Mateo 4:24 - El Nuevo Testamento en matsés

²⁴ Adosho istanquin: Bëdanmequidquio nec, quequin isbuedon nidaid cuëshë Sidia cacnoshon Esusën naid chuibennepanëdash. Aden chiac nëidtedi bëbëpanëdash. Daicsaido yec nënquido yec podobitsi icsa dapuduedaido yec uëdëquec uënësannequido yec dada shëquëquenquio icquido yec quenuc bëbëacsho issun aidtedi Esusën bëdanmebampanëdash.

Mateo 4:24 ပူးပေါင်းရင်းမြစ်များ

Mateo 12:22

Adnubien: Ma Esusën bëdanmenu, queshun bëshuash onquesa bëpondash. Aidi podobitsi icsa dapuduedshun bëshu uain eme uaid yec onquesa nepanëdash. Adquid icshobien Esusën podobitsi icsa dapuduenmepondash. Adoac isbenequi onquiampondash.

Mateo 14:1

Adnubien Edodes Antipas cuëmëdquid nidaid cuëshë Cadidea yacnocquidon chuiquid tapa icpanëdash. Aidëmbi Esusën nadatiambocquin nabanaid chuisho tantiapanëdash.

Mateo 15:22

Adnubien ambocquid chido cananebo icquid yec Esus yacno choquin cuëntuidpondash: Icbo, Dabidën Mado caid icquin ubi bëdambuen tantiaquin nashunta. Cun champi podobitsi icsa dapuduedshun natiamequin mëyadmequioshe. Cun champi bëdanmeta, capondash.

Mateo 17:15

Cun mado bëdambuen isquin bëdanmeta, Icbo. Baded badedquiec uënësannec cute nëpaëdec pichiquianniosh. Adecbidi acte nëpaëdtedniosh.

Mateo 17:18

Adoac bësho istanquin Esusën podobitsi icsa chushcapondash. Padi. Dapuduen, cac podobitsi icsa dapuduennubi madompi bëdampondash.

Mateo 4:23

Adashic aton nidaid Cadidea yacnobi capucuennequin Nuquin Papan Chiaid chuibante shubun shubunquiec puduedcuennequin Esusën: Nuquin Papan namiacno tabadte iquec, quequin Chiaid Bëda chuibennepanëdash. Adshumbic daicsaidobëtabi nënquido bëdanmebampanëdash.

Mateo 8:28

Aden chian potiash pudundonobien nidaid Cadada yacnocquid podobitsi icsa dapuduedaid dada daëd choec Esusën dayun chopanëdash. Aid daëdi uënësaido chococaid shëcuëmbi tabadec uidënquiocquido nepanëdash. Matses cuessunnete bunquiec dacuëdampambo icsho isash aid podquiedën matses capuenquio icpanëdash.

Mateo 8:33

Adsho istanequien chanchu pemequin isquido aton matses chiec titinquianec shubu dadpen yacno nidannepanëdash. Ambo nidshun chanchu mentoadbudnebuedbëta podobitsi icsabo dapuduenmebued uesquin chuituidpanëdash. Nuqui dacuëdëmbuedobi bëdambo yanosh, quequin chuituidpanëdash.

Mateo 8:6

Icbo, cun shubun icquid cun iua natiambo yec shëquëquenquio iccosh,

Mateo 9:26

Adsho issun: Champi uënësaidi uincuenmiosh, quequin ambocquidobëtan Capednaun yacno pauequidtedishun tantianuc chuibennepanëdash.

Mateo 9:35

Aden onquesa bëdanmianec nidash shubu daëdpactsëcquidbëd shubu dadpen icquid yacno yacnombuec capucuennequin Nuquin Papan Chiaid chuibante shubun puduedcuennequin: Nuquin Papan namiacno tabadte iquec, quequin Chiaid Bëda chuibennepondash. Adshumbic ambocquido daicsaidobëta nënquidotedi bëbëacsho bëdanmebampondash.

Madcos 1:28

Aden isanec nidanneshun Esusën nabanaid ambi isbued chuibampanëdash. Aden chuibansho aid nidaid cuëshën icquid Cadidea yacno tabadquidon tantiabededpanëdash.

Madcos 1:32

Adnubien inchëshbudtsëqui Capednaun yacnocquidon daicsaidobëta nënquido bëbëpanëdash. Adembidi podobitsi icsa dapuduedaidtedi Esus yacno bëbëpanëdash.

Madcos 2:3

Adnubien dada 4tedshun dada shëquëquenquio icquid nandoten nandoshon bëec chopanëdash.

