Mateo 17:20 - El Nuevo Testamento en matsés

^20-21 Nuquin Papambo tantiaquioquin mimbi bëdambuen natsenac. Cute mostasa caid ëshë pistsëcquio yacbimbuen mimbi ubi bëdiactsëc tantiatsec. Aden bëdiactsëc tantiaquid icquin nëid macuësh cain: Nëmbo icbuedi uanno mannëdta, cac ambo ictsiandac. Adembidi: Umbi natiapimbo ictequid nec, mimbi caidi mimbi: Ubi bëdambuen nameta, Papa, quequin abi chuidonesho issun aidëmbi mibi nametsiash. Nëbi umbi dapuduenmebued abembi cuentiapimbo icquid nec. Nuquin Papauidtsëqui tantiaquin buna mëmunquin Nuquin Papa chianneshun adquid dapuduenmetequid nendac, quequin Esusën abëd icquido chuipondash.

Mateo 17:20 ပူးပေါင်းရင်းမြစ်များ

Mateo 13:31

Adshumbic Nuquin Papan namiacno tabadte tantiamenuen Esusën utsi chiacbimbuen naden chuipondash: Tied icbo mostasa caid ëshëmpi aton tiedën sec nidposh.

Mateo 14:29

Adsho tantiashun Esusën: En cho, caquien Petedo canonuësh budanec acte bëntse Esus bëquedec nidpondash.

Mateo 17:17

Esusën abëd icquidobëta ambo icquidotedi naden chuipondash: Umbi nadatiambo icquin nabanquin dadpen ismiaqui mimbi ubi tantienquio iquec. Icsambuen tantiaquid yec icsambuec tabadquido mibitedi nec. Mibitedishun tantienquiocsho isash ¿tedectsibi mibëd icpe? ¿Mitsipadombuembimbi chieshtoenquio icquin mibi chuibudpe? quetanquin: Min mado bec cho, capondash.

Mateo 17:19

Adsho issumbimbi ubitedshun utsibo tantiamenquio icquin Esus chuipondac. Umbi: Dapuduenmenu, cac ¿atotsi quiash podobitsi icsa dapuduenenquio icposh? caquien Esus:

Mateo 17:9

Adtanec macuësh budequi Esus: Mimbi isbued nëbi utsibo chienda. Matsesën Tishaid icshobi uënës uamiac ubi uincuenacsho issumbi chianta, quepanëdash ambi buanaido chiec.

Mateo 21:21

Adoaquien Esusën: Tantia. Mibitedi chuinu. Adembidi mimbi natsiac. Nuquin Papan umbi chiaid nainquien icchitec, quenquio icquin: Nuquin Papa nadatiambocquin nabanquidquio nec, quequin tantiaquin Abi chiannesho Aidëmbi mimbi: Natiapimbo ictequid nec, caidi mibi nametsiash. Adoac umbi cute icueda uënës uabocpadombuembidi tantiaquin mimbi nëid macuësh cain: Mananuc icbuedi adquiecbidi acte nantan icuata, mimbi cac nëid macuësh acte nantan icuatsiash.

Mateo 8:26

¿Atotsi quiash natiec dacuëdcuedede? Ubi bëdiactsëc tantiaquido mibitedi nec, quetanec nidtoshon cunquequidbëtabi acte chiec: Padi. Ënëd, caquien natiambo cunquebuedi badedquio ënëdpanëdash. Adecbidi actetsen bocquenquio yampanëdash.

Madcos 11:22

Adoaquien Esusën: Nuquin Papa nadatiambocquin nabanquid nec, quequin tantiaquiota.

Madcos 11:23

Aden tantiaquin: ¿Umbi chiacpadombuenda napatsiashba? quenquiocquin abi chuisho mimbi chiacpadombuen natsiash. Adoac mimbi nëid macuësh cain: Mananuc icbuedi adquiecbidi acte nantan icuata, mimbi cac nëid macuësh acte nantan icuaindac.

Madcos 4:31

Tied icbon mostasa caid ëshëmpi aidpadquid pistsëcquidquio cuëte ëshë utsi nibëdnuc aton tiedën seposh.

Madcos 9:23

Adoaquien Esusën: ¿Ada podobitsi icsa dapuduedaid dapuduenmeshuntsia? ¿quecta ique? Nuquin Papa nadatiambocquin naquidquio nec, quequin tantiaquidën tantiacpadombuen Nuquin Papan nashunendac, capanëdash.

Ducas 1:37

Utsin natiapimbo ictequid Nuquin Papan naidquio nec. Ambi natiapimbo ictequid nibëdec, quepanëdash Cabadied.

Ducas 17:6

Adoaquien: Cute mostasa caid ëshë pistsëcquio ictsec. Aid yacbimbuen Nuquin Papa nadatiambocquin nabanquid nec, quequin mimbi bëdiactsëc tantiactsëcquin nëid cute cain: Mananuc tabadbuedi adquiecbidi acte nantan tabaduata, quequin mimbi chiacpadec acte nantantsen abi tabadacpadecbidi tabaduaindac, quepanëdash Esus.

Ducas 18:27

Adoaquien Esusën: Matsesën natiapimbo ictequid icnuc Nuquin Papain namianquidquio nec. Ambi natiapimbo ictequid nibëdec, quepanëdash.

Uanën dada uaid 11:40

Adoaquien Esusën: Mambi mibi chuipaboc. Mimbi: Nuquin Papan Madombo mibi nec, ubi casho: Nuquin Papan namiac umbi nadatiambocquin nasho mimbi isendac, mambi mibi capaboc, capondash.

Codinto 1 12:9

Nuquin Papan Mayanën namiac Esus tantiaquido: Umbi chianniacpadombuen Nuquin Papan naic, quequin tantiaquidquio utsi utsiec iquendac. Utsibobic Nuquin Papan Mayanën namiac nënquido bëdanmequido iquendac.

Codinto 1 13:2

Nuquin Papan Mayanën namiaid icquin Nuquin Papan iuecshun natequid chiaid tantiaquin chuibanquid iquequi utsibobëd tantiananec tabadesa yec abenquiobi icquid ictsiabi. Nuquin Papan ambi matses tantiamenquio icpampid tantiaquid nebi, quebuedi utsibobëd tantiananec tabadesa yec abenquiobi icquid ictsiabi. Umbi chiac Nuquin Papa nadatiambocquid icquin mananuc macuësh tapa icbuedi manniactsiash, quequin tantiaquidquio iquequi utsibobëd tantiananec tabadesa yec abenquiobi icquid ictsiabi.

Ebedeo 3:19

Aden tantiesabo icquin ambi chiacpadombuen nainquiocsho issun ambi chiacno Nuquin Papan tabadmenquio icpampic.