Mateo 17:27 - El Nuevo Testamento en matsés

²⁷ Aden tantiaquimbi: Nëishnushe, queshun menenun chianën ansemetan. Bëyucquio mimbi nuëcquid ansemiaid ancanshun anisquin shocosh nacnenaid piucquid abentsëc mimbi istuidendac. Aid bedshun piucquid bedshumënquido menetanta. Në cun icbonabëdi cuna nec, quequin menetanta, capondash Esusën. Adoac Petedon Esusën chiacpadombuen bedtanquin piucquid menetampanëdash.

Mateo 17:27 ပူးပေါင်းရင်းမြစ်များ

Mateo 17:26

Petedo: Ma iuabona bedshumpaid yoc, quesho tantiash Esus: Aden aton matses piucquid bedshunenquio iquec, quepondash.

Mateo 18:6

Adshumbic padpiden chiec: Nëid bacuën ubi tantiasho icsambuen namequin cuëshëdmesho issun cuënote iuëmbocquid tëdectanquin tëtanetanquin acte dapa ëquëducquioshë yacno nënepatecnëdan.

Mateo 18:8

Aden Nuquin Papan cuidte chuisho tantiaquimbi icsambuen nainda. Mëdanten naic mibi icsaic. Mëteshun uannombo neshunac bedtiapimbo yacbimbuen mimbi icsambuen naid ënta. Taën capuec mibi icsaic. Tateshun uannombo neshunac caputiapimbo yacbimbuen mimbi icsambuen naid ënta. Ënenquio icsho Nuquin Papan mibi chian annëdënquequid nësecaindac.

Mateo 5:29

Min ëshën isquin mimbi icsambuen naic. Ëshë chicshun uannombo neshunac istiapimbo yacbimbuen mimbi icsambuen naid ënta. Ënenquio icquid Nuquin Papan chian annëdënquiacno nësecaquin cuidtequid nendac.

Mateo 5:30

Min mëdante abiucshun icsambuen nate bunquin bedec mibi icsaic. Mëteshun uannombo neshunac bedtiapimbo yacbimbuen mimbi icsambuen naid ënta. Ënenquio icquid Nuquin Papan chian annëdënquiacno nësecaquin cuidtequid nendac, quequin Esusën chuibampanëdash.

Madcos 9:42

Adashic abi onquec Esus: Nadquid ubi tantiaquid bacuë icsambuen namequin chieshtomesho issun adosbiecquid macueste cuënote iuëmbocquid tëdectanquin tëtaneshun acte dapa mad caid ëquëducquioshë yacno nënepatecnëdan.

Madcos 9:43

Min mëdanten icsambuen naquin Nuquin Papan Chiaid niaquec mibi icsaic. Mëteshunniac bedtiapimbo yacbimbuen mimbi icsambuen naid ënta. Ënenquio icsho Nuquin Papan ënëdenquio yec chian annëdënquiacno nësecaquin cuidnushe.

Ducas 17:2

Adquid icnuc ubi tantiabentsëcquid icsambuen namequin cuëshëdmesho issun cuënote iuëmbocquid tëdectanquin tëtanetanquin acte ëquëducquioshë yacno nënepatecnëdan.

Uanën dada uaid 6:61

Adec onquesho ambibi tantiashien Esus: ¿Umbi chuibued tantiashta chieshtotiadquio ique?

Doma 14:21

Ubëtan Esus tantiaquido chieshtonoshe, queshun ambi petemaid pambid penquio icquinc ambi actemaid acte paë uaid aquenquio icquinc ambi natemaid utsi nainquio icquinc cac bëdambo ictsiash.

Codinto 1 8:13

Adquid icnuc ambi petemaid pequin cun utsibo icsambuen nametsiambi, queshun pambid penquio iquembi: Ma aidën icsambuen nainquio icnu, queshun.

Codinto 1 8:9

Padnuen: Umbi ambi papa canun nacnenaid dasanquin ismiaid pequin icsambuen nainquio iquembi, quebuedëmbi pesho issun Esus bëdambuen tantiabenabictsëcquidën ambitsen piash: Umbi petemaid pequin icsambuen nachitombi, quenushe, queshun ismequin penquio icac bëdambo ictsiash.

Codinto 2 6:3

Icsambuec tabadquin umbi chuibanac: Muasho tantiatiapibi, quenushe, quiash ubëtan chuibanquid utsibobëd bëdambuec tabadquin ismembi.

Codinto 2 8:9

Nuquin Icbo Esuquidistu abuc tabadec abitedishun Icbombo icbuedi nuquitsen abuc abëdi tabadmenuec matsesash nidaidën tabadnuc atona nibëdpanëdash, quequin mibitedishun tantiec.

Tesadonica 1 5:22

Adembidi Nuquin Papan Chiaidpenquio chiec, queshun aidën chuisho tantienda. Aidën chiacpadombuen nainda.

Santiaco 2:5

Tantia, cun utsibo. Umbi tantiaido icsho mibitedi chuinu. Atona nibëdquido icsho Nuquin Papan abi tantiaquido icmequin ambi namiaidquio icmiac. Nuquin Papa bëdambocquid icquin ma ubi nashunnu, quequin ma tantianu. Adoac aid tantiaquido yec: Nuquin Papan ambi chiampicpadombuen bëdambuen isquin uënësacsho abi yacno abëdi tabadmequin abi tantiaquido icsho ubi bëdamboshë icmendac, ma quenu, quequin ambi namiaidquio nendac.