Mateo 27:54 - El Nuevo Testamento en matsés

⁵⁴ Nidaid uëdëquec ishcudnuc dacuëdampambo icsho isashien Esus isec tabadquido sondado aton chuiquid capitambëdi dacuëdtanec: Ma nëid dada Nuquin Papan Madombobi nepayoc, quecuededpanëdash.

Mateo 27:54 ပူးပေါင်းရင်းမြစ်များ

Mateo 26:63

Adoac ëcbedenquio yec otacquio icpanëdash. Adshobien nëish iua cuessunneshun pichicaquidon chuiquid tapan: Nuquin Papa uënëstiapimbocquidën cuidnushe, queshun abimbo chuita. ¿Nuquin Papan Chomiaidquio Quidistu caid yec aidën Madombobida mibi nepe? caquien

Mateo 27:36

Adash: Esus uënësso isnu, quec sondado tabadcuededpanëdash.

Mateo 27:40

Nuquin Papa tabadte shubu dapa chic chictanquin daëdec ushquin nacnenuaquin nainendambi, quiondaid yec uënësenquio yec bud. Nuquin Papan madombo yec auëshquiobi mibibi bud, cabidannepanëdash.

Mateo 27:43

Nuquin Papa tantiaquid yec aton Madombo nebi, quequid icsho: Ai, cun madombo nec, quequin Nuquin Papan budmiac uënësenquio icsho isnu, quecuededpanëdash.

Mateo 27:51

Adec Esus uënësnubi Nuquin Papa tabadte shubu dapa yacno: Quënë ëquëduc Nuquin Papa tabadtembo nec, caidën utsi puduednushe, queshun dashcute dapa ënapen icquid dectanaid abucuësh budec tembi daëdquio canchedbudcuempanëdash. Adnubic nidaid ishcudquidën cuënote dapa dadpen cuëshëdbudnepanëdash.

Mateo 4:3

Adec bunec tsadshobien Mayan Icsa Satanasën istuidpanëdash. Aden istuidtanquimbien: Nuquin Papan madombo icquin penun nëid cuënotebi: Pete icta, cata, capanëdash.

Mateo 8:5

Shubu dadpen icquid Capednaun yacno nidash Esus tabadpanëdash. Adnubien Doma yacnoquid sondadon chuiquid tapa capitan caidën naden Esus chuituidpanëdash:

Madcos 15:39

Aden bëisec nidnubi Esus cumapenec cuëdec uënësso isash: Abimbo chuiquid niosh. Ma nëid dada Nuquin Papan Madombobi nepayoc, quepanëdash Doma yacnocquid sondadon chuiquid capitan caid.

Ducas 22:70

Adsho tantiashumbien: Nuquin Papan madombobi nebi ¿quecta ique? caquien Esusën: Ai, mimbi chuibocpadquid nebi, quepanëdash Esus isadaidbon chuiquido caic.

Uanën dada uaid 19:7

Adoaquien isadaidbon chuiquidon Esus bëquidon: Cun matsesën: Nuquin Papa mua uaquid cuessunnequid yendac, cacpadombuen natiadquio iquebi. Nuquin Papan Madombo nebi, quec Esus abibi mua uadoshe. Uënës uaquimbien ictiad, quecuededpanëdash.

Hechos 10:1

Adnubien shubu dadpen icquid Sesadea caid yacno Codnedio cuëmëdquid isadaidpembo nidaid Itadia caid yacnouësh choash ambo tabadpanëdash. Aidi Doma yacnocquid sondado dadpen 400tedshun chuiquid sentudion caid nepanëdash.

Hechos 2:37

Aden Petedon chuisho tantiash iccuededquido ambi icsambuen naid tantiec uënësquio yec: Esus tantianu, quequin ¿atotsimbi nape? quepanëdash Petedobëta Esusën: Ubi chuibenneta, caido utsibo chiec.

Hechos 21:32

Nëmbo icquido cuesnannushe, queshun aton chuiquidbëtabi aton sondado dadpen chochomiash aidobëd titinquianec chochosho issun Pabado cuesbededquin isadaidbon ëmpanëdash.

Hechos 23:17

Adoaquien Pabadon sondadon chuiquid capitan caid naden chuipanëdash: Cun piac comandantebëd onquete buneque. Aid yacno buantan, capanëdash.

Hechos 23:23

Aden Pabadon piac nidmeshun sondadon chuiquid capitan daëd chomiash comandante nadpanëdash: Inchëshën 9 yannuc shubu dadpen icquid Sesadea yacno ma mibëdi mimbi namiaid sondado 200ted nidnu. Mitsana buannuen nacnenta, cata. Adombuembidi cabachu catsadquid 60ted icquido chuiquin: Nidnun nacnenta, quequin chuiuata. Adombuembidi shocosh sianten senu, quequin sananquid 200ted icquido chuiquin: Nidnun nacnenta, quequin chuiuata.

Hechos 27:1

Aden Uestobëtan Aquidipan: Nidaid Itadia caid yacno buanmenuna, queshun sondadon chuiquid capitan Udio cuëmëdquid naden chuipanëdash: Pabadobëta mëtaniaido utsitedi buanec nidta, cac buanec puduampondash. Aidi aton sondadobëta chuiquid tapambo empedadodën namiaido nec, quequin cuënaid nepondash.

Hechos 27:43

tantiash: Pabado cuessunnenushe, queshun: Padi ¡Chën! capondash sondado chuiquid capitanën. Aden chuishumbic: Acten tantanec mëquiadquido tantanec abia nidaid yacno nidannenubi

Doma 1:4

Aidi abipadquid yec icsambuen naisa yec uënës uacsho Nuquin Papan uincuenmeshun ambi namiacpadombuen aton Mayanën aton Mado Esuquidistu nadatiambocquid icmepanëdash.

Esusën Uan ismiaid 11:13

Aid daëd abuctosho isec tabadnubi nidaid saca sacaquembuec cumapenec ishcudamposh. Adec nidaid ishcudnubi shubu dadpenquioshë chimeshadbudnposh. Adec chimeshadbudnequin matses catashquin dadpenquio 7midted uënës uabudneposh dadpen padabicnuc. Adnubien uënësabi icquido cumapenec dacuëdcuededendac. Dacuëdcuededequi: Abucquid Nuquin Papa nadatiambocquidëmbien nachitec. Aidquien tantiatiad, quecuededendac, quequin Nuquin Papabëd icquidën chuiposhi.