Mateo 27:15 - El Nuevo Testamento en matsés

¹⁵ Min tsusedpabon: Ma cun mado uënësmenquio icnu, queshun obeca caniactsëc cuessunniampid tantiate uëshën setan setanquien quënën tsadunmiaid isadaidbo icsho abentsëc Pidaton puduenmedednec. Adshun: ¿Tsutsi abentsëquimbi puduenmepe? cac isadaidbon chiacpadquid abentsëc puduenmepadednec.

Mateo 27:15 ပူးပေါင်းရင်းမြစ်များ

Mateo 26:5

Nuquin matses obeca pec tabadnuc bedmenquien ictiad. Esus bëdambocquidi bedec, queshun obeca pec chochoaidon nuqui cuestsiash, quecuededpanëdash.

Mateo 27:16

Adoaid icnuc chieshëmënquidquio icquin ambi icsambuen naid matses dadpenshun tantiaid icsho Esus cashumbic Badabas quequin cuënaid quënën tsadunmiaid icpanëdash.

Ducas 23:16

Aden tantiaquin cacuesquin mëyanmeshun nidmembi, quepanëdash isadaidbo chiec.

Ducas 23:17

Aden chiac naden isadaidbon tantiapanëdash: Setan setanquien icsambocquid cun matses quënën tsadunmiaid abentsëc ambi chicmianniacpaden nëbi adquid utsi Pidaton chicmetsiash, quequin tantiec isadaidbo nadec cuëdcuededpanëdash:

Ducas 23:18

Mimbi Esus caid uënës uamequin mimbi quënën tsadunmenëdaid Badabas cuëmëdquid chicquin puduenmeta, cabededpanëdash cumapenec cuëdcuededquin.

Uanën dada uaid 18:16

Aden ubi puduedmequimbi Petedo ambi isacmaid icsho puduedmenquio icpondash. Adsho istanquin shëcuë isquid chido chuiquin: Ubëd icquid neque. Shëcneshun. Ma puduednu, capondambi.

Uanën dada uaid 19:16

Adoaquien aidon chiacpaden: Esus buanshun cueste napotiaidën dectanquin uënës uatan, Pidaton cac sondadon buampanëdash.

Hechos 24:27

Adashic seta daëd matanmiash Podsio Uesto cuëmëdquid cobednadod yampanëdash. Aid cobednadod yannuc nidnu, quequin: Nidta, cainquiocquin Uedisën abi Pabado quënën tsadnubi naden tantiaquin niampanëdash: Pabado quënën tsadunaid ma adequi icnu, quequin umbi nianacsho isash: Bëdambocquid nec, quequin isadaidbon ubi chuibededtsiash, quequin tantiaquin Uedisën Pabado niampanëdash.

Hechos 25:9

Adoaquien: Edusaden yacno buanac amboshon adombuembidi isadaidbo chuiquidon chiaidbëta mimbi naid chuimeuanun ¿adambi mibi ambo buanmepe? quepanëdash Uesto Pabado chiec. Aden buanmesho isadaidbon bëdambuen istsiashi, quequin tantiec Uesto adpanëdash.