Mateo 6:14 - El Nuevo Testamento en matsés

¹⁴ Adashic nadpanëdash: Utsibon chieshënaqui bëdambuen ista. Cuidnanec chieshënnanenda. Mibi utsin icsambuen nabued tantienquio yec bëshunsho isash Nuquin Papa mibitedishun icsambuen naid tantienquio yec bëshunendac.

Mateo 6:14 ပူးပေါင်းရင်းမြစ်များ

Mateo 5:7

Utsibo natiasho isash uënësquiocquin bëdambuen isquid Nuquin Papan uënësquiocquin bëdambuen isendac.

Mateo 6:12

Ubi chieshënquidon naid tantienquio yec ubi bëshunacpadecbidi umbi icsambuen nabued tantienquio yec bëshunta, Papa.

Mateo 7:2

Utsibo: Icsambocquid nec, cainda. Adembidi Nuquin Papan: Mibi icsambocquid nec, canushe. Utsibon icsambuen naiduidi chiec tabadenda.

Madcos 11:25

Aden Nuquin Papa chuinuec utsin mibi icsambuen nashunaid tantienquio yec bëshunta. Adsho abucshun isash Nuquin Papa mimbi icsambuen naid tantienquio yec bëshunendac.

Ducas 6:37

Aden chuibanashic Esus: Mibi icsambocquid nec, utsibo cainda. Adesa icsho: Bëdambocquid nec, Nuquin Papan mibi caindac. Adembidi utsibo chieshënquin: Icsambocquid icsho mibi Nuquin Papan cuidtequid nec, cainda. Adenquio icsho Nuquin Papan mibi cuidenquio iquendac. Mibi icsambuen tantiaquin utsin icsambuen nasho isash aidën nabued tantienquio yec bëshunta. Adquid icsho isash mimbi icsambuen nabanaid tantienquio yec Nuquin Papa bëshunendac.

Epeso 4:32

Adecbidi bëdambuec tabadquin utsibo uënësquio icquin tantiaquin nashunnanta. Esuquidistunuidtsëqui nac mimbi icsambuen naid tantienquio yec Nuquin Papa bëshunacpadquiec utsin mibi icsambuen naid tantienquio yec bëshunuata.

Codosas 3:13

Mimbi nacpadombuen utsibon nainquiocsho issun: Tantienquiocquid nec, quenquio icquin adembi chuiban. Adecbidi utsin mibi icsambuen chieshënquin nasho isash aidën naid tantienquio yec bëshunta. Nuquin Papa umbi icsambuen naidtedi tantienquio yec bëshunosh, quec adta.

Santiaco 2:13

Utsibo uënësquiocquin tantiesa matses icsho Nuquin Papan: Aido tantiac uënësquio iquec, quenquio icquin cuidendac. Aden cuidshumbic utsibo uënësquio icquin tantiaquido icsho Nuquin Papan ambi abitedi cuidte uëshën aido cuidenquio iquendac.

Uan 1 3:10

Nuquin Papan: Cun bacuëbo nec, caido adquid nec, quequin nuqui tantiec. Adembidi Mayan Icsa Satanasën namiaidotsen nuqui tantiauaic. Nuquin Papan Chiaid niacquidën utsibo tantienquiocquido Nuquin Papan: Cun bacuëbo nec, caido ictiapimbo iquendac.