Mateo 20:14 - El Nuevo Testamento en matsés

¹⁴ Mimbi bedbued buanec nid. Ubi bunacpaden tsiuec choash chonoadquido mibi meniactedquiobidi meniombi. ¿Icsamboda iquec?

Mateo 20:14 ပူးပေါင်းရင်းမြစ်များ

Mateo 20:13

Adoaquien tied icbon: ¿Chieshanquiectabi ique? Umbi: Nëidted piucquid mibi menenu. Chonoadec nidta, cac ma mibi: Ai, quepaboc. Mambi aidtedquiobi mibi menepaboc.

Mateo 20:15

Icbon ambi tantiacpadombuen atona dadpen meniac ¿ada aid icsambo icpec? ¿Utsibotsen menesho issunda mimbi ubi nëishëmpe? Aden nëishënac ¿ada bëdambo iquec? quequin tied icbon chuiposh, quequin utsi chiacbimbuen Esusën chuipondash.

Mateo 6:16

Adshumbic buna mëmunte Esusën naden chuipanëdash: Tantia. Nuquin Papauidtsëqui tantianu, quequin buna mëmunquid chuinu. Muaquidën nacbimbuen ismenda. Muaquido: Buna mëmunquid nec, aton matses camenuec manimanictsëcquio yec nënquidbitsëcquiec mamënenquio iquec. Adec buna mëmunquid tanec muaic. Adsho issun matsesën bëdambocquid dannubi Nuquin Papan: Icsambo icquid nec, queshun bëdamboshëcquid menetiapimbo iquendac.

Mateo 6:2

Mimbi atona nibëdquido meniaid utsibo chienda. Utsibo bëdambocquid danmianquidën nacbimbuen nainda. Adquido Nuquin Papan Chiaid chuibante shubun puduedshun ambi nabued aton matses chiendac. Adembidi matses dadpen capuacnoshon ambi nabued chiendac: Mabi bëdambocquid nec, canu, queshun. Aidon Nuquin Papan menete bëdamboshëcquid bedtiapimbo iquendac.

Mateo 6:6

Mimbi aden chienda. Utsibo ismenquio icquin Nuquin Papauidtsëqui tantiaquin mimbentsëqui chianneta. Aden chiannequid mibi icsho Nuquin Papan mimbi utsibo ismenquio icquin naidtedi tantiaquid icquin mibi bëdamboshëcquid menendac.

Ducas 15:31

Adoaquien aton papan: Mado, ubëd icquidquio mibi nec. Adquid mibi icnuc cunatedi mitsana nec.

Ducas 16:25

Adoaquien Abadauanën: Tantia. Chuinu, mado. Ënden nidaidën tabadquin mitsana dadpen bedbanec mibi tabadnubi Dasado cumapenec bunquiec tsadposh. Adbuedi nëbi aidi ubëd bëdambuec tabadnubi anchumbo yec mëyadec mibi tënquebudec.

Uanën dada uaid 17:2

Mimbi icmiacpadec abitedishun Icbo icquin mimbi ubi tantiamiaidotedi matses nuquibëd ënëdenquio yec tabadtequido icmendambi, Papa.

Doma 3:19

Naden nuquitedi tantiec. Nuquin Papan: Naden nata, quequin chuiquin Moises dada uamiampid tantiaquido yec isadaidbo: Aidën chiaid tantiaquin: Aiduidi naquidquio nebi, quequin abimbo chuitiapimbo iquec. Adenquio yec matses abitedi: Ambi Chiaid niac niacquin tantienquio yanquimbimbi icsambuen nachitoc, quesho Nuquin Papan cuidtequido yec matses abitedimbo otacquio tabadendac.

Doma 3:4

Natsiash, caimbi. Aden ambi chiacpadombuen naquidquio Nuquin Papa nec. Matses abitedimbo muaquido icnuc Nuquin Papan naden chuiquin dada uamiampid iquec: Abimbo chuiquidquio icquin ambi chiacpadombuen naquidquio nec. Adquid icquin: Icsambocquid cuidquid nebi, quequin mibi icsambuen chuishunquido dëniacquin cuidquidquio nec, quequin dada uamepampic.