Mateo 5:22 - El Nuevo Testamento en matsés

²² Nadquidotsen cuidtequido nec, quequin chuinu. Tantia. Aton matsesbëd nëishnanash baded bëdanenquio icquid icsho Nuquin Papan cuidtequid nendac. Utsibic chieshëmënec icsambuec chuishumënquido isadaidbon chuiquidon cuidtequid nendac. Utsibic aton matses chieshënquin cuessunnemete bunquin: Shëpi, caquin icsambuen chuishunquido Nuquin Papan chian annëdënquequid nësecaquin cuidtequid nendac.

Mateo 5:22 ပူးပေါင်းရင်းမြစ်များ

Mateo 10:17

Mibi chieshënquido iqueque. Tantechoquiota. Aidon mibi bedshun: Ma cuesmenu, queshun aton chuiquido yacno mibi buanendac. Adoac Nuquin Papan Chiaid chuibante shubu yacnoshon mibi cacuesmendac.

Mateo 10:28

Aden chuibennesho min dadauidtsëqui cuessunnetequid dacuëdënenda. Min mayan uënëstiapimbo icquid icsho nibëdametiapimbo iquec. Min dada uënësambi min mayan abi icsho cuidquin chian annëdënquiacno nësecanquidquio tantiata. Adquid Nuquin Papa icsho dacuëdënta.

Mateo 12:24

Aden chuisho tantiash padiseobo: ¿Aidta nedic? Ma aidpenquio neoc. Podobitsi icsan icbo Bedsebu caidën namiaid icquimbien Esusën podobitsi icsa dapuduenmequin naic, quequin Esus icsambuen chuishumpanëdash.

Mateo 17:5

Adec Petedo onquenubien abu ushu bëchamauanquiec choquidën abitedi bëtimpanëdash. Adnubien abu ushu nënantanuëshquio Nuquin Papa onquiampanëdash: Nëid Umbi tantiaidquio yec Cun Madombo nec. Umbi chiacpadombuen nasho Umbi bëdambuen isaidquio neque. Aidën chuibansho bëdambuen tantiata, quec dacuëdampambuec onquepanëdash.

Mateo 18:21

Adec: Icsa uanec chieshtomianquid iquendac, quesho tantiashumbien Petedon Esus chuipondash: ¿Icsa uanec chieshtomianquid tedentsimbi chieshënenquio icquin ambi icsambuen naid tantienquio yec bëshunquin bëdambuen isuape? ¿7tedembi bëdambuen issun bëdambuen isenquio icquin ënacta bëdambo icpatsiash? caquien

Mateo 18:35

Aden matsesën nacpadombuembidi Nuquin Papan naindac. Utsibon chieshënaqui cuidnanec chieshënnansho issun Nuquin Papan mimbi icsambuen naid tantienquio yec bëshuntiapimbo iqueque. Chieshënnanenda. Mibi chieshënquidobi bëdambuen ista, quepondash Esus.

Mateo 23:15

Ai, Moisesën chiampid tantiamequidobëta padiseobo Nuquin Papan cuidtequido mibitedi nec. Mimbi tantiacpadombuenuidi tantiamenuen mibitedishun matses utsibo chuiben chuibenec. Nidaid utsi utsiec yacno nidshun mimbi chuibennesho tantiaquido mimbi tantiacpadombuen tantiaquido yanec Mayan Icsa Satanasën iuabo yanash Nuquin Papan cuidadtequidombo iquendac.

Mateo 23:33

Adashic abi padiseobo chiec: Nisibimbuecquido yec icsa uanquido mibitedi nec. Adquido icsho Nuquin Papan chian annëdënquiacno nësecaquin mibitedi cuentiapimbo icnuc cuidendac.

Mateo 25:41

Adoshombic Abitedishun Icbombo icquin ubi tantiesabo yec cun copioc tabadquidotsen naden chiendambi: Nuquin Papan cuidtequido icquin mibi icsaid ënte bunenquio icbuedo mibitedi neque. Nuquin Papan Mayan Icsa Satanasbëta podobitsi icsabo cuidacno ënëdenquio yec chian annëdënquiacno nid, caindambi.

