Mateo 27:19 - El Nuevo Testamento en matsés

¹⁹ Adashic matses icsaido cuidte chuinuec tsadte dapan abucquio tsadtopondash Pidato. Adshobien iuan naden chuituidpanëdash: Min chidon: Naden chuitan, cac chobi. Esus caic: Aid dada bëdambocquid neque. Uënës uamenda. Dacuëdampambo icsho ushquin isombique. Uënës uamenda, quiosh, quequin chuituidpanëdash.

Mateo 27:19 ပူးပေါင်းရင်းမြစ်များ

Mateo 1:20

Aden Osen tantiasho Nuquin Papan abëd icquid budmiaidën naden chuiquin Ose ushquin ismepanëdash: Dabid yampidën tsiuecquid icsho mibi chuinu. Tantia, Ose. Chudenquio icquin Nuquin Papan Mayan Bëdan Madia bacuë usundomiaque. Dacuëdenda. Dacuëdenquio icquin Madia min chido icmequin min shubuno buanta.

Mateo 2:19

Iuecquio ictanniashic isadaidbon chuiquid tapambo Edodes uënëspanëdash. Adambic nidaid utsi Equipito yacno tabadsho Nuquin Papabëd icquidën Ose ushquin ismequin naden chuipanëdash:

Mateo 2:22

Aton nidaidën nidshun aton matses: Udea yacnocquido Edodes padon mado Adquedayo cuëmëdquid chuiquid tapa icsambocquidbidi nec, quesho tantiashien Ose dacuëdtampanëdash. Adshobien Nuquin Papan Ose ushquin ismequin naden chuipanëdash: Cuessunnenushe. Min nidaid Udea caidën nidenda, quequin ushquin ismiac isucunanec aid nidaid Isadaid caidëmbidi nidec aid nidaid cuëshë utsi Cadidea caidën nidpanëdash.

Mateo 27:18

Naden tantiaquin Pidaton chuipanëdash: Esus chieshënquidon: Ubi chuiquid tapa icmenquio icquin Esus chuiquid tapa icmenushe, queshun chieshënquin isadaidbon chuiquidon Esus uënës uamete bunec, quequin Pidaton aden chuipanëdash.

Mateo 27:24

Adsho: Padi icnuna, caqui niacbidanquiec adequi uënës uamete bunquiec cuesantiadpambo yansho isash: Acte bec cho, quepanëdash Pidato. Bëacsho tasun dapan acte cushtotanec mëpamëdquin abitedi ismepanëdash. Adashic Esus caic: Nëid uënës uametiapimbo iquebi. Nëid uënës uamete bunec mibitedi cuidadtequidombo nendac. Mëpamëdec bëchish ucudacbimbuec mimbi icsamebued ucudebi, quiash mëpamëdquin ismepanëdash Pidaton.

Mateo 27:4

Nidshumbic chuiquido naden chuituidpanëdash: Cuessunnemenuen bëdambocquidi mibi bedmec icsachitobi. Nëid mimbi menebued mibi menenuec chobi. Në bed, caquien chuiquidon: Padi. ¿Atotsieshun nai? Ma mimbi bedmepaboc, quepanëdash Udas caic.

Ducas 23:41

Icsambuen nabansho cuidaid nuqui daëdi nec. Nëid dada icsambuen naisa icshobi cuidenquioctiadquidi naic, quepanëdash.

Ducas 23:47

Adec Esus uënësso isash ambi isbuedtedi tantiaquin Nuquin Papan naid chiec sondadon chuiquid capitan: Abimbo chuiquid niosh. Nëid dada bëdambocquid niosh, quepanëdash.

Uanën dada uaid 19:13

Adsho tantiashun Esus puduenmeuatanec cuënote nacnenaid abuc tsadunaidën cuidte chuinuec tsadten Pidato tsadtopanëdash. Aid cuënote nacnenaid cuënquin cun onqueten Cabata capondash.

Hechos 12:21

Adoaquien Edodesën: Umbi chiaid uëshën ma chouanu, quiosh Edodes, quequin chuita, cac chochoquido Bedaston chuipanëdash. Aden chiac Edodes onquesho tantianuec ambi chiaid uëshën matses dadpen chochonobi Edodes dashcute nacnacquiocquid dasiuidash chuiquid tapan tsadten abuc tsadtoash onquiampanëdash.

Hechos 18:12

Adnubien aid nidaid cuëshë Acaya caid yacno Cadion cuëmëdquid chuiquid cobednadod icnubi Acaya yacnocquido isadaidbo dadpenshun: Pabado icsambo iquec, queshun bedshun cuidte chuiquid yacno Pabado buampanëdash.

Hechos 18:16

Aden chuishumbic Cadionën ambi namiaido: Aidtedi umanuc puduenmeta, cac Pabado bëbuedo isadaidbo puduenmepanëdash.

Hechos 18:17

Adoac puduenshun Nuquin Papan Chiaid chuibante shubun iccuededquidon chuiquid Sostenes cuëmëdquid bedshun isadaidbon cumapenen cuesbededpanëdash. Adosho isec mimbi: Icsambuen naic, quenquio yec Cadion otacquio tsadpanëdash.

Hechos 25:10

Adoaquien Pabadon: Doma yacnocquidon chuiquid tapambo empedadod caid Sesadën: Mibi yacnocquido cuidte chuiquid icta, caid icquin mimbimbo umbi naid chuisho tantiashun ubi cuidte chui. Isadaidbo icsambuen nambo iccombi. Abimbo Pabadon chiec, quequin mimbi tantiec.

Hechos 25:17

Aden chiac nëmbo aido chochoaid badiadash abi chushcaid aidon chuisho tantiec tsadnuec cuidte tsadte dapan tsadtoshon Pabado bëmiombi.

Hechos 25:6

Adashic 9tedec ushash Edusaden yacnouësh puduanec nidec Uesto Sesadea yacno padpidec chopanëdash. Adashic badiadash matses chushquiaid tantiec tsadte dapan tsadtoshon Ueston isadaidbo tabadnubi Pabado bëmepanëdash.

Petedo 1 2:22

Esuquidistu muesambo yec icsambuen naisambo nepondash.

Uan 1 2:1

Mibitedi cun bacuëbobimbuecquido icsho: Icsambuen naic tabadnushe, queshun chuiquin dada uaimbique. Isec onqueta. Nuqui icsambuen nasho issun Esuquidistun Nuquin Papan chiacpadombuen naquid icquin Nuquin Papa chiendac. Ubi tantiaquidën icsambuen naid tantienquio yec bëshunta, quequin Esuquidistun chiendac.