Mateo 26:47 - El Nuevo Testamento en matsés

⁴⁷ Aden chuinubien Esusbëd icbued Udasbëd matses dadpen chochopondash. Aido utsi utsiec chështe sanambededtsëquiec chonobi utsibo cueste sanambededtsëcquiec chochopondash. Nuquin Papa ismequin nëish iua cuessunneshun pichicaquidon chuiquidobëtan cun matses tsësiobon: Bedtan, cac chochopondash.

Mateo 26:47 ပူးပေါင်းရင်းမြစ်များ

Mateo 26:14

Adnubien abëd icquid abentsëc Udas Iscadiote cuëmëdquid nëish iua cuessunneshun pichicaquidon chuiquido yacno isec nidpanëdash.

Mateo 26:46

Baded nidnu. Isucun. Ubi chieshënquin bedmequid choeque. Is, quepondash Esus Udas chosho isash.

Mateo 26:48

Esus bednu, quequido tantiamequin chuiquin Udasën: Umbi tanchoccaid mimbi bedtequid neque. Aidquiobi bedshun buanta, queshun

Mateo 26:55

Adshumbic abi bedquido chiec: ¿Ampec cuesanquid Esus nec, queshunda cuestebëta chështe sanambededtsëquiec ubi bedec chocho? Mambi badiadquidën badiadquidënquien Nuquin Papa tabadte shubu dapa daquënë uaidën tabadquin matses tantiamenuen chuibampaboc mibitedi tabadnubi. Aden chuibanshobi ma mimbi ubi bedenquio icpaboc.

Hechos 1:16

Tantia, cun utsibo, Udas padon naid chuibannu. Abëd icquid icquimbi Esus chieshënquido Udasën Esus bedmiondash, quequin nuquitedi tantiec. Aden Udasën nate chuiquin Nuquin Papan Mayan Bëdan tantiamiacpadombuen nuquin tsusedpa Dabidën dada uapampic.