Mateo 5:30 - El Nuevo Testamento en matsés

³⁰ Min mëdante abiucshun icsambuen nate bunquin bedec mibi icsaic. Mëteshun uannombo neshunac bedtiapimbo yacbimbuen mimbi icsambuen naid ënta. Ënenquio icquid Nuquin Papan chian annëdënquiacno nësecaquin cuidtequid nendac, quequin Esusën chuibampanëdash.

Mateo 5:30 ပူးပေါင်းရင်းမြစ်များ

Mateo 11:6

Adshumbic: Nadentsen chuita. Umbi aden nabanaid tantiash chieshtoenquio icquin ubi tantiaquid Nuquin Papan bëdambuen isaidquio nendac, quiosh Esus, quequin chiec nid, cac nidannepondash Uambëd icquido.

Mateo 13:21

Adsho: Nuquin Papa tantiaquid nec, queshun utsibon chieshënac pete ëshë dëyuquec tapunuidtsashi uënësacbimbuen badedi chieshtoshon Nuquin Papan Chiaid tantienquio yanendac. Adembidi chieshtomiantequid utsi utsiec icnuc Nuquin Papa tantienquio yanuaindac.

Mateo 16:23

Aden chiac bidiadquin Esusën: Mayan Icsa Satanasën oncamiac Petedo nec, queshun Petedo isquin naden chushcapondash: Cuenta, Satanas. Nuquin Papan tantiacpadpenquiocnoc Ambi Chiaid ubi niacmenu, quequin icsambuen chuiquid iquec. Mayan Icsa Satanasën tantiamiac matsesën tantiacpaden tantiaquid mibi nec, capondash Esusën Petedo chuiquin.

Mateo 17:27

Aden tantiaquimbi: Nëishnushe, queshun menenun chianën ansemetan. Bëyucquio mimbi nuëcquid ansemiaid ancanshun anisquin shocosh nacnenaid piucquid abentsëc mimbi istuidendac. Aid bedshun piucquid bedshumënquido menetanta. Në cun icbonabëdi cuna nec, quequin menetanta, capondash Esusën. Adoac Petedon Esusën chiacpadombuen bedtanquin piucquid menetampanëdash.

Mateo 18:8

Aden Nuquin Papan cuidte chuisho tantiaquimbi icsambuen nainda. Mëdanten naic mibi icsaic. Mëteshun uannombo neshunac bedtiapimbo yacbimbuen mimbi icsambuen naid ënta. Taën capuec mibi icsaic. Tateshun uannombo neshunac caputiapimbo yacbimbuen mimbi icsambuen naid ënta. Ënenquio icsho Nuquin Papan mibi chian annëdënquequid nësecaindac.

Mateo 22:13

Adshobien chuiquid tapan: Chido bedacno isnuec dashcute bëdaidquio dasiuidquid, quepadennec. Mibi icsambo iqueque. Mibi cuidnu, queshun aton iuabo chiec: Mëtanetanquin tataneshun buanshun inchëshquio yacno netan, cac netanac mëyadec natiaquiec shëta chëquëdëshquec shubiquioposh.

Mateo 25:20

ambi 5midted meniondaidën: Is icbo. Mimbi ubi meniondaidtedbidi daëd uaombique. Nëbi mitsana 10midted iquec, caquien

Mateo 26:31

Ambo nidash tabadquimbi Esusën naden ubitedi chuipondash: Nëid inchëshëmbi Nuquin Papan chiampicpadec ubi nianec mibitedi niquendac. Nuquin Papan Chiampid nad iquec: Icbo cuessunnesho istanec ambi iuaid obeca niquendac, quequin chuipampic.

Mateo 5:22

Nadquidotsen cuidtequido nec, quequin chuinu. Tantia. Aton matsesbëd nëishnanash baded bëdanenquio icquid icsho Nuquin Papan cuidtequid nendac. Utsibic chieshëmënec icsambuec chuishumënquido isadaidbon chuiquidon cuidtequid nendac. Utsibic aton matses chieshënquin cuessunnemete bunquin: Shëpi, caquin icsambuen chuishunquido Nuquin Papan chian annëdënquequid nësecaquin cuidtequid nendac.

Mateo 5:29

Min ëshën isquin mimbi icsambuen naic. Ëshë chicshun uannombo neshunac istiapimbo yacbimbuen mimbi icsambuen naid ënta. Ënenquio icquid Nuquin Papan chian annëdënquiacno nësecaquin cuidtequid nendac.

Madcos 9:43

Min mëdanten icsambuen naquin Nuquin Papan Chiaid niaquec mibi icsaic. Mëteshunniac bedtiapimbo yacbimbuen mimbi icsambuen naid ënta. Ënenquio icsho Nuquin Papan ënëdenquio yec chian annëdënquiacno nësecaquin cuidnushe.

Ducas 12:5

Nuquin Papauidtsëqui dacuëdënta. Icsambuen nadennequid icsho aidën mibi cuessunnemeshun chian annëdënquequid nësecaindac. Adoanquiduidtsëqui dacuëdënta.

Ducas 17:2

Adquid icnuc ubi tantiabentsëcquid icsambuen namequin cuëshëdmesho issun cuënote iuëmbocquid tëdectanquin tëtanetanquin acte ëquëducquioshë yacno nënepatecnëdan.

Doma 9:33

Naden chuiquin Nuquin Papan Chiaid dada uapampic: Edusaden yacno cuënote dectanendambi. Aid sec matses tocoshquetanec uebudcuededendac. Nëid tantiaquid icsho cuidenquio icquin ubi yacno tabadmendambi, quequin chuiquin dada uamepampic.

Codinto 1 8:13

Adquid icnuc ambi petemaid pequin cun utsibo icsambuen nametsiambi, queshun pambid penquio iquembi: Ma aidën icsambuen nainquio icnu, queshun.

Cadasia 5:11

Cun utsibo, umbi aidon chiacpaden: Shui dëbid dëtemiaiduidtsëqui Nuquin Papan bëdambuen istsiashe. Dëtemeta, quequin chuiquin Esus chuibanenquio icsho isadaidbon chieshënenquio ictsenoshi. Abi tantiaquid cuidmenquio icnuec cueste napotiaidën diadec Esuquidistu uënëspanëdash, quequin chuibansho mabi chieshëmpaboc.

Petedo 1 2:8

Adembidi naden chuiquin dada uamiampid iquec: Cute mabud iquec, quequin tantienquio yec nidec tocoshquetanec uebudendac, quequin Nuquin Papan dada uamepampic. Aido tocoshquetanec uebudacbimbuen Nuquin Papan Chiaid tantienquio yec cuidadtequid iquec abibi chian annëdënquiacno nidendac.