Mateo 5:23 - El Nuevo Testamento en matsés

²³ Adec chieshëmënquido Nuquin Papan cuidtequido nendac, quequin umbi chuisho tantiashun bëdambuen nata. Nuquin Papa tabadte shubu dapa yacno puduedshun: Ambi chiacpadombuen naquin cuna musuc menenu, mimbi capec. Aden menenumbi mimbi naid tantiata. ¿Ubëd chieshënnambuedta icpec? quequin tantiata.

Mateo 5:23 ပူးပေါင်းရင်းမြစ်များ

Mateo 23:19

Pashuacbimbuen tantienquio icquido mibitedi nec. ¿Mitsicquid bëdambocquid icpec? Nuquin Papa ismequin nëish iua pichicate nacnenaid tapa bëdamboshë icnuc aidën pichicatequid nëish bëdambo ictsec.

Mateo 5:24

Adshun: Ai, ubëd chieshënnambued iquec, queshun Nuquin Papa tantiaquin mimbi bëbued meniabi mibëd chieshënnambued yacno nidash aidbëd bëdambuec onqueta. Adec bëdambuec onquiash bëdambuec isnanash padpidec chouashun Nuquin Papa tantiaquin mitsana meneta.

Mateo 8:4

Aden bëdanmetanquin Esusën: Umbi mibi bëdanmebued utsibo chuibanenda. Adenquio icquin nëish iua cuessunneshun pichicaquid yacno nidshun min dada ismeta. Adembidi Moisesën chiampicpadombuen nanuen Nuquin Papa ismetequid buanec nidta. Ma adosho issun nëish iua pichicaquidon: Aton dada daush daushpambo yec daicsaidquio icbuedi bëdanmiaid nec, quequin ma tantiapanu, quequin Esusën chuipanëdash.

Madcos 11:25

Aden Nuquin Papa chuinuec utsin mibi icsambuen nashunaid tantienquio yec bëshunta. Adsho abucshun isash Nuquin Papa mimbi icsambuen naid tantienquio yec bëshunendac.

Ducas 19:8

Adnubien aton shubu nuntanuësh nidtoash Saqueo: Tantia. Chuinu, Icbo. Nëbi cuna tedbidi bedquin atona nibëdquido tedbidi menebanembi. Adoshombic cun matses: Cuna mimbi ampioc, quesho tantiashun umbi ampiaidbëta daëd daëdquiecnuc daëd uashun icbo menebanuaimbi, quepanëdash Saqueo Esus chiec.