Mateo 19:29 - El Nuevo Testamento en matsés

²⁹ Utsibontsen ubi tantiaquiendac. Aden tantiaquin aton shubu nianquinc abëta tishaid aton utsibo nianquinc aton tita nianquinc aton papa nianquinc aton bacuëbo nianquinc aton tied nianquinc cain ubi tantiaquin umbi chiacpadombuen naquid iquendac. Adoquid icsho ambi nianaidtedi dëniacquin dadpenquioshë Nuquin Papan icmeshunendac. Adembidi abëdi ënëdenquio yec tabadtequid icmendac.

Mateo 19:29 ပူးပေါင်းရင်းမြစ်များ

Mateo 10:22

Esus tantiaquid nec, queshun matses dadpenshun mibitedi chieshënendac. Adoaqui chieshtoenquio icquin ubi tantiasho Nuquin Papan abi yacno mibi tabadmendac.

Mateo 13:23

Padnuen pete ëshë utsi nidaid bëdambo yacno secac paëdaidbimbuecquid nad iquec: Nuquin Papan Chiaid chuibansho tantiaquioshon ambi tantiabued bëshunenquio icquin tantiec bëdambuec tabadquid nendac. Adquidën chuibanac ubi tantiaquid 100ted yanendac. Utsin chuibanaquic 60ted yanendac. Utsin chuibanaquic 30ted yanendac, quequin abi tantiabente Esusën chuipondash.

Mateo 13:8

Pete ëshë utsibic nidaid bëdambo yacno secac dëyucash caniash bacuëtanec dadpenquio ëshëcquid icposh. Utsi utsiec 100ted icnubi utsi utsiec 60ted icnuc utsi utsiec 30ted ëshëcquid icposh, quepondash Esus.

Mateo 16:25

Padnuen ambi tantiaiduidi naic tabadquid uënësash Nuquin Papa yacno matses puduedtiapimbo iquendac. Adquid icnuc ubi tantiaquin umbi chiacpadombuen nasho chieshënquin cuessunniacsho Nuquin Papan abi yacno puduedmendac.

Mateo 19:16

Adnubien dada canianquio Esus naden chuituidpondash: Chuibanquin tantiamequidquio mibi neque. En ubi chui. Nuquin Papa yacno ënëdenquio yec bëdambuec tabadnuen ¿atotsimbi nape? capondash.

Mateo 25:34

Adshumbic Abitedishun Icbombo icquin abiuc icquido ubi tantiaquido naden chiendambi: Cun Pan mibi bëdambo icmiaido neque. Ubëdi tabadec cho. Matses uabi yec ëndenquimboshë mibitedi caic: Aido ubi tantiaquido icmeshun ubëdi bëdamboshë yacno tabadmendambi, quequin Cun Pan tantiamiaido yec ambi namiacno ubëdi bëdambuec tabadec cho, caindambi, quepondash Esus.

Mateo 25:46

Adoac aido icsambuec tabadquido ënenquio icquin cuidacnombo nidnubi bëdambuec tabadquido Nuquin Papa yacno ënëdenquio yec tabadendac, quequin Esusën chuipondash.

Mateo 5:11

Ubi tantiaquido icsho utsibon chieshënquin icsambuen chuishunsho abëd tabadmenuen Nuquin Papan mibitedi bëdambo icmendac. Adembidi mibi mëyansho issun bëdambo icmendac. Adembidi: Aido icsambo iquec, quequin mibi mua uashobi Nuquin Papan mibitedi bëdambo icmendac.

Mateo 6:33

Adembidi: Nuquin Papan namiacno tabadtequid nebi, quequin tantiaquin aidën chiacpaden naic tabadta. Aden abi tantiaquid icquin abi chuisho mibi bedmendac.

Ducas 14:26

Ubi caic: Mibi tantiaquidquio icnu, quequidëmbi nëidted tantiaquid iquec. Aton papauidi tantiaquinc aton titauidi tantiaquinc aton chidouidi tantiaquinc aton bacuëbouidi tantiaquinc aton utsibouidi tantiaquinc abiuidtsëqui datantiadquinc caquid yec ubi tantiaquid ictiapimbo iquendac.

Ducas 5:11

Aden chiaquien aton cano acte cuëman nëshquin atonatedi nianec: Esusën chiacpaden nanuna, quianec abëtan nuëcquid bedbuedobëtan Petedon Esus nidsho tsibanampanëdash.

Ducas 6:22

Matsesën Tishaid Esus tantiaquid nec, queshun utsibon mibitedi chieshënquin icsambuen chuishunquin mamënshunendac. Adembidi: Icsambocquid nec, queshun mibitedi cuenmendac. Adoaid icshobi Nuquin Papan mibitedi bëdambo icmendac.

Uanën dada uaid 15:19

Ubi tantiesabo icsho ubi chieshënquidon mibitedi bëdambuen istsiandac. Adquid iccondaidi umbi: Cho, cac ubi tantiaquid mibitedi yampondac. Adquid icsho mibitsen chieshënendac.

Uanën dada uaid 4:36

Umbi chuibued chidon chiac matses dadpen chochoeque. Chuibannuna. Aido ubi tantiabenash Nuquin Papabëd ënëdenquio yec tabadtequido yanendac. Adsho isash nuqui cuishonquendac. Adembidi ubi chuibennequidon chuibanac tantienquio icbuedobi utsin chuibanac ubi tantiabensho isash chuibanquid abidaëdi cuishonquendac piucquid bedacbimbuec.

Hechos 9:16

Aden ubi chuibennesho: Mibi natiambo icnuc mëyantequid iquendac, quequin Saudo tantiamendambi, quepanëdash Esus.

Codinto 1 2:9

Nuquin Papan chuiquin dada uamiampid nad iquec: Nuquin Papan abi tantiaquido tabadmenun nacnenaid iquec. Aidi matsesën tantiacmaid isquin: Nadquio iccosh, quequin chuitiapimbo iquec, quequin chuipampic.

Codinto 2 5:16

Aden Esus tantiabenash tantiesabo onquiacpadec onquenquio nuqui iquec. Ënden Esus caic: Matsesi nec, quequin icsambuen chiec onquiondaidi nëbi: Nuquin Papan Madombo nec, quequin nuqui tantiec.

Pidipos 3:8

Nëbi Cun Icbombo Esuquidistu tantiec bëdambo iquebi, quequin tantiembi. Aiduidtsëqui tantiate bunquin icsa sandoshon secacbimbuen umbi tantiacpadombuen nabanaidtedi ënondambi.

Petedo 1 4:14

Esuquidistu tantiaquid nec, queshun chieshënquin icsambuen chuishunshobi Nuquin Papan mibi bëdambo icmendac. Adoshon Nuquin Papan aton Mayan Bëdamboshëcquid mibëd cuëshëdmenquio icquin tabadmendac.

Uan 3 1:7

Adoac Esus tantiesabo yacno Esus chuibannuec bedanec nidnuen: Ubi nashun, quequin Esus tantiesabo chienquio iccondambi, queposh.