Mateo 5:39 - El Nuevo Testamento en matsés

³⁹ utsitsen chuinu. Tantia. Mibi chieshënquin icsa uaquid cuidenda. Mibi icsambuen chieshënquin tancuesquid cuidenquio yec: Në utsiuctsen na, quequin bëdambuen nata.

Mateo 5:39 ပူးပေါင်းရင်းမြစ်များ

Mateo 5:40

Min matsesën chieshënquin: Cuidte chuiquid yacno buanchitomane. Min dashcute bec cho, quequin chushcac aid dashcute meneshumbic min dashcute bëntsecquidtsen chicshun meneta. Aden bëdambuen nata.

Ducas 22:64

Adoshombic dashcute cuëshën bëpucshun cuestanquin Esus sondadon nadopanëdash: Cumapenen tantiaquidquio icquin ¿tsundan mibi cuesoshe? En chui. Tantianu, capanëdash.

Ducas 6:7

Ambobidi tabadquin Moisesën chiampid tantiamequidobëtan padiseobon: Nëid chonoadtemaid uëshëmbi Esusën bëdanmenushe. Isnuna. Aden chonoadquin bëdanmesho issun: Mimbi icsambuen naic, canuna, quiash tabadquin caimbededpanëdash.

Uanën dada uaid 18:23

Adoaquien Esusën: ¿Icsambuendambi chio? ¿Atotsimbi icsambuen chioque? En chui. Mambi abimbo chuiboc. ¿Atotsi queshun ubi cuesquin nai? capondash.

Codinto 1 6:7

Nëishnanash chushcananenquio ictiadquidi mibëtan Esus tantiaquidobëd chushcananec mibitedi icsambuec tabadec. Esus tantiaquid utsin mibitedi icsambuen chuishunac ¿atotsi quiash ëcbedenquio icquin mëmuntiadquidi nëishash mibi chushcanampe? Adembidi utsin ampeshunac ¿atotsi quiash: Ma ampenu, quetiadquidi nëishash mibi chushquepe?

Tesadonica 1 5:15

Utsin icsambuen chuishunquin chieshënac cuidnante bunsho: Padi. Esus tantiaquid adesa neque. Bëdambuec tabadnuna, cata. Mibëtan Esus tantiaquidobëd bëdambuec isnanquin utsibotsen bëdambuen ista.

Ebedeo 12:4

Mimbi icsambuen naid ënnuec mëyadec intac nua chiuidec mibitedi uënësabi iqueque. Chieshtoenquio icquin Esus tantiata.

Santiaco 5:6

Mibitedishun icsambuen nabi icquidobi: Mibitedi cuessunnenu, cac uidëntiapimbo icsho mimbi cuessun secamepoc.

Petedo 1 3:9

Chieshënac cuidnanec chieshënnanenda. Chieshënquin icsambuen chuishunac cuidnanec icsambuec chuishunnanenda. Adenquio icquin aido bëdambuen ista. Umbi bëdambuen isaidon ma aton matses bëdambuen isnu, queshun Nuquin Papan abi tantiaquido mibi icmiaque. Bëdambuec tabadta.