Mateo 6:27 - El Nuevo Testamento en matsés

²⁷ Adec mitsanauidi tantiec natiec tabadnubi mibi uënëste uëshë chonoc: Padi, udictsëcuësh uënësebi, ¿quecta mibi icpe? Padenquio.

Mateo 6:27 ပူးပေါင်းရင်းမြစ်များ

Mateo 5:36

Adembidi mapi cuënquin: Abimbo chuinu, quequin chienda. ¿Min mapin icboda mibi nedi? Padenquio. ¿Mimbida min manëdaid masedcamedi? Padenquio. Aton Icbo icquimbien Nuquin Papan naique.

Mateo 6:25

Adshumbic Esusën padpiden naden chuipanëdash: Umbi aden chuibued tantiash natiec tabadenda. ¿Atotsimbi pepeba? ¿Atotsimbi acpeba? ¿Mitsicquidibi dasiuidpeba? quequin min dada bëdambo icmeteuidi tantiec tabadenda. Bëdambuec tabadnu, quequin petequiduidi tantienda. Adembidi dashcute dasiuidteuidi tantienda.

Mateo 6:28

¿Atotsibi dasiuidpeba? quec mibitedi natiec tabadeque. Tantia. Chuinu. Cute bacuëec tuashquiaid bëdamboshë isadec, quepec matses. Adec bëdamboshë isadquid ¿ambibi bidicashun daëdcaidta dasiuidpec? Adecbidi ¿Abibi dasiuidtsashta bëdamboshë isadpadic? Padenquio. Nuquin Papan uacpadequi nec.

Mateo 6:31

Natiec tabadec: ¿Atotsimbi pepeba? ¿Atotsimbi acpeba? ¿Mitsicquidibi dasiuidpeba? quec tabadenda.

Mateo 6:34

Ubi adsho tantiash badiad utsi caic: Aid badiadën ¿atotsi icpeba? quec natiec tabadenda. Aid badiadën Nuquin Papan ambi tantiacpadombuen mibi nametsiashe. Nëid uëshëmbi: Naden naimbi, quequin tantiec natienquio yec tabadta, quequin Esusën chuipanëdash.

Ducas 10:41

Adoaquien Esusën: Madta, Madta. Mimbi natequid dadpen icnuc aiduidi tantiaquidquio mibi nec.

Ducas 12:11

Adquid icnuc: Esus tantiaquid nec, queshun mibitedi chieshënquin bedshun utsi utsien Nuquin Papan Chiaid chuibante shubuno buanendac. Utsibic cuidte chuiquid yacno buanendac. Utsibic chuiquid tapabo yacno buanendac. Adoac: Icsambuen nambo iccombi, quequin tantiec: ¿atotsimbi chuiquid chuipeba? quec natienda.

Ducas 12:22

Aden iccuededquido chuishumbic Esusën abëd icquido nadopanëdash: ¿Atotsimbi pepeba? ¿Mitsicquidibi dasiuidpeba? quequin min dada bëdambo icmeteuidi tantiec tabadenda.

Codinto 1 12:18

Nuquin Papan ambi tantiacpadombuen matsesën dadan icquid tabëcquin uidënuaid iquec.

Pidipos 4:6

Adecbidi uënësquio yec natiec tabadenda. Adenquio icquin mimbi tantiaidtedi Nuquin Papa chuita. Aden chiec: Mibi bëdamboshë iquec, Papa, quequin chianneta.

Petedo 1 5:7

Aidi mibi tantiaquidquio neque. Mimbi utsi utsien natiaquin uënësquiocquin tantiaidtedi Nuquin Papa chuita.