Madcos 2:4

Chochoshon matses tsucus tsucustsëcquio yec tabadsho istanquin shubu cacho padapadacquid yacno dectatoten dectatoshon macano nacnenaid chictanquin Esusën dayunquio dada shëquëquenquio icquid nandoten nandoaid imbudpanëdash.

Madcos 2:9

Umbi: Mimbi icsambuen naidtedi tantienquio yec bëshunobi, quequin dada shëquëquenquiocquid chuinuc ¿bëdantequidpenquioda nedic? Adembidi umbi: Nidtoshon mibi imbudbued nandote chiadtoshon buanec nid, quequin chuinuc ¿bëdantequidpenquiobidida neuadic?

Ducas 2:2

Adquid icnuc tauambuen naquid nidaid Sidia caid yacnocquidon chuiquid tapa cobednadod Quidinio cuëmëdquid icpanëdash.

Ducas 4:14

Adashic Nuquin Papan Mayanën nadatiambocquin tantiamiaidquio yec nidaid Cadidea yacno Esus chopanëdash. Adec chouacsho issun: Nuquin Papan Mayan Bëdan tantiamiaidquio nec, quequin abi isquidon chiac dadpenshun tantiapanëdash.

Ducas 4:38

Adashic Nuquin Papan Chiaid chuibante shubu yacnouësh puduenanec nidec Simonën shubu yacno Esus puduedpanëdash. Adsho issun: Simonën nachi nëncuenash chumboshë iqueque. ¿Ada aid bëdanmetsia? caquien aid mamishec:

Ducas 5:15

Adnubien Esusën bëdanmesho isquidon chuibanac matses dadpen Esusën chuibansho tantianuec chochopanëdash. Adecbidi daicsaidobëd nënquido bëdannuec chochoacsho Esusën bëdanmebampanëdash.

Ducas 5:24

Istac. Mibi ismenu. Matsesën Tishaid iquequi nidaidënuësh Nuquin Papan namiaid yec icsambuen naidtedi tantienquio yec bëshunquid nec, quequin mabi tantianu, quetanquin dada shëquëquenquiocquid chuiquin: Nidtoshon mibi bëbued nandote chiadtoshon buanec min shubuno nidec nid, capanëdash Esusën.

Ducas 7:17

Aden isash nidshun uënësaid uincuenmiaid isquidon chuibansho nidaid cuëshë Udea caid yacnocquidon tantiabededpanëdash. Adembidi aid nidaid cuësquiacno icquidontsen tantiauapanëdash.

Uanën dada uaid 10:21

utsibo: Mayan Icsa Satanasën iua dapuduedashta ¿adec onquepatsiash? Ma bëdambuec onquepaboc. Mayan Icsa Satanasën iua podobitsi icsa dapuduedaidën aden bëshuaid bëdanmenquio ictsenosh, quepanëdash.

Hechos 10:38

Ma abëd tabadnu, queshun Nuquin Papan aton Mayan Bëda meniac nadatiambocquin Esusën nabampondash. Shubu daëdpactsëcquid Nasaded yacnouësh caniquid yec capuquin bëdambuen nabanquin Mayan Icsa Satanasën mëyanaido icsho Esusën bëdanmebampondash. Aden Nuquin Papabëd icquin aidën nabanaid chuisho mimbi tantiapanëdac.

Hechos 15:23

Isadaidpembo chuiquin Edusaden yacnoshon Esus tantiaquidon naden dada uapanëdash: Esus chuibennequido yec Esus tantiaquidon chuiquid tapabo yec min utsibo Esus tantiaquido yec quec Edusaden yacnocquido nebi. Mibi cun utsibo nec. Isadaidpembo Esus tantiaquido Antioquia yacno tabadquido yec nidaid Sidia yacno tabadquido yec nidaid utsi Sidisia yacno tabadquido yec quesho mibitedi tantiembi, quequin chuiquin dada uaombique. Isec onqueta.

Hechos 15:41

Adec nidec nidaid Sidia caid yacno nidash capucuennequin Esus tantiaquido bëdambuen tantiamenuen chuibampanëdash. Aden chuibenneshumbic nidaid Sidisia yacnotsen nidshun Esus tantiaquido chuiquin: Adembidi Esus tantianuna, quequin Pabadon chuibanuapanëdash.

Hechos 28:9

Aden: Aidën bëdanmiosh, quesho tantiash Madta caid yacnocquido nënquidobëd daicsaido chochopondash. Ubitsen bëdanmetsiash, quiash chochoacsho aidotsen bëdanmepondash.

Hechos 8:7

Aidëmbi nadatiambocquin nabanac podobitsi icsa dapuduedaid icsho dapuduenmiac sidquianec cuempanëdash. Adembidi dada daicsash shëquëquenquiocquidbëta tidinquequido Uedipen dadpen bëdanmebampanëdash.