Mateo 6:22 - El Nuevo Testamento en matsés

²² Adshumbic abi macuësh tapa poctse tsadquin utsitsen Esusën naden chuiuapanëdash: Min tantiaten bëdambuen tantiaquin Nuquin Papa tantiaquiec mitsanauidi tantienquio yec mibi bëdambuec tabadendac.

Mateo 6:22 ပူးပေါင်းရင်းမြစ်များ

Mateo 5:15

Tabote taboshon matsun bëtashquin ¿dectanaidta icpadic? Padenquio. Ma shubu nuntan icquid abitedishun isnu, queshumbien tabote taboshon nënantanquio abuc dectanquid.

Hechos 2:46

Adecbidi badiadquidën badiadquidënquiec Nuquin Papa tabadte shubu dapa yacno nidash iccuededpanëdash. Adecbidi shubu utsi utsiec yacno nidash iccuededquin Esus uënës uaid tantiaquin pan cuëshcuëshshun pebededpanëdash. Adecbidi bundoshon pete pec cuishonquecuededuapanëdash.

Codinto 2 11:3

Umbi chuibanac Esuquidistu tantiabuedombi nisi bëdambo isadacbimbuecquidën muaquin chiac Eban Nuquin Papan Chiaid niacquin tantienquio icpampicpaden muaquin chuibanac mimbi Esuquidistu tantienquio yampanundac, quec natiec tsadebi.

Epeso 6:5

Tantia, iuabo. Mibitedi chuinu. Nidaidënshun mibi iuaquid yec min icbo neque. Aidën chiacpadombuen nabanta. Chieshënenquio icquin bëdambuen isquin nashunta. Esuquidistu nidaidën icsho nashunacbimbuen mibi iuaquidën chiacpadombuen nabanta.

Codosas 3:22

Iuabon, nidaidënshun mibi iuaquidën chiacpaden nabanta. Aidën: Naden na, quequin chuishun isnuc nabanta. Mibi iuaquidën isenquiocnobi adombuembidi nabanuata. Aden nabansho mibi bëdambuen isendac. Cun Icbo Esuquidistun ubi isec, queshun aden nabanta.