Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Mateo 16:27 - El Nuevo Testamento en matsés

27 Matsesën Tishaid yec Nuquin Papa yacnouësh cun Pabëd icquidobëd bëchamauanquiec choshon Nuquin Papan abitedishun Icbo icmiaid icquin matses cuidte chiendambi. Nuquin Papa tantiec bëdambuec tabadquid icsho aidbëd tabadmequimbi Nuquin Papa tantienquio yec icsambuen naic tabadquido icsho natiamequin cuidendambi.

အခန်းကိုကြည့်ပါ။ ကော်ပီ




Mateo 16:27
45 ပူးပေါင်းရင်းမြစ်များ  

Matsesën Tishaid icquin Cun Pabëd icquido chomendambi. Icsamianquidobëta icsambuen naquidotedi bedshun chian annëdënquiacno nëseca, quequin umbi chiac


Adombuembidi Nuquin Papan abitedi cuidte uëshë chonoc Nuquin Papabëd icquido nidaidën chomendac. Adoac choshon nuëcquid nibedacbimbuen matses bëdambocquido Nuquin Papa yacno tabadmequimbi


Adnubien Matsesën Tishaid yec ubi chotequid icnuc abuc ismiantequid icsho isbededendac. Adsho isash nidaidën tabadquido matses abitedimbo dacuëdec natiaquiec shubiquiendac. Adnubini Matsesën Tishaid iquequi abitedishun Icbo yec nadatiambo icquin nabanquidquio yec bëchamauanquiec abu ushu yacno ubi chosho isbededendac.


Adshumbic Esusën padpiden abi chote chuiuapondash: Matsesën Tishaid yec abi yacnouësh abëd icquidobëd choec: Abitedishun Icbombueni nec, quiash bëchamauampambuec choequi cun tsadte dapa bëdamboshëcquidën tsadtoquin abitedimbo ismendambi.


Esusën: Ai, mimbi chiaidquiobi nebi. Tantia. Mibitedi chuinu. Matsesën Tishaid yec abuc niduash Nadatiambocquidën dayun abiucquio tsadsho mimbi isendac. Adembidi abucuësh abu ushu yacno ubi chouasho mibitedishun isendac, quepanëdash Esus.


Esusën: Tantia. Mibi chuinu. Bëdi chëshë aton shëcuën ushquid. Uicchun aton shubu uash abuc ushquid. Padnueni Matsesën Tishaid yequi cun shubu nibëdnuc ubi ushte nibëdec, capanëdash.


Adoaquien Esus: Ai, aidi nebi. Matsesën Tishaid yec abuc niduashic Nadatiambocquidën dayun abiucquio tsadsho mibitedishun isendac. Adashic abucuësh abu ushun ubi chouasho mibitedishun isendac, quepanëdash Esus.


Esus tantiaquid yec ambi chiaid tantiaquid nebi, quequid icquimbi ubi tantiesabo icsambuec tabadquido dacuëdënquin ubi caic: Aid tantiaquid nebi, catiapimbocquid icsho isash nadendabi. Matsesën Tishaid icshobi Nuquin Papa nadatiambocquidquio icquin abitedishun Icbombo icmiac Cun Pabëd icquido bëdamboshëcquidobëd choshon nidaidënshun umbitsen: Nëid ubi tantiaquid nec, cauatiapimbo iquendabi, quepanëdash Esus.


Adnubini Matsesën Tishaid yec ubi dasiuidaid bëchamauanquiec uëshë chënquiacbimbuec uëshëmbo iquec nadatiambocquin nabanquidquio yec abu ushun ubi chosho matses abitedishunquio isbededendac.


Tantia. Chuinu. Matsesën Tishaid yec nidaidën tabadbuedi nëbimbobi Nuquin Papa nadatiambocquidën dayun abiucquio tsadendabi, quepanëdash Esus.


Esus tantiaquin aidën chiaid tantiaquid nebi, quebuedi utsibo dacuëdënquin umbi chiaidbëta ubi tantiaquin chuitiapimbocquid iquendac. Adquid icsho issun adembidi Matsesën Tishaid icshobi Nuquin Papa nadatiambocquidquio icquin abitedishun Icbombo icmiac Nuquin Papabëd icquid bëdambocquidobëd choshon umbitsen: Ubi tantiaquid nec, cauatiapimbo iquendabi.


Adoaquien Esusën: Mimbi tantiatepenquio neque. Umbi chiacpadombuen nata, Petedo. Umbi tantiacpadequi aidi uënësendac. Ubi Nuquin Papa yacnouësh choabi yacpadec ma aid uënësenquio icnu, ubi quenuc uënësenquio ictsiash, quepondash Esus.


Adec: Uënësenquio ictsiash, Esus quesho tantiash ubi caic: Esusën tantiaidquio yec Uan uënësenquio iquendac, quecuededpanëdash Esus tantiaquido. ¿Adenda Esusën chuidiondash? Ma adempenquio chiondac. Ubi Nuquin Papa yacnouësh choabi yacpadequi ma uënësenquio icnu, ubi quenuc uënësenquio ictsiash. Mimbi tantiatepenquio nec, quequimbien chuipondash.


Nidaid Cadidea yacnouësh choquido ¿atotsi quiash abuc isec tabadec ne? Abuc indosho mimbi isbued Esus abu ushun choec budsho mimbi padpiden isuaindac, quepanëdash abuc isbededec tabadquido chiec.


