Mateo 24:24 - El Nuevo Testamento en matsés

²⁴ Adquid uëshë icnuc: Nuquin Papan Chomiaid Quidistu nebi, quec muaquid utsi utsiec yanendac. Adecbidi: Nuquin Papan oncamiaid nebi, quec muaquid utsi utsiec iquendac. Aidon: Ubi tantiaquid icmenu, quequin ubi chieshënquidombi nadatiambocquin nabanquin ismendac. Adosho issun Nuquin Papan tantiamiaidonquiobi utsin utsinquien ubi tantienquio ictsenendac.

Mateo 24:24 ပူးပေါင်းရင်းမြစ်များ

Mateo 22:14

Nuquin Papan ambi bëdambuen iste matses dadpenquio tantiamiaqui daëdpactsëc abi tantiaquid yec abi yacno puduedtequid iquendac, quequin Esusën chuipondash.

Mateo 24:11

Adnubien muaquido dadpen yanash: Nuquin Papan oncamiaidquio nebique. Tantia. Chuinu, quependac. Adsho tantiashun dadpenshun: Ai, abimbo mimbi chiec, caindac.

Mateo 24:22

Adquid icnuc Nuquin Papan ënmenquio icnuc matsestedi nibëdantsiandac. Adquid icnubi ambi: Umbi tantiamiaido nec, quequin tantiaquin Nuquin Papan ënmendac, quepondash Esus.

Mateo 24:25

Adquid yanabicnuc: Muaquido iquendac, quequin mibitedi chiec nebi, quepondash Esus.

Mateo 24:31

Adnuc nua shoncanubimbi Nuquin Papabëd icquidombo naden chuiquin: Ubi tantiaquido bedtan, caindac. Adoac nidaid utsi utsiec yacno nidanneshun ubi tantiaquido abitedimbo bedtanendac.

Mateo 24:5

Adquido chochoshon: Nuquin Papan Chomiaidquio Quidistu caid Mesias nebi, quequin muaquin chiaqui matses dadpenshun: Ai, abimbuen mimbi caic, capendac.

Mateo 7:15

Adshumbic abi macuësh tapa poctse tsadquin naden Esusën chuipanëdash: Utsibo: Nuquin Papan Chiaidquio chuibanquid nebi, quec bëdambocquid danmianec muaquidombo iquendac. Adquido choshon Nuquin Papan Chiaid niac niacmequin mibitedi icsamete bunendac. Aido bëdi dapa nëish iua pete bunquiacbimbuec mibitedi icsamete bunquieque. Icsamenda.

Madcos 13:22

Adquid uëshë icnuc: Nuquin Papan Chomiaid Quidistu nebi, quec muaquid utsi utsiec yanendac. Adecbidi: Nuquin Papan oncamiaid nebi, quec muaquid utsi utsiec iquendac. Aidon: Ubi tantiaquid icmenu, quequin Nuquin Papan tantiamiaido chieshënquimbi nadatiambocquin nabanquin ismendac. Adosho issun Nuquin Papan tantiamiaidonquiobi utsin utsinquien ubi tantienquio ictsenendac.

Ducas 18:7

Adombuembidi ambi: Cun matses nec, caidon: Ubi chieshënquid cuidta, quequin ënenquio icquin chuidoniac: Cuidnu, ¿quenquioda Nuquin Papa icpec?

Uanën dada uaid 4:48

Adoaqui badedi nidenquio yec abi datsidadquido chiec: Ubimbo mibitedishun tantienquio iquec. Umbi nadatiambocquin nabansho issunuidtsëqui: Nuquin Papan Chomiaidien nechitec, quequin mimbi tantiec, quepondash Esus.

Uanën dada uaid 6:37

Nuquin Papan tantiamiaidtedishun ubi tantiasho bëdambuen isquin aido cacunmenquio iquendambi.

Uanën dada uaid 6:39

Aden aidën chomiaid yec ambi chiacpadombuen naquin ambi ubi tantiamiaido chieshtoenquiocnoc dayun uaindambi. Uënësacsho uincuenmeshun cuidenquio icquin ubëdi tabadmendambi. Uënësaid abitedi uincuenmete uëshën adoendambi.

