Mateo 17:17 - El Nuevo Testamento en matsés

¹⁷ Esusën abëd icquidobëta ambo icquidotedi naden chuipondash: Umbi nadatiambo icquin nabanquin dadpen ismiaqui mimbi ubi tantienquio iquec. Icsambuen tantiaquid yec icsambuec tabadquido mibitedi nec. Mibitedishun tantienquiocsho isash ¿tedectsibi mibëd icpe? ¿Mitsipadombuembimbi chieshtoenquio icquin mibi chuibudpe? quetanquin: Min mado bec cho, capondash.

Mateo 17:17 ပူးပေါင်းရင်းမြစ်များ

Mateo 13:58

Aden abi tantiate bunenquio icsho issun nadatiambocquin bëdamequin daëdpactsëc ismepondash.

Mateo 16:8

Adsho ambibi tantiash Esus: Ubi bëdiactsëc tantiactsëcquido mibitedi nec. ¿Mimbi pan bëambocquid chiectabi nedi?

Mateo 17:16

Mibëd icquidon bëdanmete danquin bëuidombi. Bëdanme, cac bëdanmenuen tanuidosh, caquien

Mateo 17:18

Adoac bësho istanquin Esusën podobitsi icsa chushcapondash. Padi. Dapuduen, cac podobitsi icsa dapuduennubi madompi bëdampondash.

Mateo 6:30

Adec cute bacuëec tuashquiaid bëdamboshë isadbuedi badedquio sequiacsho nëdëncatequid nec. Adquid icnuc ¿ambi uaido mibitedi icsho Nuquin Papan mibi dasiuidte bedmenquioda icpadic? Ai, mibi dasiuidte icmeque. Natiec tabadenda. Mitsanauidi tantiec natiec tabadquin Nuquin Papa bëdiactsëc mimbi tantiatseque.

Mateo 8:26

¿Atotsi quiash natiec dacuëdcuedede? Ubi bëdiactsëc tantiaquido mibitedi nec, quetanec nidtoshon cunquequidbëtabi acte chiec: Padi. Ënëd, caquien natiambo cunquebuedi badedquio ënëdpanëdash. Adecbidi actetsen bocquenquio yampanëdash.

Madcos 16:14

Adashic abëd icquidombo 11ted pec tabadte yacno tabadnubi Esus isadcuempanëdash. Adec isadcuenshun: Uincuenaccosh, quequin ubi isquidon chiaqui tantiate bunenquio mibi iccoque. Chobique. Is, capanëdash.

Madcos 9:19

Aden chuisho tantiash abëd icquidobëta ambo icquido caic: Esus nadatiambocquid nec, quequin ubi tantiesa mibitedi nec. ¿Tedectsicshun umbi chiacpaden mibitedishun tantiabempe? ¿Mibitedishun tantienquiocsho isash tedectsiashini chieshtope? quetanquin: Min madompi bec cho, capanëdash Esusën.

Ducas 24:25

Adoaquien Esus: Ma bëdiactsëc tantiaquid mibi daëdi neyoc. Nuquin Papan oncamiaidon dada uampid bëdiactsëc tantiaquin tantiesabidi ma mibi neyoc.

Ducas 9:41

Adoaquien ambi nianaidobëta abëd icquido caic Esus nadpanëdash: Nadatiambocquid Nuquin Papa nec, quequin tantiesa mibitedi nec. ¿Tedectsicshun umbi chiacpaden mimbi tantiabempe? Mibitedishun tantienquiocsho isash ¿tedectsiashini chieshtope? quetanquin: Min mado bec cho, capanëdash Esusën.

Uanën dada uaid 20:27

Adtanequien: Is cun mëdante, Tomas. Shëcuë bëmishec cho. Në podo ansiaid iqueque. Aidtsen bëmishec cho. Adshun: Uincuenabien icchitash, quequin tantienquio icbuedëmbi: Uincuenac, quequin tantiata, caquien

Hechos 13:18

Adoaqui nuquin tsusedpabon Nuquin Papan Chiaid niac niacsho issun Nuquin Papan nac shubu nibëdec masiuidpambo yacno seta dadpen 40ted matanmec capucuennesho Nuquin Papan abi chieshënquido icshobi uesquin cuidenquio icquin buanmepampic.

Hechos 2:40

Aden iuen bëdambuen chuibanequi: Nuquin matses isadaidbo Esus tantiesabo icnubi mimbi icsambuen naid ënash Esus tantiaquidquio icta, quequin chuibudquin Petedon ëmpanëdash.

Codinto 2 11:1

Nëbi umbi dada uaid isash: Tantiesa onquiacbimbuen mamënmenu, quequin Pabadon chiec, quequin mibitedishun tantienquio icpashun, caimbi. Adenquio icquin: Mimbi bëdambuen naic, quequin ubi bëdambuen ista.