Adec abitedishun Icbo icquin ambi cuidte uëshën Nuquin Papan: ¿Enda? ¿Mitsipadec tabado? cabanac nuquitedishun nuqui naidtedi chuibanendac.


Aden matsesën naidtedi tantiaquid icquin bëdambuen naquido abëdi tabadmequimbi icsambuen nabanquido cuidendac.


Ambi tantiacpadombuen Nuquin Papan Esuquidistuba uincuenmepanëdash. Adoshombic Esuquidistu padpidec chonoc abi tantiaquido uënësaido uincuenmendac.


Adshumbic iuecshun matses cuidte uëshëmbi choshon Ambi Chiaid chuibanquido abitedi chuibanmendac. Aid uëshëmbi: ¿Ada bëdambo iqueque? Isnu, queshun ambi nacnenaid pichicaquin tanacbimbuen ambi bëdambuen naidbëta ambi icsambuen naid chuimendac.


Tantia. Abimbo chuinu. Adquid pesho Nuquin Papan ubi bëdambuen isec. Utsi pesho ubi bëdambuen istiapimbo iquec, quequin abimbo chiaidpenquio nec, quequin nuqui tantiec.


Matsesën nabanaidtedi chuibante uëshë chonoc Nuquin Icbon nuqui nabanaidtedi chuibanendac, quequin tantiembi. Ambi chiacpaden naquido abëdi tabadmequimbic icsambuen naquido natiamequin cuidendac.


Iuabobëtambi iuacmaidon bëdambuen nabanquido icsho Nuquin Icbon ambi tantiacpadombuen abitedi menendac, quequin tantiaquin bëdambuen nabanta.


Padnuen chieshëmënquid icquin icsambuen naquid icsho Nuquin Papan cuidendac. Aidon naid issun abimbo tantiaquid icquin: Nëid cuidenquio iquembi, quenquio icquin Nuquin Papan cuidendac.


Adshumbic: Nuquin Papa yacnouësh aton mado Esus nidaidën padpidec chosho istiadquio iquebi. Ubi cuidmenquio icnuec abided cuidadec uënësacsho Nuquin Papan uincuenmiaid Esus choec, queshun aidquio tantiabenac caosh, quequin mibitedishun naid chioshi.


Padenquio icnubien Nuquin Papan namiac Nuquin Papabëd icquidon chuiquid abi yacnouësh choec nuambo cuëdtuidsho tantiendac. Adnubien Nuquin Papan chiacpadombuen abëd icquid utsin nua shoncaindac. Aden shoncanubi Esus abucuësh budnubi Esus tantiec uënësaidotedi abia uincuenendac.


Tantia, cun utsibo. Mibitedi chuinu. Nuquin Icbo choec, quequin tantiec chieshtoenquio yec tabadta. Pete nitsinash: Ue chodednequin canimiac bacuëacsho bedembi, quequin ue cainec tied icbo tabadec.


Mibitedishun Papa quequin chianniaid Nuquin Papa matsesën naidtedi tantiaquid icquin: Nëid bëdambocquid nec. Nëid icsambocquid nec, quequin ambi naid abitedi chuibanquin matses cuidquidquio nec. Adquid icsho uënësabi yec nidaidën tabadquin: Mibi bëdamboshëcquid nec, Papa, quequin Nuquin Papa ënenquio icquin tantiata.


Nëbi cun bacuëbobimbuecquido yec Esusbëd abentsëc yacbimbuec adequi bëdambuec tabadta, quequin mibi chiec nebi. Aden: Abi tantiaquido bedec Esuquidistu padpidec chonoc dacuëdmane, queshun chieshtoenquio icquin aid tantiata.


Adquido icsho cun tsusedpa Enoc caidën chuipampic. Aidi abia matses uaid Adanën madon baban tishmiaidën baba Enoc nepampic. Aidëmbi naden chuipampic: Nuquin Papabëd icquido dadpenquioshë tamëdtiapimbo icquido Nuquin Icbobëd chosho issun


Esuquidistu abu ushu yacno choendac. Adec chosho matses abitedishunquio isendac. Aden cun matsesën ambi mëyanquin uënës uameshun ambi podo ansebuedquio Esus chosho isendac. Padtemboshë, ashibi cuidpec, quetanec abi cuidte tantiec dacuëdec natiaquiec shubiendac. Esus tantiesabo utsibotsen adecbidi abi cuidte tantiec natiaquiec sedenquec shubiquiendac. Adtequidquio iquendac. Amen.


Aid chidon namiaidotsen cumapenec mëyadnuc uënësmendambi. Umbi adosho issun ubi tantiaquidtedishun naden tantiendac: Matsesën tantiaidbëta aidën nabanaidtedi tantiaquidquio icquin Esusën abi tantiesa cuidquimbi abi tantiaquin bëdambuen nabansho issun abi yacnombo tabadmendac.


Adshumbic uënësaidotedi aton matsesën chuiquidobëd utsi chuiquidpenquio yec quec Nuquin Papa aton tsadte dapan tsadsho bëisec tabadposh. Adnubien dadauate dapan dada uabanaid isquin Nuquin Papan matsesën naidtedi abimbo chuibamposh cuidnumbi. Adshumbic abi tantiaquido abëdi tabadmete dada uaid tapa nec, caidën dada uabanaid isquin chuibamposh abëdi tabadmenumbi.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