Mateo 26:59

Adnubien abëtan chuiquidobëtan Nuquin Papa ismequin nëish iua cuessunneshun pichicaquidon chuiquid tapan Esus cuessunnemete bunquin: Esusën icsambuen nasho isombi, quequin muaquin chuisho tantianuna, queshun chochomiac muaquimbi dadpenshun: Esusën icsambuen nasho isombi, quequin chuibededpanëdash.

Mateo 3:17

Adnubien abucuëshquio Nuquin Papa onquepanëdash: Nëid umbi tantiaidquio Cun Madombo nec. Umbi chiacpadombuen nasho isash bëdambo iquebi, quepanëdash Esus caic.

Mateo 5:34

Utsitsen mibi chuinu: Nuquin Papan tantianubi abimbo chuinu. Umbi chiacpadombuen naindambi, quequin chienda. Adembidi abu chuiquin: Abimbo chuinu, quequin chienda. Abu Nuquin Papa tsadaid neque.

Mateo 5:44

Aden chiaid icnubi utsi mibitedi chuinu. Tantia. Mibi chieshënquidobi bëdambuen tantiaquin nashumbanta. Chieshënaqui: Ubi chieshënquid bëdambuen ista, Papa, quequin Nuquin Papa chianneta.

Madcos 14:55

Adnubien abëtan chuiquidobëtan nëish iua cuessunneshun pichicaquidon chuiquid tapan Esus uënës uamete bunquin: Esusën icsambuen naid chuiquid ¿ada icpec? quequin nibënquin chuiquidon istuidambo icpanëdash.

Madcos 15:1

Badiadbudnubi isadaidbon chuiquido nëidted iccuededpanëdash. Nëidic Nuquin Papa ismequin nëish iua cuessunneshun pichicaquidon chuiquido. Nëidic Moisesën chiampid tantiamequido. Nëidic isadaidbon chuiquid tsësiobo. Aidtedi iccuededec onqueshun Esus mëtaneshun buanshun Doma yacnocquidon chuiquid cobednadod caid Pidato cuëmëdquid menepanëdash.

Ducas 12:5

Nuquin Papauidtsëqui dacuëdënta. Icsambuen nadennequid icsho aidën mibi cuessunnemeshun chian annëdënquequid nësecaindac. Adoanquiduidtsëqui dacuëdënta.

Ducas 22:66

Adashic badiadbudnubi isadaidbon chuiquido nëidted iccuededpanëdash. Nëidic isadaidbon chuiquid tsësiobo. Nëidic Nuquin Papa ismequin nëish iua cuessunneshun pichicaquidon chuiquido. Nëidic Moisesën chiampid tantiamequido. Aidtedishun aton matsesën chuiquidotedi iccuededacno Esus buanshun

Uanën dada uaid 11:47

Adsho tantiatanequien nëish iua cuessunneshun pichicaquidon chuiquido yec padiseobo yec Moises dada uamiampid tantiamequido yec isadaidbon chuiquid utsibo yec quenuc chochomiash tabadec nadec onquecuededpanëdash: ¿Mitsipadotiad? Nuquin matses ismequin nadatiambocquin dadpen nabanac caoshe.

Uanën dada uaid 15:25

Aden ubi chieshënte chuiquin nuquin tsusedpa Nuquin Papan naden dada uamiampid iquec: Ambembi matsesën ubi chieshënec, quequin chiampicpadombuen ubi chieshënec, quepondash Esus.

Uanën dada uaid 7:20

Adsho tantiashumbien ambo tabadquidon: Mayan Icsa Satanasën iua podobitsi icsa dapuduedashien mibi adec onquec nec. ¿Tsutsi mibi cuessunnete bumpec? capondash.

Uanën dada uaid 8:48

Aden Esusën chuisho tantiashumbien cun matses isadaidbon chuiquidon naden chuipondash: Ma mibi Mayan Icsa Satanasën iua dapuduedash neyoc. Samadia yacnocquidobimbuec icsamboshë ma mibi iqueyoc, quequin ubitedishun abimbo caimbi, capondash.

Hechos 17:18

Aden chuibansho tantiash utsi utsiec epicudeobo: ¿Atotsibi cuishoncamepec? quequin chuinëdacpaden tantiaquido Pabadobëd onquepanëdash. Adembidi tantiash estoicobo: Ubi bunactedi dadpen mëmunquin nainquio iquembi, quequido Pabadobëd onqueuapanëdash. Aido Pabadon chuisho tantiate bunenquio yec: Abembi onquecuennequidien nechitec, quenubi utsi utsiec: Matses utsibon papa cain cuënaido chuibanec nepanui, quepanëdash. Pabadon Chiaid Bëda chuibanquin Esus uënësash uincuenaid chuibansho tantiash adpanëdash.

