Mateo 20:26 - El Nuevo Testamento en matsés

²⁶ Ubi tantiaquido icquin mibitedishun adoenquio ictsiac. Bëdambo mibi iquec, Nuquin Papa camete bunquin utsibo tantiaquin nashunquidquio icta.

Mateo 20:26 ပူးပေါင်းရင်းမြစ်များ

Mateo 20:27

Mibitedi chuiquid tapa icte bunquin iuan aton icbo nashunacbimbuen utsibo nashunta.

Mateo 25:44

Aden chiaquien: Tantiadenquiocnoc mimbi chiec. Pete bundopash, quequin tantienquio iccondambi. Acte bundopash, quequin tantienquio iccondambi. Umbi isacmaid icshobi mibi isambo iquembi. Min dashcute nibëdsho mibi isambo iquembi. Mibi nënsho isambo iquembi. Mibi quënën tsadunaid tantiambo iquembi. Tantiadenquio icnuc mimbi chuipec, quequin ubi tantiesabon chiendac.

Mateo 27:55

Adnubien ambobi chidobo dadpen nidaid Cadidea yacnouësh Esusbëd choquin abi nashunquin codocashumbuedo uannoshon Esus uënësso isec tabadpanëdash.

Madcos 10:43

Ubi tantiaquido icquin mimbi adoenquio ictsiac. Utsibo namete bunquin aido tantiaquin nashunta.

Madcos 10:45

Adecbidi Matsesën Tishaid icsho ma ubi matsesën nashunnu, quecpenquio chondabi. Adenquio icquin matses tantiaquin Nuquin Papa icsambuen naquidobi cuidmenquio icnuec ubided cuidadec uënësendabi, quepanëdash Esus.

Madcos 9:35

Adnubien abi tsadacnouëshi: Cho, quiampanëdash Esus abëd icquido 12ted caic. Adoac chochoacsho isash: Chuiquid tapa icte bunquin iuan nacbimbuen utsibo tantiaquin nashunquid icta, capanëdash Esusën.

Ducas 18:14

Aden chiashic: Tantia. Chuinu. Aton matsesën piucquid bedshunquid Nuquin Papan bëdambuen isaidquio icnubien padiseobo ambi icsambuen isaidquio icposh. Aidi icsambuen naisabimbuec: Bëdambocquid nebi, quequid Nuquin Papan bëdambuen istiapimbo iquendac. Padnuen: Icsambocquid nebi, quequid Nuquin Papan bëdambuen isaid iquendac, quepanëdash Esus.

Ducas 22:26

Mibitedi adquid iquenda. Nadquidquio icta. Chuiquid nebi, quec tsiuec caniquidbimbuecquid icta. Chuiquid icquin iuan nacbimbuen utsibo nashunquidquio icta.

Uanën dada uaid 18:36

Esusën abi bëyuc Pidaton chuibued tantiaquin: Nidaidënuësh chuiquid tapapenquio nebi. Nidaidën cun iua sondado nibëdec. Nidaidënuësh chuiquid tapa icquin cun iuabo cun matses isadaidbon ubi bedquido bedmenquio ictsemposh, quepanëdash Esus.

Codinto 2 1:24

Naden dadpen tantiata, quequin icbon ancacbimbuen mibitedi chienquio iquembi. Esus tantiaquidombo nec, quequin mibitedi tantiembi. Ma Esus tantiec chieshtoenquio yec cuishonquequiono, quequin mibëd icquin mibitedi chuibante bunebi.

Timoteo 2 1:18

Epeso yacnoshon aidëmbidi baded badedquien nuqui nashundedniondaid mimbi tantiec. Aden ubi nashunondaid tantiaquin: Nidaidën padpidec choshon Cun Icbon ambi matses cuidte uëshë chonoc: Onesipodo bëdambuen isquin mëyadte yacno nidmenda, Papa, caimbi.

Pidemon 1:13

Esusën naid chuibansho quënën tsadunaid nec, queshun mimbi ubi nashuntiapimbocnobi ubi nashunquid Onesimo nec, queshun nidmenquio ictiadquidi mibi yacno nidmembi.

Ebedeo 1:14

Padnuen abëd icquido Nuquin Papa nashunquido nec. Adembidi Nuquin Papan: Esus tantiaquido ubëd tabadtequido neque. Nashuntan, quequin chometequido nec.

Petedo 1 4:11

¿Ada Nuquin Papan ambi Chiaid chuibanquid mibi icmiac? Adquid icmiaid icquin Nuquin Papan Chiaidquio chuibanta. ¿Ada Nuquin Papan mibëtan Esus tantiaquid utsibo nashunquid mibi icmiac? Adquid icmiaid icquin: Nuquin Papan tantiamiacpadombuen utsi nashunquiembi, queshun nashunta. Mimbi adosho isash ma utsibo: Abi namequid Nuquin Papa bëdamboshë iquec. Ambi tantiaid Esuquidistu bëdamboshëcquidbidi yec abitedishun Icbombo nec. Adquid yec nadatiambocquidquio nec, ma quenu, queshun ënenquio icquin tantiata. Amen.

Petedo 1 5:3

Adoaid icquin mimbi chuibanaido chushcainda. Aidon icbopenquio mibitedi neque. Adenquio yec: Ubi yacpadec ma tabadnu, quequin aido ismec bëdambuec tabadta.

Esusën Uan ismiaid 17:6

Aid chido acte paë uaid acash tantiadenacbimbuen Nuquin Papa tantiaquidon intac acshun tantienquio yamposh. Esus tantiaquin aid chuibansho dadpen cuessun secaidon intac acshun tantiadenquio yansho isuapombi. Adquidtedi istanec tantiadempambo icpobi.