Mateo 5:37 - El Nuevo Testamento en matsés

³⁷ Aden chienquio icquin: Ai, Aden naimbi, queshun muainquiocquin nata. Adembidi: Padi. Aden natiapimbo iquebi, queshun mimbi chiacpadombuen nainda. Utsi uaquin mimbi icsambuen naindac, quepanëdash Esus.

Mateo 5:37 ပူးပေါင်းရင်းမြစ်များ

Mateo 13:19

Nuquin Papan namiacno tabadte iquec, quequin chiaqui tantienquio icsho Mayan Icsa Satanasën nac badedi bëshunendac. Adquid podquied nantan pete ëshë secac paëdacsho uicchunën badedi chiacbimbuecquid nendac.

Mateo 13:38

Padnuen tied tapan icquidbimbuecquid nidaidën tabadquidotedi nec. Pete ëshëbimbuecquid Nuquin Papan namiaido nec. Padnuen ubi chieshënquido Mayan Icsa Satanasën namiaido icquin uasin icsambocquid ansecaquidbimbuecquido nec.

Mateo 15:19

Nëidic icsambuen tantiaquido. Nëidic cuessunnianquido. Nëidic aton chidopenquio chudquido. Nëidic aton bënëpenquio chudmequido. Nëidic ambi natemaidi naic chudnanquido. Nëidic ampequido. Nëidic mua uanquido. Nëidic icsambuec chuishumënquido.

Mateo 5:36

Adembidi mapi cuënquin: Abimbo chuinu, quequin chienda. ¿Min mapin icboda mibi nedi? Padenquio. ¿Mimbida min manëdaid masedcamedi? Padenquio. Aton Icbo icquimbien Nuquin Papan naique.

Mateo 6:13

Adembidi Mayan Icsa Satanasën tanquin ubi icsamete bunmequin: Iuanu, casho ubi cudasquin mënchicta, Papa. Mibiuidtsëqui nadatiambocquid yec bëdamboshëcquid yec nibëdantiapimbocquidquio mibi nec, Papa, Amen, quequin Nuquin Papa chianneta, quequin Esusën chuibampanëdash.

Uanën dada uaid 17:15

Aden tantiaquin: Ubi tantiesabobëd ubëd icquido tabadmenda, quequin chienquio icquin: Satanas iuamequin chieshtomenda, quequin chiec nebi, Papa.

Uanën dada uaid 8:44

Min papabimbuecquid Mayan Icsa Satanas nec. Aid bunacpadenuidi nate bunquid yec aidën mado mibitedi nec. Ëndenquimboshë Nuquin Papan tauambuen matses uambi Mayan Icsa Satanas cuessunnianquidquio yampampic. Adquid iquec Nuquin Papan chiacpadombuen namenquio yec chieshëmënec cumapenec muaquidquio nec. Aton padibi icquid yec bëdambuen chuimenquio icquin matses muamequidquio nec.

Epeso 4:25

Bëdambuec tabadquid icnuec utsibobëd mua uannanenquio yec abimbo chuinanquido icta. Nuquitedi Esus tantiaquido yec dada abentsëc yacbimbuec tabadquido neque.

Epeso 6:16

Nuquin Papan abi tantiaquid icsho dayun uaindac. Adosho issun Mayan Icsa Satanasën: Icsamenu, quequin pia dëtaboaidën senu, cac shocosh tsasimbocquidën dëcatemëdquiash nidacbimbuec chieshtoenquio yec abi mibi nidendac.

Codosas 3:9

Adecbidi utsibobëd mua uannambuedi ënëdta. Ënden adquid icbuedëmbi nëbi icsa sandoshon secacbimbuen mimbi icsambuen naidtedi ënta.

Codosas 4:6

Aden chuibanec mibi bëdambuec onquesho tantiash: ¿Mitsicquid mimbi tantiaid icpec? quetsiash tantiesa. Adsho tantiashun Esuquidistu mimbi tantiaid bëdambuen chuiquin tantiameta, ma aidon bëdambuen tantiapanu, queshun.

Tesadonica 2 3:3

Nuquin Icbo bëdamboshë icquid nec. Muesambo icquin ambi chiacpadombuen naquid icquin nuquitedi bëdambuen dayun uaindac. Ubi tantienquio yannushe, queshun nuqui chieshtomenquio icquin Mayan Icsa Satanas nuqui iuametiapimbo iquendac.

Santiaco 5:12

Tantia, cun utsibo. Abimbo chuiquidquio icta. Nuquin Papan tantianubi abimbo caimbi, quequin naden chienda. Abu chuiquin: Abimbo chuinu, quequin chienda. Adembidi nidaid chuiquin: Abimbo chuinu, quequin chienda. Adembidi utsibi cuënquin: Abimbo chuinu, quequin chienda. Utsin: ¿Ada natsia? cac: Ai, queshun nabanta. Adembidi utsin: ¿Ada natsia? cac: Padenquio, queshumbi nabanenda. Aden abimbo chienquiocquid icsho Nuquin Papan cuidnushe.

Uan 1 2:13

Aton papabo icsho mibitedi chuiquin dada uanu. Tantia. Nuquin Papan nidaidbëta abitedi uabi icnubi Esus icpampic. Aid tantiaquido mibitedi nec. Caniabo, Esus tantiaquido icsho mibitsen chuiquin dada uanu. Tantia. Mayan Icsa Satanasën: Icsambuen namenu, cac: Padi, aden nainquio iquembi, mimbi cannioc.

Uan 1 3:12

Ëndenquimbo aton utsimbobi chieshënquid Cain icpampic. Aidpadquidpenquio icnuna. Mayan Icsa Satanasën tantiamiacpaden aton utsibi cuessunnepampic. ¿Atotsi queshun cuessunnepampic? Aton utsin bëdambuen nasho issun nëishtanquin icsambuen naquid icquin cuessunnepampic.

Uan 1 5:18

Nuquin Papan: Cun bacuëbo nec, caido icquin icsambuen nabanesa nec, quequin nuqui tantiec. Aden abi tantiaquido icsho Nuquin Papan Madon Esusën dayun uaid icsho Mayan Icsa Satanasën icsa uatiapimbo iquendac.