Hechos 22:30

Adshumbic badiadshun ambi shocosh bucu mëtanemebued chicmeshun nëish iua cuessunneshun pichicaquidon chuiquidobëd isadaidbon chuiquid tapabo iccuededacno Pabado buanmepanëdash. ¿Atotsi nasho isash isadaidbo nëid cuessunnete buneque? Tantianu, quequin comandanten Pabado buanmeshun isadaidbo dadpen iccuededacno puduedmeshun nënantanquio Pabado nidtomepanëdash.

Hechos 23:1

Adoaquien isadaidbon chuiquid tapabo iccuededsho isquin naden Pabadon chuipanëdash: Cun utsibo, umbi naid chuibannu. Tantiata. Nuquin Papan isquin tantianubi ambi: Naden nata, quequin chiaid nabanquidquio nebi, quepanëdash.

Hechos 24:20

Adembidi isadaidbon chuiquidon: Pabadon icsambuen nac caosh, quequin aton matsesën chuiquido iccuededacnoshon ubi chuibocpadembidi nëshuntsen adombuembidi chuitiadquidi nec.

Hechos 4:15

Adshun Petedobëta Uan umanuc nidmiash chuiquido nadec onquecuededpanëdash:

Hechos 5:21

Badiadnuc Nuquin Papa tabadte shubu dapa tsicatiaidën puduedshun quënën tsadunmiacsho puduenmiaido Nuquin Papabëd tabadte chuibanuaic tabadpanëdash. Adnubien nëish iua cuessunneshun pichicaquidon chuiquid tapambo yec abëd icquid yec saduseobo yec isadaidbo tsësiobo yec quenuc chochomiash onquecuededshun: Esus chuibennequido ubitedishun quënën tsadunmebuedo bedtan, cac

Hechos 5:27

Aden bëquin chuiquido chuinanec tabadte shubu nuntan chuiquido iccuededacno iuedpanëdash. Aden iuedsho issun nëish iua cuessunneshun pichicaquidon chuiquid tapanquio naden chuipanëdash:

Hechos 6:12

Aden chiac chuiquido yec Moisesën dada uampid tantiamequido yec isadaidbo utsibotedi yec quec nëishcuededshun Esteban bedshun isadaidbon chuiquid tapabo iccuededacno buanshun iuedquin ismepanëdash.

Hechos 6:15

Aden muaquin chuiquin naimbudnubi chuiquid tapabobëtan utsibon Esteban bëisac Nuquin Papabëd icquidën bëtantete isadacbimbuec aton bëtantete uëshëbimbuec chënquesho bëisbededpanëdash.

Hechos 7:37

Aidëmbi naden isadaidbo chuipampic: Iuecquio icshun ubipadquid min madon baban tsiuecquido caidaido abentsëc Nuquin Papan oncamiaidquio iquendac, quequin Moisesën chuipampic.

Doma 12:10

Esus tantiaquid yec utsibobëd tantiananquiota. Ubëtan Esus tantiaquido nec, quiash aidobëd tantiananec bëdambuec isnanta.

Codinto 1 6:10

Utsibic ampequido. Utsibic atona dadpen bunec chieshëmënquido. Utsibic tantiadennuen acte paë uaid actennequido. Utsibic icsambuec chuishumënquido. Utsibic mua uaquin chuiquin utsi ampeshunquido. Adquidotedi Nuquin Papan ambi abucshun namiacno tabadmetiapimbo iquendac.

Codinto 1 6:6

Mibëtan Esus tantiaquid utsibo yacno nidenquio icquimbi cuidte chuiquid Esus tantiesa yacno nidshun adec utsibëd chushcananquid cuidmenuen chuimenda.

Tesadonica 1 4:6

Bëdambuec tabadquid danmianec muaquin mibëtan Esus tantiec iccuededquid chido ompodshon chudenda. Adquid icsho umbi chuibocpaden Nuquin Papan cuidquiendac.

