Mateo 21:31 - El Nuevo Testamento en matsés

³¹ ¿Mitsicquidën aton papan chiacpadombuen naoshe? En chui. Tantianu, caquien Esus chieshënquido: Abia chiac chieshuidbuedën, quesho tantiashumbien Esusën: Adquidpenquien mibitedi nec. Mibitedi tantiatiapimbo yec tabadnubi mimbi: Icsambo iquec, caido Nuquin Papa yacno puduedendac. Chieshuidacbimbuecquid aido nec. Aton matses piucquid bedshundednedo yec piucquid bedec chudadquid chidobo yec quec icbuedi Nuquin Papa tantiabenash aidbëd tabadtequido yanendac. Mibitedien padenquio iquendac.

Mateo 21:31 ပူးပေါင်းရင်းမြစ်များ

Mateo 12:50

Cun Pa abuc tabadquidën chiacpadombuen nabanec tabadquid icsho dada cun utsibo caquimbi chido cun chu catanquimbi utsi cun ta caimbi, quepondash Esus.

Mateo 18:3

Tantia. Mibitedi abimbo chuinu. Mimbi tantiacpadenuidi naic tabadbuedi nadquid bacuën amën chiacpadombuen nacbimbuen ubi tantiaquiota. Mimbi adoenquio icshoembi Nuquin Papan namiacno mibi puduedmenquio iquendac.

Mateo 20:16

Adashic abi onquec: Adombuembidi abi yacnoshon ambi tantiacpadombuen Nuquin Papan naindac. Nidaidënuësh chuiquidpenquio icbuedi Nuquin Papa yacnouësh utsi utsiec chuiquid iquendac. Adecbidi utsi utsiec nidaidënuësh chuiquid icbuedi Nuquin Papa yacnouësh chuiquidpenquio iquendac, quepondash Esus.

Mateo 21:30

Adshumbic amën aton mado utsi chuiquin: Neshcaic nid, mado, cac badedi: Ai, adonona, quebuedi neshcaic nidenquio icposh.

Mateo 5:18

Tantia. Abimbo chuinu. Abubëta nidaid nibëdanmiabi icnuc Nuquin Papan: Naden nata, quequin chuiquin dada uamiampid utsi uatiapimbo iquendac. Ambi chiampictedimbo namequin nainendac.

Mateo 5:46

¿Mibëd tantiananquidouidtsëqui tantiaquin mimbi nashunsho issunda Nuquin Papan: Bëdambo iquec, queshun mibi nashumpec? Padenquio. Mimbi: Icsambo icquido nec, caid piucquid bedshumënquidombien aton shubun icquidouidtsëqui tantiaquin nashuneque. Aden nainda. Utsibotsen tantiaquin bëdambuen nashunta.

Mateo 6:5

Naden Nuquin Papa chiannetetsen Esusën chuibampanëdash: Bëdambo icquid danmianquidën nacpaden nainda. Aidon Nuquin Papan Chiaid chuibante shubun puduedshun utsibo tantiamenuenuidi nidtoshon cumapenec onquequin Nuquin Papa chiannepec. Adash umanuc puduenanec utsibo iccuededacno nidshun matses dadpen tantiamenuenuidi padpiden adembidi Nuquin Papa chiannec. Adquid aton matsesën: Bëdambo iquec, canubi Nuquin Papan: Bëdambo iquec, catiapimbocquin aido bëdamboshëcquid menetiapimbo iquendac.

Mateo 7:21

Utsitsen Esusën naden chuipanëdash: Ubi caic: Icbo, Icbo, Cun Icbo mibi nec. Mibi tantiaquid nebique. Mibi yacno ubi puduedme, Icbo ¿quequidtedida Nuquin Papan namiacno puduedpatsiash? Padenquio. Cun Pa abucquidën chiacpadombuen naquidoen aid yacno puduedendac.

Mateo 9:9

Adnubini cun matses piucquid bedshumbanec podquied cuëman shubumpi tsadquidën tsadpondac. Cun matses iuaquid nidaid Doma yacnocquidon chuiquid tapanquio: Umbi chiactedi piucquid bedshumbanta, cac niondabi. Ambo tsadshobini Esus choquin istuidquin: Nuquibi icnu. Cho, capondash. Adoac badedi tsibananec

Ducas 15:10

Adecbidi matses abentsëcshun ambi icsambuen naid ënquin Nuquin Papa tantiabensho isash Nuquin Papabëd icquido: Bëdambo iquebi, quec cuishonquecuededquiendac, quepanëdash Esus.

Ducas 19:22

Adoaquien chuiquid tapan: Umbi chiaid niacquid yec cun iua icsambocquid mibi nec. Umbi naid tantiaquimbi umbi chiaid nainquio icsho mibi cuidmembi. Utsinabëta utsin nitsinaid bedbanquid mibi icsho isombi. Adquid icquin chushcanushe, ¿quequinda tantio?

Ducas 7:29

Adashic abi onquec: Uanën chuibansho tantiaquido dadpenshun Nuquin Papan chiacpadombuen nate bunquin acten mentomepanëdash. Adembidi Doma yacnocquidon chuiquid tapan chiactedi cun matses piucquid bedshunquidontsen mentomepanëdash.

Uanën dada uaid 3:3

Adsho tantiashumbien Esusën naden chuipanëdash: Tantia. Mibi chuinu. Chuca uabi icquid yec Nuquin Papan namiacno mibi tabadtiapimbo iquendac.

Uanën dada uaid 3:5

Adsho tantiashumbien Esusën: Mibi abimbo chuinu. Tantia. Nuquin Papan Mayanën tantiamiac chuca uadec acten mentoadabicquid yec Nuquin Papan namiacno puduedtiapimbo iquendac.

Hechos 17:30

Ënden matsesën ambibi nacnenshun: Papa, quequin cuënsho tantiash Nuquin Papa: Padi. Aden nainda, quenquio iccondaidi nëbi: Mimbi icsambuen tantiaid ënshun ubi tantiaquin umbi chiacpadombuen nabanta, quequin matses abitedimbo chiec.

Doma 3:19

Naden nuquitedi tantiec. Nuquin Papan: Naden nata, quequin chuiquin Moises dada uamiampid tantiaquido yec isadaidbo: Aidën chiaid tantiaquin: Aiduidi naquidquio nebi, quequin abimbo chuitiapimbo iquec. Adenquio yec matses abitedi: Ambi Chiaid niac niacquin tantienquio yanquimbimbi icsambuen nachitoc, quesho Nuquin Papan cuidtequido yec matses abitedimbo otacquio tabadendac.

Doma 5:20

Matses ambi icsambuen naid tantiamenuen ambi: Naden nata, quequin chiaid Moises dada uamepampic. Aidën chiaid chuisho tantiashi icsambuen naquido dadpenquio yampampic. Aden icsambuen naquido dadpenquioshë yansho issumbi Nuquin Papan matses tantiaquidquio icquin bëdambuen iste bumpampic.

Petedo 2 3:9

Ëndenquio Nuquin Icbo Esus: Padpidec choendabi, quenëdaidi choenquien icchitec, quenubien Nuquin Papa mibitedi bëdambuen isquin chieshtoenquio yec tantianquidquio icquin matses uënësacsho mëyadtequid yacno nidmete bunenquio icquin: Ma abitedishun Esus tantiabembono, queshun Nuquin Papan Esus chomiabi iquec.