibitedi nec, quepanëdash.

Madcos 9:19

Aden chuisho tantiash abëd icquidobëta ambo icquido caic: Esus nadatiambocquid nec, quequin ubi tantiesa mibitedi nec. ¿Tedectsicshun umbi chiacpaden mibitedishun tantiabempe? ¿Mibitedishun tantienquiocsho isash tedectsiashini chieshtope? quetanquin: Min madompi bec cho, capanëdash Esusën.

Ducas 12:28

Padnuen cute bacuëec tuashquiaid bëdamboshë isadbuedi badedquio sequiacsho nëdëncaquid yendac. Adquid icnuc ¿abipadquid Nuquin Papan ambi uaido icsho mibi dasiuidte dashcute bedmenquioda icpadic? Ubi bedmenquio ictsiash, quequin Nuquin Papa bëdiactsëc mimbi tantiec.

Ducas 9:41

Adoaquien ambi nianaidobëta abëd icquido caic Esus nadpanëdash: Nadatiambocquid Nuquin Papa nec, quequin tantiesa mibitedi nec. ¿Tedectsicshun umbi chiacpaden mimbi tantiabempe? Mibitedishun tantienquiocsho isash ¿tedectsiashini chieshtope? quetanquin: Min mado bec cho, capanëdash Esusën.

Uanën dada uaid 20:27

Adtanequien: Is cun mëdante, Tomas. Shëcuë bëmishec cho. Në podo ansiaid iqueque. Aidtsen bëmishec cho. Adshun: Uincuenabien icchitash, quequin tantienquio icbuedëmbi: Uincuenac, quequin tantiata, caquien

Ebedeo 3:12

Tantia, cun utsibo. Bëdambuen tantiec tabadta. Uënëstiapimbocquid yec Nuquin Papa abi iqueque. Nëbi aidën chiacpadombuen nanuna, quebuedi: Tantiesa yanshun icsambuen naic cuëshëdchitomane, queshun ënenquio icquin Esus tantiaquiota.

Petedo 1 1:24

Nuquin Papan chuiquin dada uamiampid nad iquec: Matses abitedi uasimbimbuecquid nec. Adecbidi matsesën: Cunatedi bëdamboshëcquid nec, caidi cute bacuëec bëdambo isadacbimbuecquid nec. Cute bacuëec tuashquiaid bëdamboshë isadbuedi tididiquiash badedquio chodquequid nec.