Mateo 5:17 - El Nuevo Testamento en matsés

¹⁷ Nadentsen Esusën chuipanëdash: Umbi chuibansho tantiashun: Nuquin Papan Chiaidquio chienquio iquec, quequin tantienda. Nuquin Papan Moises dada uamiampidbëta ambi oncamiaidon dada uamiampid chienquio icquin utsi uapec, mimbi ubi capec. Mambi utsi uainquio icpayoc. Nuquin Papan Chiaid utsi uainquio icquin ambi chiactedimbo nanuec chobique.

Mateo 5:17 ပူးပေါင်းရင်းမြစ်များ

Mateo 3:15

En na. Bëdambo iquec. Ubi mentoquin mimbi Nuquin Papan chiacpadombuen bëdambuen natsiaque. Ubi acten mento, quesho tantiashun Esus mentopanëdash Uanën.

Mateo 7:12

Nuquin Papa tantiaquido icquin utsibo tantiaquin bëdambuen nashunta. Utsibo caic: Aidon ubi nashumpashun, quequin mimbibi otacquio tantiacpadombuembidi utsibotsen nashunta. Aden Nuquin Papan Ambi Chiaid Moises dada uamiampidbëta ambi oncamiaidon dada uaquin chiampicpadombuen mimbi natsiaque. Aden utsibo nashunta, quequin Esusën chuipanëdash.

Ducas 16:17

Abubëd nidaid ënëdtequid icnuc Nuquin Papan: Naden nata, quequin chuiquin Moises dada uamiampidtedi utsi uatiapimbo iquendac, quepanëdash Esus.

Uanën dada uaid 8:5

Nuquin Papan Chiaid Moisesën naden chuiquin dada uapampic: Aton bënëpenquio chudmequid cuënoten sesequin cuessunnequid, quepampic. ¿Adembidida mimbi tantie? quepondash chido bëquido Esus caic.

Hechos 18:13

Ambo bëquin puduedmiash: Nuquin Papa tantiata, quequin ubitedishun cun tsusedpabon: Naden nata, quequin chiampid chienquio icquin utsi uain icsambuen nëid dadan chuibanosh, quepanëdash Pabado chieshënquido.

Hechos 21:28

Isadaidbotedishun tantiata. Nëid dada: Isadaidbon icsambuen naic, quequin: Nuquin Papan: Naden nata, quequin Moises chuiquin dada uamiampid icsambo icquid nec, caosh. Adembidi Nuquin Papa tabadte shubu dapa icsambo iquec, quequin chuiquid icquin Nuquin Papa tabadte shubu dapan puduedtemaid isadaidpembo iuedquin nëid shubu bëdamboshëcquid icsa uamebued neque. Bednu. Uidën uata, quec abimbo chiacbimbuec cuëdcuededpanëdash.

Hechos 6:13

Ashunquio dada utsibo chiec: Muaquin chuita, cabuedon naden chuibededpanëdash: Nëid dadan Nuquin Papa tabadte shubu dapabëta Nuquin Papan Moises dada uamiampid ënenquio icquin muaquin icsambuen chuishunosh.

Doma 10:4

Ënden Nuquin Papan: Naden nata, quequin chiacpadombuen matsesën nasho bëdambuen isembi, quedennedëmbi nëbi Esuquidistu tantiasho Nuquin Papan ambi chiampicpadombuen matses icsaisabimbuecnuc bëdambuen isendac.

Doma 3:31

Adoaid yec: Nuquin Papan: Naden nata, quequin chuiquin Moises dada uamiampid niac niaquec icsambuec tabadnuna ¿quecta icpec? Padenquio. Adenquio icquin Esus tantiaquin Nuquin Papan: Naden nata, quequin chiacpadombuen natiadquio nuqui yanendac.

Doma 8:4

Nuquin Papan Moises chuiquin dada uamiampid bëdambuec tabadmianquid icnuc aidën chiacpadombuen naic nuquitedi bëdambuec tabadtsiac. Nuquitedi matses yec uidëmpentsëcquio icquid icquin icsambuen nateuidi bumbuedi Nuquin Papan Mayan Bëdan tantiamiacpadec bëdambuec tabadendac.