Tito 3:2

Adembidi: Utsi icsambuen chuishunec onquenda. Adecbidi: Utsibobëd tantiananec bëdambuec tabadec menenanta. Adembidi: Umbi tantiacpadombuenuidi nata, quenquio icquin utsibon chiaidtsen tantiaquin nabanta, quequin chuibanta.

Ebedeo 12:25

Aden umbi chuisho tantiashun naden tantiata. Nuquin Papan chiacpadombuen nainquio icmane, queshun aidën chuisho tantiata. Ënden Nuquin Papan: Umbi chuisho tantiata, cac matsesën abi chieshënquin ambi chiacpadombuen nainquiocsho cuentiapimbocnoc Nuquin Papan cuidpampic. Adembidi nëbi abi yacno abucshun chuimesho tantiashumbi ambi chiacpadombuen nainquiocsho Nuquin Papan cumapenen cuiduaindac.

Ebedeo 5:9

Aden tantiabenash matsesën icsambuen naid bedshunash abided cuidadquid icquin matses Nuquin Papan chiacpadombuen naquido Nuquin Papa yacno ënëdenquio icnuc tabadmequid yanquiopanëdash.

Santiaco 2:20

Tantiesabimbuecquid iquenda. Nuquin Papa tantiaquid nebi, quequid icquimbi bëdambuen nabanquin ismenquiocquid uënësacbimbuen tantienquiocquid nendac.

Santiaco 3:6

Cute nëdënquequidbimbuecquid ana nec. Icsambuen chuibanec onquequin nabanec aton dada icsabudquin utsibo icsamequiendac. Adquid Satanasën namiaid iquec adequi icsate bunec abibi cuidadtequido nendac. Icsambuec chuishumënquid icsambuec tabadquid nendac.

Petedo 1 2:23

Adquid icsho abi chieshënquidon mamënshunaqui cuidquin chushcainquio icpanëdash. Aidon natiamequin mëyanaqui: Mibitsen cuidendambi, cainquio icpanëdash. Adenquio yec nadpanëdash: Nuquin Papan matsesën naidtedi tantiaquid icquin bëdambocquido abëdi tabadmequin icsambocquido cuidquin chian annëdënquiacno ma nidmepanu, quiash chieshëmënenquio icpanëdash.

Petedo 1 3:9

Chieshënac cuidnanec chieshënnanenda. Chieshënquin icsambuen chuishunac cuidnanec icsambuec chuishunnanenda. Adenquio icquin aido bëdambuen ista. Umbi bëdambuen isaidon ma aton matses bëdambuen isnu, queshun Nuquin Papan abi tantiaquido mibi icmiaque. Bëdambuec tabadta.

Uan 1 2:9

Esuquidistu tantiaquid yec bëdambuec tabadquid nebi, queshumbi abëtan Esus tantiaquid utsi chieshënquid inchëshën icacbimbuen abi icsambuen nabanquid nendac.

Uan 1 3:10

Nuquin Papan: Cun bacuëbo nec, caido adquid nec, quequin nuqui tantiec. Adembidi Mayan Icsa Satanasën namiaidotsen nuqui tantiauaic. Nuquin Papan Chiaid niacquidën utsibo tantienquiocquido Nuquin Papan: Cun bacuëbo nec, caido ictiapimbo iquendac.

Uan 1 5:16

Mibëtan Esus tantiaquidën icsambuen naic uënësenquio icsho issun Nuquin Papa chuita: Mibëd tabadtequid icmeuaquin bëdambuen isuata, Papa, quequin chiac Nuquin Papan bëdambuen isuaindac. Padnuen utsi icsambuen naic uënësso issun: Mibëd tabadme, quequin Nuquin Papa chienda.

Udas 1:9

Nuquin Papabëd icquidon chuiquid tapa icquin Miquedën adotiapimbo icpampic. Aidi Moises uënësacsho isash: Chococanu, quesho tantiashumbien Mayan Icsa Satanasën: Umbiquien bednu, catuidpampic. Adoac: Icsambocquid mibi neque. Cuidnu, cainquiocquin Miquedën: Nuquin Papambi ma mibi chushcapanu, capampic.

Esusën Uan ismiaid 20:14

Adshumbic uënësmiantequid caid chian annëdënquequid yacno nëneposh. Aid chian padpidec uënëstequid caid neposh.