Mateo 27:66 - El Nuevo Testamento en matsés

⁶⁶ Adoaquien Pidaton namiaido sondado buanshun: Cuënote dapa bëtashaid bucun bëbitaccameta, capanëdash. Aden bëbitaccaid isash: Chuiquid tapan bëbitaccamiaid nec. Cuidnushe. Esus chictiapimbo iquebi, ma quenu, queshun bucun bëbitaccapanëdash. Adoshon: Beduannushe. Isquiec databëdta, quequin sondado chuipanëdash.

Mateo 27:66 ပူးပေါင်းရင်းမြစ်များ

Mateo 27:60

Adotanquimbic nidaid cuënoteuidpambo icquid macuësh tsimpiduc ambi uëdëshcamiaid shëcuë chucanquio Osen Esus nauedpanëdash. Adotanquimbic cuënote dapabidi bëtashte uaid bincumbëshun bëtashanec Ose nidpanëdash.

Mateo 27:65

Adoaquien Pidaton: Ai, cun sondado buantan. Aden buanshun: Uënësaid nauedaid cudasquin isec databëdta, cata, capanëdash.

Mateo 28:11

Aid chidobo nidnubien Esus nauedaid isquido sondado abi chomebuedo Nuquin Papa ismequin nëish iua cuessunneshun pichicaquidon chuiquido chiec nidpanëdash. Nuquin Papabëd icquid chonoc Esus uincuembued chuituidpanëdash.

Mateo 28:2

Nidash isec tabadnubi nidaid cumapenec ishcudpanëdash. Adnubien Nuquin Papabëd icquidquio abucuësh budtanquin cuënote dapa bëtashaid shëcbentanec aidëmbi matsadtopanëdash.

Madcos 16:4

Adec onquenidquimbi cuënote dapan bëtashbued shëcniacsho istuidpanëdash. Aid cuënote dapa nuamboshë yec iuëmboshëcquid nepanëdash.

Uanën dada uaid 20:1

Esus chococan daëdec ushash dominco uëshë badiadnuc ënden inchësh inchëshquio icnubi Madia Macdadena Esus chococacno isec nidpanëdash. Nidshun isaquien shëcuë bëtinaid cuënote dapa bëcunnepambuen shëcniacsho istuidpanëdash.

Timoteo 2 2:19

Padnuen shubu uanun buintad nitsinacbimbuecquid Nuquin Papan Chiaidquio nec. Aidi Esus tantiaquido uidënquio icmete nec. Ambi dada uamequin chiampid nad iquec: Abi tantiaquido Nuquin Icbon tantiec. Adquid icnuc abi tantiaquidon: Cun Icbo nec, queshun ambi icsambuen naid ënendac, quequin chuipampic.

Esusën Uan ismiaid 20:3

Adotanquin aidën iuabo tabadacno shëcuë ëquëducquiocquid anneposh. Adoshombic puduentiapimbo icnuc chuiquidën dada uaid bëbitaccaquin shëcuë bëtashquioposh. Seta dadpenquio midtedi matanmeshun bëtashaid chicquin badedquio puduenmenumbi adoposh. Aden seta midtedi matanmiabi icquin abi uidën uactedembi nidaid utsi utsiec yacno tabadquidtedi matses mua uaquin icsametiapimbo iquec, queshun chicten bidiacquin uidën uaquioposh.