Mateo 24:49 - El Nuevo Testamento en matsés

⁴⁹ aton icbon namiaid icquimbi abëta iuaid utsibo chieshënquin cuesbanshun nua peshun tantiadennuen acte paë uaid acquidobëtan nua acpec.

Mateo 24:49 ပူးပေါင်းရင်းမြစ်များ

Mateo 18:28

Adoac nidquimbien aid iuan ambi: Ma ubi meneuanu, quequin piucquid daëdpactsëc meniondaid abipadquid iua utsi istuidposh. Istuidshumbic bedtanquin tëtëdinquin: Mimbi bedondactedi piucquid bec cho. Cuessunnechitomane, caquien

Mateo 24:48

Adquid icnubi adombuen naisa icbo utsin namiaid icpec. Aton icbo baded choenquio icsho issun

Mateo 24:50

Aden nabanec: ¿Nëbida cun icbo chopeba? quequin tantienquio icnubien aton icbo chopec.

Mateo 7:15

Adshumbic abi macuësh tapa poctse tsadquin naden Esusën chuipanëdash: Utsibo: Nuquin Papan Chiaidquio chuibanquid nebi, quec bëdambocquid danmianec muaquidombo iquendac. Adquido choshon Nuquin Papan Chiaid niac niacmequin mibitedi icsamete bunendac. Aido bëdi dapa nëish iua pete bunquiacbimbuec mibitedi icsamete bunquieque. Icsamenda.

Uanën dada uaid 2:10

Nuquin matsesën actequid paë uaid bëdambocquidba isedanquido acmequid yendac. Adquid acmiac matses nua cubudacsho actequid icsactsëcquidtsen acmenu, quequid yendac. Aden nainquiocquin acte paë uaid bëdambocquidquio ma mibi acmianeyoc, quepanëdash iuabon chuiquid chido bednuequid chiec.

Doma 16:18

Nuquin Icbo Esuquidistun chiacpadombuen nainquio icquin aidon: Umbi chiaid tantiata, quequin abi bunaidquio namequin muaquin Esus tantiabentsëcquid icsambuen namec.

Codinto 2 11:20

Aidon mibi caic: Iuanu. Ubi nashunta, quesho tantiash icsambuen tantiaquidbimbuec mibi iuadte bumpec. Adembidi mibi chiec: Bec cho, quesho icsambuen tantiaquidën nacbimbuen mimbi menebanec. Muaquin chiac: Mibi muaquid nec, quenquio yec mibi tabadec. Mibi icsambuen chuishunquin mamënshunaqui mibi: Padi, quenquio iquec. Aton iuabimbuecnuc mibi mëyanquin tancuesaqui: Min iuapenquio nebi, quenquio mibi iquec.

Pidipos 3:19

Aidotedi cumapenec mëyadtequid yacno chian annëdënquiacno nidmequin cuidendac. Peteuidtsëqui tantiec icsambo icquin ambi natemaid naic: Bëdambo iquebi, quec tabadec. Aido: Icsambuen naquido nebi, quiash dacuëdtiadquidi Nuquin Papa tantienquio icquin nidaidën icquiduidtsëqui tantiec tabadec.

Petedo 1 5:3

Adoaid icquin mimbi chuibanaido chushcainda. Aidon icbopenquio mibitedi neque. Adenquio yec: Ubi yacpadec ma tabadnu, quequin aido ismec bëdambuec tabadta.

Udas 1:12

Esus uënësaid tantiec tabadquin actequidbëta petempi pec tantiananec tabadquin pebededacno puduedshun mibëdtambi muaquidon piac caosh. Aido: Nuquin Papa tantiesa nebi, quiash dacuëdtiadquidi padenquio yec tabadec. Adquid yec aton iua obeca bëdambuen tantienquio yacbimbuen abiuidtsëqui datantiadquin nabanquido nec. Adecbidi abu chëshë acte nibëdquid icsho cunquequidën uanno tsidunacbimbuecquido nec. Adecbidi cute ambi nitsinaid bacuëenquio yec uënësacsho istuidshun icbon chichicshunniacbimbuen Nuquin Papan cuidtequidombo nendac.

Esusën Uan ismiaid 13:7

Adembidi nisi dapabimbuecquidën tantiamiacpadombuen Nuquin Papa tantiaquidobëd cuesnanmequin dëniacmeposh. Adembidi nëidtedishun chuiquid tapa icmeposh. Nëidic matses utsi utsiecquido. Nëidic shubu dadpen icquid utsi utsiec yacnocquido. Nëidic onquete utsin utsinquiec onquequido. Nëidic nidaid utsi utsiec yacno tabadquido. Aidtedi ambi chiacpadombuen nameposh.

Esusën Uan ismiaid 16:6

Umbi oncamiaidobëta ubi tantiaquido chieshënquin nua intac mëyanmequin cuessun secabudniondash, queshun cuessun secanquido cuidquin mimbi ambi acaid acte intacuashunquin acmiacsho issun mibi bëdamboshë iquec, caimbi, queposh.

Esusën Uan ismiaid 17:6

Aid chido acte paë uaid acash tantiadenacbimbuen Nuquin Papa tantiaquidon intac acshun tantienquio yamposh. Esus tantiaquin aid chuibansho dadpen cuessun secaidon intac acshun tantiadenquio yansho isuapombi. Adquidtedi istanec tantiadempambo icpobi.