Mateo 25:12 - El Nuevo Testamento en matsés

¹² caquien chido bedquidën: Padi. Umbi isacmaidombo mibitedi nec, caposh.

Mateo 25:12 ပူးပေါင်းရင်းမြစ်များ

Mateo 25:11

Adnubien bëdambuen tantienquio icbuedo bëchi bedtanec chochoposh. Chochoshon shëcuë shëcnandoacsho istuidshun: Shëcuë shëcne, buchi. Ubitedi puduednu,

Mateo 25:13

Umbi chuibued tantiashun chido icsambuen tantiaquido tanenda. Ubi chote uëshë tantiadenquio icnuc: ¿Nëbida cun Icbo chopeba? quequin ubi bëdambuen tantiec umbi chiacpadec bëdambuec tabadta, quepondash Esus abëd icquido chiec.

Ducas 13:25

Adquid icnuc shubu Icbon shëcuë bëtashan umanuc tabadquin shubu icbo chuiquin: Ubi puduedme, quequin cumapenen cuëmbededendac. Adoaquien: Umbi isacmaido mibitedi nec, caindac.

Uanën dada uaid 10:27

Cun obecabimbuecquidien ubi tantiaquido nendac. Adshun obecan aton icbo tsibanacbimbuen umbi chiacpadombuen naic bëdambuec tabadquin tantiendac.

Uanën dada uaid 9:31

Ambi icsambuen naid ënabi icquidën Abi chiannesho Nuquin Papan tantiashunenquio ictsiash. Abi tantiaquioquin Ambi chiacpadombuen naquidën Abi chiannesho Nuquin Papan nashuntsiash, quequin nuqui tantiec.

Codinto 1 8:3

Padnuen abi tantiaquidon abi tantiaquiosho Nuquin Papan aido tantiaquiec.

Cadasia 4:9

Adquid icbuedëmbi nëbi mimbi Nuquin Papa tantiec, queshumbic: Aidëmbi mibitedi tantiec, caimbi. Aidën tantiaido icquin ¿atotsi quequin aid tantienquio yanuai? ¿Moisesën chiampid tantiaquin namequidon nacpaden nanu, queshoda Nuquin Papan mibitedi bëdambuen ispec? Padenquio.

Timoteo 2 2:19

Padnuen shubu uanun buintad nitsinacbimbuecquid Nuquin Papan Chiaidquio nec. Aidi Esus tantiaquido uidënquio icmete nec. Ambi dada uamequin chiampid nad iquec: Abi tantiaquido Nuquin Icbon tantiec. Adquid icnuc abi tantiaquidon: Cun Icbo nec, queshun ambi icsambuen naid ënendac, quequin chuipampic.