Hechos 20:16

Ambo choash: Edusaden yacno badedquio nidebi. Adec ambo nidnu, quequin nidaid Asia caid yacno tabadenquio icquin shubu dadpen icquid Epeso datanembi. Isadaidbon aton tiedën caniquid tidico caid bedaid tantiate uëshë chonoc Edusaden yacno badedquio nidash tabadtiadquio iquebi, quequin tantiec Epeso datanembi, quepondash Pabado.

Doma 12:18

Chieshëmënec icsambuec tabadte bunsho issun aid chuiquin: Bëdambuequien tabadtiad, quequin chuita.

Cadasia 4:15

¿Atotsi quiash cumapenec cuishonquiondaidi ënëdo? Min ëshë chicshun ubi mene, cac mimbi ubi menetsenondac. Aden mimbi ubi tantiaquiondac.

Timoteo 2 2:19

Padnuen shubu uanun buintad nitsinacbimbuecquid Nuquin Papan Chiaidquio nec. Aidi Esus tantiaquido uidënquio icmete nec. Ambi dada uamequin chiampid nad iquec: Abi tantiaquido Nuquin Icbon tantiec. Adquid icnuc abi tantiaquidon: Cun Icbo nec, queshun ambi icsambuen naid ënendac, quequin chuipampic.

Petedo 1 1:5

Aden Nuquin Papa tantiaquidombo icsho isash: Aid tantienquio yannushe, quiash nadatiambocquin nabanquid icquin Nuquin Papan nuquitedi dayunuaic: Abitedimbo cuidquin chuibante uëshëmbi Esusën bedtanacsho: Ubi yacno tabadmendambi, quequin Nuquin Papan nuqui dayun uaindac.

Petedo 2 3:17

Tantia, cun utsibo. Umbi tantiaido icsho mibitedi chuinu. Abimbo tantienquio icquin Nuquin Papan Chiaid niac niacquidon muaquin chuibanendac, ubi quesho tantiashun: Esus tantienquio yanmane, queshun ënenquio icquin aid tantiec bëdambuec tabadta.

Uan 1 2:18

Tantia. Cun bacuëbobimbuecquido icsho mibitedi padpiden chuinu. Nëbi nëid nidaid naimëdbudendac. Adec naimëdbudabicnuc Esuquidistu chieshënquidquio icsamboshëcquid choendac, quequin chuibansho mimbi tantiondac. Adecbidi Esus chieshënquidombo utsibo dadpenquio chochoacsho issun: Nëbi nëid nidaid naimëdte yanec, quequin nuqui tantiendac.

Uan 1 2:22

¿Mitsipadquid muaquid nepec? Nuquin Papan Chomiaidpenquio Esus nec, quequid muaquidquio nec. Adquid Esus chieshënquidquio nendac. Adecbidi Esusbëta aton Papa Nuquin Papa tantiate bunenquio icquin chieshënquidquio nec.

Uan 1 5:18

Nuquin Papan: Cun bacuëbo nec, caido icquin icsambuen nabanesa nec, quequin nuqui tantiec. Aden abi tantiaquido icsho Nuquin Papan Madon Esusën dayun uaid icsho Mayan Icsa Satanasën icsa uatiapimbo iquendac.

Esusën Uan ismiaid 19:20

Adshobien acte ëquëducuësh chobued aben icquid tapa icsamboshëcquid bedposh. Adotanquimbic aid tantiamequid nidaid shëcuënuësh chobued muaquin oncamiaidtsen bedposh. Aidi nadatiambocquin nabanquin muaquin aton chuiquid tapa icsamboshëcquidën chiacpadombuen matses namequidquio neposh. Adec muaquin aton chuiquid tapabimbuecnuc nacnenmequidtsen neposh. Adecbidi: Cun chuiquidën iuabo nec, quequin matses dadpen bësiadmequimbi mësiadmequid neposh. Adec icsamianquidquio icsho bedposh. Aton chuiquidbëta bedshun cuessunniambobi ënëdenquio yec chian annëdënquequid icsamboshë nuadquid yacno nësecaposh.