Mateo 25:4 - El Nuevo Testamento en matsés

⁴ Padnuen bëdambuen tantiaquidon: Naimëdsho cushtono, queshun tabotebëta sedunten bëchi cushtoaid sananquin caimposh.

Mateo 25:4 ပူးပေါင်းရင်းမြစ်များ

Mateo 10:16

Adshumbic padpiden chuiuaic: Nëbi mibitedi nidmembique. Umbi naid chuibenneta. Aden chuibennequido icsho utsin utsinquien mibitedi chieshënendac. Bëdi obeca iuaid pete bunacbimbuec chieshëmënquido dadpen iqueque. Aidobëd chieshënnanenda. Nisi isisquiec tsadacbimbuecquid icta. Adecbidi dëbimbimbuec bëdambocquid icta.

Mateo 25:2

Aid chidobo 5ted tantienquio icquido icnubi 5tedbidi bëdambuen tantiaquido icposh.

Mateo 25:3

Tantienquio icquidon tabote bëchi naimëdsho cushtonon buanambobi bëchi uesadbudtsaidi sananquin caimposh.

Mateo 25:5

Aden cainaqui: Chido bedtannu, quianec nidbued choenquio icsho isash abitedi ushcastoash ushtocuededposh.

Mateo 7:24

Adshumbic Esusën padpiden naden chuipanëdash: Umbi chuibambued tantiashun umbi chiacpadombuen nata. Aden nabanquid yec shubu uaquin bëdambuen tantiaquidbimbuec mibi ictsiaque. Tantia. Chuinu. Bëdambuen tantiaquidënquio mannanënquio buintad tabëcshun shubu uaquid nendac.

Uanën dada uaid 3:34

Nuquin Papan Chomiaidquio icquin Aidën Chiaidquio chuibanec. Nuquin Papan aton Mayan abëd tabadmiaid icquin nadatiambocquin nabanquin abimbo chuibanec.

Doma 8:9

Nëbi Nuquin Papan aton Mayan Bëda meniaid icquin mibi bunacpaden icsambuen nainquio yec bëdambuec tabadquido mibitedi nec. Nuquin Papan Mayan Bëda mibëd iquec. Esuquidistun Mayambëd tabadesa yec Esuquidistu tantiaquidpenquio nec.

Codinto 2 1:22

Adembidi: Cuna nec, quequin aton Mayan Nuquin Papan meniaid nuquibëd tabadec. Adoaid yec aidbëd tabadtequid nebi, quequin tantiamenuen Nuquin Papan aton Mayan meniac.

Uan 1 2:20

Esuquidistu icsaisambo yec Nuquin Papan madombo nec. Adquid icquin: Nëid cuna nec, quequin aton Mayan meniac abimbo chiaid tantiaquido mibitedi nendac.

Uan 1 2:27

Adec muaquid icnuc Nuquin Icbo Esuquidistun abi tantiasho mibi meniaid mibëd icquin aton Mayanën tantiamiac Nuquin Papan Chiaid mimbi bëdambuen tantiec. Adembidi Nuquin Papan Chiaidtedi tantiamequin abimbo tantiamec. Aden aton Mayanën tantiamiac Esusbëd abentsëc yacbimbuec tabadquid icta.

Udas 1:19

Adquido yec chieshëmënec cuësh cuëshëdmianquido nec. Adec abi bunacpadec tabadquid icnuc Nuquin Papan Mayan aidobëd tabadenquio iquendac.