Mateo 18:32 - El Nuevo Testamento en matsés

³² Aden chiac tantiashun icbon ambi cuidenquio icquin bëdambuen isbued chomeshun chushcaposh. Icsambo icquidquio mibi nec. Chiata. Mibi menembi, quesho: Padi. Ubi menenda, quequin mibi bëdambuen isombi.

Mateo 18:32 ပူးပေါင်းရင်းမြစ်များ

Mateo 18:27

Adoaquien icbon uënësquiocquin bëdambuen isquin: Ubi menenda. Mibi utsibo iuamenquio iquembique. Dacuëdenquio yec nidec nid, quequin icbon aton iua bëdambuen nidmeposh.

Mateo 18:31

Aden chieshënquin quënën tsadunmiacsho issumbien iua utsibon: Chieshanquiec, queshun icbo chuituidposh. Mimbi bëdambuen isbuedëmbi min iua utsi quënën tsadunmiosh: Piucquid menianenquio iquec, queshun, quequin icbo chuituidposh.

Mateo 18:33

¿Umbi mibi bëdambuen isbocpadombuembidi mibi padquid utsi bëdambuen istiapimboda icco? Ma iuecshun bënu, queshun mimbi meniactedi bëabi icquid icsho bëdambuen isec mibitsen bëdambo ictsenac.

Mateo 25:26

icbon: Cun iua icsambocquid yec chieshquidquio mibi nec. Umbi chiacpadombuen nambo mimbi iquec. Ubi caic: Ancanquidquio icquin ubi chushcanushe, queshun

Ducas 19:22

Adoaquien chuiquid tapan: Umbi chiaid niacquid yec cun iua icsambocquid mibi nec. Umbi naid tantiaquimbi umbi chiaid nainquio icsho mibi cuidmembi. Utsinabëta utsin nitsinaid bedbanquid mibi icsho isombi. Adquid icquin chushcanushe, ¿quequinda tantio?

Doma 3:19

Naden nuquitedi tantiec. Nuquin Papan: Naden nata, quequin chuiquin Moises dada uamiampid tantiaquido yec isadaidbo: Aidën chiaid tantiaquin: Aiduidi naquidquio nebi, quequin abimbo chuitiapimbo iquec. Adenquio yec matses abitedi: Ambi Chiaid niac niacquin tantienquio yanquimbimbi icsambuen nachitoc, quesho Nuquin Papan cuidtequido yec matses abitedimbo otacquio tabadendac.

Santiaco 2:13

Utsibo uënësquiocquin tantiesa matses icsho Nuquin Papan: Aido tantiac uënësquio iquec, quenquio icquin cuidendac. Aden cuidshumbic utsibo uënësquio icquin tantiaquido icsho Nuquin Papan ambi abitedi cuidte uëshën aido cuidenquio iquendac.