Mateo 23:4 - El Nuevo Testamento en matsés

⁴ Adembidi Nuquin Papan ëndenquimbo: Naden nata, quequin chiaidbëta ambibi: Naden nata, quequin chiaid dadpen chuibanquin matses namec. Aden namequid icquimbi utsibouidtsëqui iuëmboshëcquid iuënmemiacbimbuen namequin ambi chiaid ambibi nabanenquio iquec.

Mateo 23:4 ပူးပေါင်းရင်းမြစ်များ

Mateo 23:23

Moisesën chiampid tantiamequidobëd padiseobo bëdambocquid danmianquido yec icsamboquido icsho Nuquin Papan cuidtequidombo mibitedi nendac. Nuquin Papan Chiaid abentsëqui tantiactsëcquin min tiedën icquid menta caid yec anis caid yec comino caid yec quequin bedshun 10ted icnuc tambanquin sanshun abentsëc bedtednequin Nuquin Papa mimbi menepec. Aden menequid icquimbi mimbi Nuquin Papan Chiaid utsi dadpen niacpec. Chieshëmënquid icbuedi: Umbi icsambuen naid tantienquio yec bëshunta, quequin chiaqui mibi bëshuntiapimbo iquec. Adembidi bëdambocquidi mua uaquin mimbi cuidte chuiquid icsambuen cuidmec. Nuquin Papa tantienquio icquin ambi chiacpadombuen min tiedën caniquid pistsëc musucshun menequid icquimbi Ambi Chiaid utsi abitedi natiadquidi ma mimbi nainquio icpaboc.

Mateo 23:3

Aden Moisesën dada uampid abimbo chuibanac aidën chiacpaden mimbi nac bëdambo ictsiash. Aden naquin Moisesën chiampid tantiamequidobëtan padiseobon nacpadombuen nainda. Aidon Moisesën chiampid chuibanquimbi ambibi aidën chiaid niac niaquec.

Ducas 11:46

Adoaquien Esusën: Ëndenquimbo Nuquin Papan: Naden nata, quequin Moises chiampidbëta mimbibi tantiaquin: Naden nata, quequin chiaid dadpen chuibanquin ambi natiapimbo icte matses mimbi namepec. Aden aido namequimbi mimbi chiacpaden nabanesambo icsho Nuquin Papan cuidtequidombo mibitedi nendac.

Hechos 15:10

Aden Nuquin Papan nasho issumbi: ¿Atotsi queshun: Nuquin tsusedpabon natiapimbo icpampidi nuquitsen natiapimbo ictequid caic isadaidpembo chuiquin: Moisesën chiampicpaden nabanta, cate mibitedi bumpe?

Hechos 15:28

Nuquin Papan Mayan Bëdan ubitedi tantiamiacpaden isadaidbon: Naden nata, quequin chiaidtedi nabanta, mibitedi cainquio iquembi. Nëidtedtsëqui ubitedishun: Nainda, caid nec.

Cadasia 6:13

Aden shui dëbid dëtemequidombi Moisesën chiampidtedi natiapimbo iquec. Adquid yec aido: Umbi chiacpadombuen nëidon naosh, quenuembien mibitedi shui dëbid dëtemetiadquio icchitec. Aden mimbi nabanquin ismiac umbi chiacpadombuen tantiaquin nabanquido nec, quiash: Ubiuidtsëqui bëdambocquid nebi, quenuec neque. Aidën chiacpadombuen nainda.

Uan 1 5:3

Adembidi Nuquin Papa tantiaquidën ambi: Naden nata, quequin chiampid tantiaquin nabanendac. Aden Ambi: Naden nata, quequin Chiampid natiapimbo ictequid nec, quenquio nuqui iquec.

Esusën Uan ismiaid 2:24

Tantia. Tiatida yacnocquidobëtabi ubi tantiaquidombotsen chuinu. Mayan Icsa Satanasën tantiamiac: Matsesën tantiatiapimbo yaid umbi tantiaid mimbi tantienquio iquec, quesho mimbi tantiashunenquio icpoc. Adshumbic aidën chuimiaidën chiacpadombuen mimbi nainquio icpoc. Aden bëdambuen nasho issun mimbi icsambuen naid utsi chienquio iquembi.